93 வயதில் கோடீஸ்வரருக்கு ஐந்தாவது திருமணம்: அவரது சொத்து மதிப்பு என்ன தெரியுமா?

கோடீஸ்வரரான ஊடகத்துறை ஜாம்பவான் ஒருவர், தனது 93ஆவது வயதில் ஐந்தாவது முறையாக திருமணம் செய்துகொண்டுள்ளார்.

பிரித்தானிய வம்சாவளியினர்

பிரித்தானிய வம்சாவளியினரான Rupert Murdoch (93), அவுஸ்திரேலியாவில் பிறந்தவர். தற்போது அவர் அமெரிக்கக் குடிமகன் ஆவார். உலக நாடுகள் பலவற்றில் பல்வேறு ஊடக நிறுவனங்களை நடத்திவருகிறார் Rupert Murdoch. Forbes பத்திரிகையின் 2024ஆம் ஆண்டு கணக்கீட்டின்படி, அவரது சொத்து மதிப்பு 1,990 கோடி அமெரிக்க டொலர்கள் ஆகும்.

ஐந்தாவது முறையாக திருமணம்

Rupert Murdoch, 1956ஆம் ஆண்டு, Patricia Booker என்னும் பெண்ணை திருமணம் செய்தார். தம்பதியருக்கு ஒரு மகள். 1967ஆம் ஆண்டு தம்பதியர் விவாகரத்து செய்து பிரிந்துவிட்டார்கள்.

1967ஆம் ஆண்டு, Anna Torv என்னும் பெண்ணை திருமணம் செய்தார் Rupert. தம்பதியருக்கு மூன்று பிள்ளைகள். 1999ஆம் ஆண்டு தம்பதியர் விவாகரத்து செய்து பிரிந்தனர்.

1999ஆம் ஆண்டு, தனது இரண்டாவது மனைவியை விவாகரத்து செய்த 17 நாட்களுக்குப் பின், சீனாவில் பிறந்தவரான Wendi Deng என்னும் பெண்ணை திருமணம் செய்துகொண்டார் Rupert. பல பிரச்சினைகளுக்குப் பின் பிரித்தானிய முன்னாள் பிரதமரான டோனி பிளேருக்கும் தனது மனைவிக்கும் தவறான உறவு இருப்பதாக Rupertக்கு சந்தேகம் ஏற்பட்டது. தம்பதியருக்கு இரண்டு மகள்கள். 2013ஆம் ஆண்டு Rupert விவாகரத்துக்கு விண்ணப்பித்ததாக அவரது அலுவலக செய்தித்தொடர்பாளர் ஒருவர் அறிவித்தார்.

2016ஆம் ஆண்டு, Jerry Hall என்னும் முன்னாள் மொடலை திருமணம் செய்தார் Rupert. 2022ஆம் ஆண்டு ஜூலை மாதம் அந்த திருமணமும் முடிவுக்கு வந்தது.

பின்னர் 2022ஆம் ஆண்டு செப்டம்பர் மாதம், Ann Lesley Smith என்னும் 66 வயதுப் பெண்ணை சந்தித்தார் Rupert. 2023ஆம் ஆண்டு மார்ச் மாதம் 17ஆம் திகதி இருவருக்கும் நிச்சயதார்த்தம் ஆனது. விரைவில் இருவரும் விரைவில் திருமணம் செய்துகொள்ள இருப்பதாக அறிவிக்கப்பட்ட நிலையில், இரண்டே வாரங்களில் தங்கள் நிச்சயதார்த்தம் ரத்து செய்யப்படுவதாக Rupert தரப்பிலிருந்து திடீர் அறிவிப்பு வெளியானது.

ஐந்தாவது திருமணம்

இந்நிலையில், நேற்று, Elena Zhukova, 67 என்னும் பெண்ணுடன் Rupertக்கு திருமணம் நடைபெற்றது. Elena ஒரு ஓய்வு பெற்ற molecular biologist ஆவார். திருமணத்தைத் தொடர்ந்து, மணமகனும் மணமகளும் புன்னகை பூக்கும் முகத்துடன் காணப்படும் புகைப்படங்கள் வெளியாகியுள்ளன.

Rupert, The Sun, Fox News மற்றும் the Wall Street Journal என்னும் பத்திரிகைகளை நடத்தும் News Corporation நிறுவனத்தின் உரிமையாளராவார். நவம்பர் மாதம் தனது சேர்மன் பதவியை விட்டு ரூபர்ட் விலகிய நிலையில், அவரது மகனான Lachlan தந்தையின் பொறுப்புக்களை ஏற்றுக்கொண்டுள்ளார்.