லங்காசிறி FM
மாதம் ரூ.2 லட்சம் சம்பளம் என ஆசைகாட்டி ரஷ்யா- உக்ரைன் போரில் சண்டையிட வைத்தனர்! இந்தியா திரும்பிய இளைஞர்கள் கண்ணீர்
மாதம் ரூ.2 லட்சம் என ஆசைகாட்டி ரஷ்யாவுக்கு அழைத்துச் சென்று உக்ரைனுக்கு எதிரான போரில் சண்டையிட வைத்தனர் என்று இந்தியா திரும்பிய இளைஞர்கள் கண்ணீருடன் பேசியுள்ளனர்.
இந்தியா திரும்பிய இளைஞர்கள்
இந்திய மாநிலமான உத்தரபிரதேசம், ஆசம்கர் பகுதியைச் சேர்ந்தவர் ராகேஷ் (29). இவருடைய நண்பர் பிரஜேஷ் யாதவ் என்பவர் மாவ் பகுதியைச் சேர்ந்தவர் ஆவார்.
இவர்கள் இருவரும் பெயிண்ட் அடிக்கும் வேலை செய்து வந்தனர். இந்நிலையில், இவர்கள் இருவருக்கும் ரஷ்யாவில் அதிகளவு சம்பாதிக்க கூடிய வேலைவாய்ப்பு வந்தது.
இதனை நம்பி இருவரும் ரஷ்யாவுக்கு சென்றனர். மேலும், உத்தரபிரதேசத்தைச் சேர்ந்த இன்னும் சிலர், இந்திய ஏஜெண்டுகளால் ரஷ்யாவுக்கு அனுப்பி வைக்கப்பட்டனர்.
ஆனால், அங்கு சென்றதும் அவர்களுக்கு ராணுவ பயிற்சி அளிக்கப்பட்டு உக்ரைனுக்கு எதிராக சண்டையிடுமாறு களத்திற்கு அனுப்பப்பட்டனர். இதில், இவர்கள் குண்டடி பட்டு உயிர் தப்பி மீண்டும் உத்தரபிரதேசத்திற்கு வந்துள்ளனர்.
இதுகுறித்து ராகேஷ் கூறுகையில், "எங்களுக்கு ரஷ்யாவில் செக்யூரிட்டி வேலை என்றும், மாதம் ரூ.2 லட்சம் சம்பளம் என்றும் ஆசை காட்டி ஏஜெண்டுகள் அழைத்துச் சென்றனர். அங்கு எங்களுக்கு உடல் தகுதி சோதனை நடத்தி தெரியாத இடத்திற்கு அழைத்துச் சென்றனர்.
அங்கு, 15 நாட்கள் நவீன ஆயுதங்களை கையாள பயிற்சி அளிக்கப்பட்டது. பின்னர், உக்ரைனுக்கு எதிராக சண்டையிடுமாறு உத்தரவிட்டனர். மீறினால் தண்டனை வழங்கப்படும் என்றும் கூறினர்.
இதில், உக்ரைனுக்கு எதிரான போரில் எங்களுக்கு குண்டு பட்டு காயம் ஏற்பட்டது. இதனால் பல மாதங்கள் மருத்துவமனையில் சிகிச்சை பெற்று, பிரதமர் மோடியின் உத்தரவின் பேரில் இந்திய வெளியுறவுத்துறை அமைச்சகம் எடுத்த நடவடிக்கையால் கடந்த ஆண்டு செப்டம்பர் மாதம் இந்தியா திரும்பினோம்.
கடந்த ஆண்டு ஜனவரி 17-ம் திகதி அன்று, ரஷ்யாவுடன் தொடர்புடைய இந்திய ஏஜெண்டுகளால் அங்கு சென்றோம். ஏஜெண்டுகள் சுமித், துஷ்யந்த் ஆகியோர் எங்களுடைய வங்கிக்கணக்கை வாங்கி ரூ.7 லட்சம் அனுப்பினர். அதன்பிறகு அவர்களை பார்க்கவில்லை.
இதையடுத்து, ரஷ்யாவில் உள்ள ராணுவ வீரர்களிடம் விசாரித்த போது தான், ரஷ்ய ராணுவத்திற்கு நங்கள் விற்கப்பட்டது தெரியவந்தது" என்றார்.
மேலும், பிரஜேஷ் கூறுகையில், "நாங்கள் மொத்தமாக 6 பேர் அங்கு சென்றோம். குண்டடி பட்டு மாதக்கணக்கில் சிகிச்சை பெற்று வந்தோம். இதில் எங்கள் பகுதியைச் சேர்ந்த கன்ஹையா என்பவர் உயிரிழந்தார். இந்திய அரசின் முயற்சியால் மீண்டும் வந்தோம்" என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
