மனைவியின் கைகளைக் கோர்த்தபடி., நெதர்லாந்து முன்னாள் பிரதமர்-மனைவி இரட்டைக் கருணைக்கொலை

நெதர்லாந்தின் முன்னாள் பிரதமர் மற்றும் அவரது காதல் மனைவி இருவரும் கைகளைக் கோர்த்தபடி கருணைக்கொலை செய்துகொண்டனர்.

பிப்ரவரி 5-ஆம் திகதி (திங்கட்கிழமை) நடந்த இந்த வருத்தத்திற்குரிய வினோத சம்பவம் காதலர் தினத்தையொட்டி பரவலாக பேசப்பட்டு வருகிறது.

இலங்கையர்கள், இந்தியர்களை குறிவைத்து வெளியேற்றும் மாலத்தீவு., பட்டியலில் சீனர்கள் இல்லை

நெதர்லாந்தின் முன்னாள் பிரதமர் ட்ரைஸ் வான் ஆக்ட் (Dries van Agt) மற்றும் மனைவி யூஜின் (Eugenie) சட்டப்பூர்வ கருணைக்கொலை மூலம் திங்கள்கிழமை இறந்தனர்.

93 வயதான இருவரும் நீண்ட நாட்களாக உடல்நிலை சரியில்லாமல் இருந்தனர்.

@montiniski)

மருத்துவர்களின் உதவியால் இருவரும் இறுதி மூச்சு விட்டு கடைசி வரை ஒருவரையொருவர் கைகோர்த்து துணையாக இருந்தனர்.

நெதர்லாந்தில் உள்ள ஒரு சட்ட உரிமை அமைப்பின் படி, அவர்கள் அருகிலுள்ள கல்லறைகளில் புதைக்கப்பட்டனர்.

ஆக்ட் தனது மனைவியை மிகவும் நேசித்தார். சில ஆண்டுகளுக்கு முன்பு, "அவர் இன்னும் என்னை My Girl என்று அழைக்கிறார்" என்று யூஜின் கூறியது குறிப்பிடத்தக்கது.

கத்தாரில் விடுவிக்கப்பட்ட 8 இந்திய கடற்படை வீரர்கள்: ஷாருக்கானுக்கு எந்தப் பங்கும் இல்லை...

நேரத்தையும் நாளையும் தாங்களே தேர்ந்தெடுத்தனர்

ஆக்ட் 1977 முதல் 1982 வரை நெதர்லாந்தின் பிரதமராக இருந்தார். அவர் கிறிஸ்துவ ஜனநாயகக் கட்சியின் உறுப்பினராக இருந்தார். 

கருணைக்கொலை 2000-ஆம் ஆண்டில் நெதர்லாந்தில் சட்டப்பூர்வமாக அங்கீகரிக்கப்பட்டது. இதன் கீழ், 'குணப்படுத்த முடியாத அல்லது அவரது உடல்நிலையில் முன்னேற்றம் ஏற்படாத நோயால் பாதிக்கப்பட்டுள்ள' ஒருவர் கருணைக்கொலை கோரலாம்.

68 ஆண்டுகள் ஒன்றாக வாழ்ந்த பிறகு, ஆக்ட் மற்றும் யூஜின் அவர்கள் மரணிக்கும் நேரத்தையும் நாளையும் தாங்களாகவே முடிவு செய்தனர். இதன் போது வைத்தியர்கள் குழுவும் இடம்பெற்றிருந்தது.

ஆக்டுக்கு 2019-இல் மூளையில் ரத்தக்கசிவு ஏற்பட்டது. அப்போது அவர் கருத்தரங்கில் உரையாற்றினார்.

PHOTO: BNA PHOTOGRAPHIC/ALAMY

பல சமயங்களில் அவர் கட்சி எல்லையைக் கடந்து வந்தார். அதனால் எதிர்ப்பும் கிளம்பியது. 2017ல் அவர் கட்சியை விட்டு வெளியேற இதுவே காரணம். அவர் இஸ்ரேலின் எதிர்ப்பாளராகவும், பாலஸ்தீனத்தின் தீவிர ஆதரவாளராகவும் இருந்தார்.

ஆக்ட்-யூஜின் தம்பதிக்கு மூன்று குழந்தைகள் உள்ளனர்.

நெதர்லாந்தில் கருணைக்கொலை-ஒரு பார்வை

நெதர்லாந்தில், கருணைக்கொலைக்கு ஒப்புதல் பெற்ற பிறகு, வைத்தியர்கள் வழக்கமாக சம்பந்தப்பட்ட நபரின் வீட்டில் கடைசி நிமிட செயல்முறையைச் செய்வார்கள். இதன் போது, ​​நோயாளிக்கு ஒரு சிறப்பு வகை ஊசி போடப்படுகிறது மற்றும் சில நிமிடங்களில் அவரது சுவாசம் நின்றுவிடும்.

இறந்த பிறகும் இந்த விவகாரம் விசாரிக்கப்படுவதுதான் சிறப்பு. வைத்தியர்களின் சிறிதளவு அலட்சியம் கூட கண்டறியப்பட்டால், அவர்களுக்கு 12 ஆண்டுகள் சிறைத்தண்டனை விதிக்கப்படலாம்.

2022-ஆம் ஆண்டில், நெதர்லாந்தில் மொத்தம் 8501 பேர் இந்த சட்ட முறையின் மூலம் தங்கள் உயிரை மாய்த்துக்கொண்டனர்.

Radboud University

கருணைக்கொலை செய்ய குழந்தைகளுக்கும் உரிமை உண்டு

'ஜெருசலேம் போஸ்ட்' அறிக்கையின்படி, 2023-ல் நெதர்லாந்து அரசாங்கம், தீராத நோயால் பாதிக்கப்பட்டு, சிகிச்சையில் நிவாரணம் கிடைக்கும் என்ற நம்பிக்கை இல்லாத குழந்தைகளுக்குக் கூட கருணைக்கொலை செய்யும் உரிமையை வழங்கியுள்ளது.

விதிகளின்படி, ஒரு வருடத்தில் 5 முதல் 10 குழந்தைகள் மட்டுமே இந்த உரிமையைப் பெற முடியும்.

12 வயது அல்லது அதற்கு மேற்பட்ட வயதுடைய குழந்தைகளுக்கு மட்டுமே கருணைக்கொலை செய்ய உரிமை உண்டு.

இதற்கு, அவர்களின் பெற்றோரின் எழுத்துப்பூர்வ ஒப்புதல் அவசியம். 16 வயதுக்கு மேற்பட்டவர்களுக்கு பெற்றோரின் அனுமதி தேவையில்லை.

Google CEO இப்படித்தான் நாளை ஆரம்பிக்கிறார்., பிரபலங்களின் அதிகாலை ரகசியம்

Duo Euthanasia, Former Dutch Prime Minister-Wife Die Holding Hands Together, Dries van Agt, Eugenie, legal euthanasia