ரஷ்ய நகரங்களில் ஏற்படும் திடீர் தீவிபத்துக்கள்., உக்ரைன் மீது திரும்பும் சந்தேகம்

ரஷ்யாவில் இஷிம் நகரத்தில் உள்ள ஒரு ஷாப்பிங் சென்டர் உட்பட பல இடங்களில் தீவிபத்து ஏற்பட்டுள்ளது. இது உக்ரைன் மீதான சந்தேகத்துக்கு வழிவகுத்துள்ளது.

ரஷ்யாவில் கடந்த ஒரு வாரமாக பல இடங்களில் சந்தேகிக்கும் வகையில் தீவிபத்துகள் ஏற்ப்பட்டுள்ளதாக செய்திகள் வெளியாகியுள்ளன.

நேற்று (ஏப்ரல் 28) ரஷ்யாவில் டியூமென் ஒப்லாஸ்ட் பகுதியில் அமைந்துள்ள இஷிம் நகரத்தில் உள்ள ஒரு ஷாப்பிங் சென்டரில் ஏற்பட்ட ஒரு பயங்கரமான தீயைத் தொடர்ந்து அதனைச் சுற்றியுள்ள நிலப்பரப்புகள் எரிந்து சாம்பலாயின.

இஷிம் ஷாப்பிங் சென்டர் தீவிபத்தை தொடர்ந்து, ரஷ்யாவில் அதே பகுதியில் Krasnaya Gorka என்ற இடத்தில் 200 சதுர மீட்டர் பரப்பளவில் எட்டு நாட்டு வீடுகள் தீப்பிடித்து எரிந்தன.

மேலும், Kurgan பகுதியில் பயங்கர தீ விபத்து ஏற்பட்டதாகவும், அங்கிருந்து சுமார் 500 வெளியேற்றப்பட்டனர் என்று ரஷ்ய அவசரகால அமைச்சகம் கூறியுள்ளது. தீயின் பரப்பளவு சுமார் 5,000 சதுர மீட்டர்கள் என்று அவசரகால சூழ்நிலைகள் அமைச்சகம் கூறியது.

டியூமன் பகுதியில் ஏற்பட்ட தீ மற்றும் குர்கானில் ஏற்பட்ட தீ இரண்டும் உலர்ந்த புல்வெளியில் தீப்பிடித்ததன் விளைவு என்று கூறப்படுகிறது.

நகர மையத்தில் அமைந்துள்ள ஷாப்பிங் சென்டர், ரஷ்ய ஊடகங்களின்படி, ஒரு முன்னாள் காலணி தொழிற்சாலை என்று கூறப்படுகிறது. மையத்தின் இணையதளத்தில் 89 பொட்டிக்குகள் இந்த வசதியில் அமைந்துள்ளதாகவும், ஒவ்வொரு நாளும் 1,200 பேர் வரை இந்த மையத்திற்கு வருகை தருவதாகவும் கூறுகிறது. உயிரிழப்பு எதுவும் ஏற்படவில்லை என TASS அறிவித்துள்ளது.

#Wildfires Forest fires in Kurgan oblast, Russia
28-04-2022#wildfires2022Russia @Pierre_Markuse @m_parrington @CopernicusEU pic.twitter.com/S2IOZGaYZe

— Kirill Bakanov (@WeatherSarov1) April 28, 2022

ரஷ்ய தலைநகர் மாஸ்கோவில் இருந்து 1,227 மைல் தொலைவில் உள்ள இஷிமில் உள்ள வளாகத்தில் பிற்பகல் 2.33 மணியளவில் தீப்பிடித்ததாக ஊடக வட்டாரங்கள் தெரிவிக்கின்றன.

தீயினால் ஏற்பட்ட உயிரிழப்புகள் குறித்து இதுவரை அறிவிக்கப்படவில்லை மற்றும் உக்ரைன் எந்தவொரு தாக்குதலுக்கும் பொறுப்பேற்கவில்லை.

அதேபோல், ரஷ்ய அதிகாரிகளும் இன்னும் இது குறித்து கருத்து ஏதும் தெரிவிக்கவில்லை.

A series of strange fires in Russia continues.

This time, a shopping center in Ishim (Tyumen region) is on fire...#FuckRussia #FuckPutin pic.twitter.com/7F9RNxV0Ek

— Anonymous Operations (@AnonOpsSE) April 28, 2022

ரஷ்யாவில் உள்ள மர்மமான தீவிபத்துகள், மாஸ்கோவிற்கு எதிராக உக்ரைன் திருப்பி தாக்கியதாக தீவிர ஊகங்களுக்கு வழிவகுத்தது, ரஷ்யாவில் உள்ள இரண்டு எண்ணெய் கிடங்குகள் மற்றும் 'உயர்-ரகசிய' பாதுகாப்பு வசதி ஆகியவற்றில் சமீபத்திய தீவிபத்துக்கு பின்னால் உக்ரேனிய ட்ரோன்கள் இருப்பதாக ஊடக அறிக்கைகள் தெரிவிக்கின்றன.

ஏப்ரல் 25 அன்று , ரஷ்யாவின் பிரையன்ஸ்கில் உள்ள எண்ணெய் ஆலைகளில் இரண்டு பெரிய தீ விபத்துகளுக்கு உக்ரைனில் இருந்து வந்த ட்ரோன்கள் தான் வெளிப்படையான காரணம் என்று கூறப்படுகிறது.

அதேபோல், ஏப்ரல் 21 அன்று ரஷ்யாவின் ட்வெர் நகரில் உள்ள 'உயர்-ரகசிய' பாதுகாப்பு வளாகத்தில் தீப்பிடித்தது, இதில் 25 பேர் கொல்லப்பட்டதாக கூறப்படுகிறது.