லங்காசிறி FM
ஹீத்ரோ தீ விபத்தின் பின்னணியில் விளாடிமிர் புடின்... ரஷ்ய சதி குறித்து எச்சரிக்கும் நிபுணர்கள்
Arbin
in ஐக்கிய இராச்சியம்
பிரித்தானியாவின் மிகவும் பரபரப்பான ஹீத்ரோ விமான நிலையத்தை 24 மணி நேரம் ஸ்தம்பிக்க வைத்த மிக மோசமான தீ விபத்துக்குப் பின்னால் ரஷ்யா இருக்கலாம் என்ற அச்சத்தை நிபுணர்கள் வெளியிட்டுள்ளனர்.
ரஷ்ய உளவுத்துறையுடன் தொடர்பு
ஹீத்ரோ விமான நிலையத்தை ஸ்தம்பிக்க வைத்த தீ விபத்து, ரஷ்ய நாசவேலைக்கான அனைத்து அறிகுறிகளையும் கொண்டிருப்பதாகவும் நிபுணர்கள் எச்சரித்துள்ளனர்.
ஆனால், தீ விபத்துக்கான காரணம் ஒரு பழைய மற்றும் பழுதடைந்த மின்மாற்றி உடைந்து தீப்பிடித்ததே என ஒருசாரார் தெரிவித்துள்ளனர். இந்த தீ விபத்து, ரஷ்ய உளவுத்துறையுடன் தொடர்புடைய தீ விபத்துகள், குண்டுவெடிப்பு சதித்திட்டங்கள் மற்றும் ஐரோப்பா முழுவதும் படுகொலை முயற்சிகளின் ஒரு நடுங்கவைக்கும் வரிசையை பிரதிபலிப்பதாகவும் குறிப்பிடுகின்றனர்.
ஒரு துணை மின் நிலையத்தில் ஏற்பட்ட தீ விபத்து, விமான நிலையத்தை ஸ்தம்பிக்க வைத்ததுடன், அரசு ஆதரவுடன் நடத்தப்பட்ட தாக்குதலாக இருக்கலாம் என்று முன்னாள் ராணுவ அதிகாரிகளும் பாதுகாப்பு நிபுணர்களும் முன்னர் எச்சரித்துள்ளனர்.
இந்த நிலையில் தற்போது பயங்கரவாதத் தடுப்பு பொலிசார் களமிறங்கி விசாரணையை தீவிரப்படுத்தியுள்ளதுடன், இதில் சதிவேலை எதுவும் நடந்துள்ளதா என்பதையும் ஆய்வுக்கு உட்படுத்தி வருகின்றனர்.
உக்ரைனுக்குச் சொந்தமான
ஆனால், இதுவரை அப்படியான ஆதாரங்கள் எதுவும் சிக்கவில்லை என்றே தகவல் வெளியாகியுள்ளது. மேலும், பிரித்தானிய மண்ணை விளாடிமிர் புடின் குறிவைப்பது இது முதல் முறை அல்ல.
2024 ஆம் ஆண்டு கிழக்கு லண்டனில் உள்ள உக்ரைனுக்குச் சொந்தமான ஒரு கிடங்கில் இதுபோன்ற ஒரு தீ விபத்து ஏற்பட்டது. இந்த விவகாரம் தொடர்பில் முன்னெடுக்கப்பட்ட தீவிர விசாரணையில் ரஷ்யாவின் சார்பாக தீ விபத்தை ஏற்படுத்தியதாக ஒரு பிரித்தானியர் ஒப்புக்கொண்டிருந்தார்.
இந்த நிலையில், ஹீத்ரோ தீ விபத்திற்கும் ரஷ்யா தான் காரணம் என கெய்ர் ஸ்டார்மர் குற்றஞ்சாட்டுவார் என ரஷ்யாவின் முன்னாள் பிரதமர் கொந்தளித்துள்ளார். ஏன் இன்னும் அறிக்கை வெளியிடவில்லை ஸ்டார்மர் எனவும் அவர் கேள்வி எழுப்பியுள்ளார்.
ஆனால், முன்னாள் இராணுவ தளபதி ஹமிஷ் டி பிரெட்டன் கார்டன் தெரிவிக்கையில், ஹீத்ரோ விவகாரம் ரஷ்ய நாசவேலையின் அனைத்து அடையாளங்களையும் கொண்டுள்ளது என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
