மீண்டும் கலவர பூமியான பிரான்ஸ்... நெருக்கடியைச் சமாளிக்க திணறும் அரசு

France gripped by student protests: மாணவர் போராட்டங்களால் பிரான்ஸ் ஸ்தம்பித்தது.

இந்த வாரம் நாடு முழுவதும் உள்ள பள்ளிகளுக்கு வெளியே ஆயிரக்கணக்கான பதின்ம வயதினர் நடத்திய போராட்டங்களால் எதிர்பாராத விதமாகத் திக்குமுக்காடிப் போன பிரெஞ்சு அரசாங்கம், மிக மோசமான நெருக்கடியைச் சமாளிக்கப் போராடி வருகிறது.

மோசமான சூழல்

கல்வி அமைப்புக்கு போதிய நிதி ஒதுக்கப்படவில்லை என்றும், அது புறக்கணிக்கப்பட்டுள்ளது என்றும் மாணவர் சங்கங்கள் கூறுகின்றன. இந்த போராட்டங்கள் அடுத்த வாரமும் தொடரும் சூழலில்,

வெள்ளிக்கிழமையன்று நூற்றுக்கணக்கான உயர்நிலைப் பள்ளிகள் மூடப்பட்டன அல்லது தடுப்புகள் மூலம் அடைக்கப்பட்டன; மேலும் நூற்றுக்கணக்கான மாணவர்கள் கைது செய்யப்பட்டுள்ளனர்.

போராட்டத்தில் ஈடுபட்டுள்ள பல பள்ளி மாணவர்கள், இடைநிலைக் கல்வியிலிருந்து அரசு விலகிவிடுவதாகக் குற்றம் சாட்டியுள்ளனர். மேலும், வகுப்பின்போது மேற்கூரைகள் பகுதியளவு இடிந்து விழுவது, கசிவுகள், கரப்பான் பூச்சிகள் மற்றும் பழுதடைந்த கட்டிடங்கள் போன்ற மோசமான சூழல்களை வகுப்பறைகளில் நிலவுவதாகவும் அவர்கள் விவரித்துள்ளனர்.

பிரான்ஸ், ஜேர்மனியைக் கட்டாயப்படுத்தும் அமெரிக்கா... ஏற்றுமதித் தடை குறித்து மிரட்டல்

மற்றவர்கள் மிக நீண்ட பள்ளி நாட்கள் மற்றும் ஆசிரியர் பற்றாக்குறை பற்றியும் பேசியுள்ளனர். இதனிடையே, குறைகள் நியாயமானவை என்று கூறிய அரசாங்கம், நகர்ப்புற வன்முறை என்று போராட்டங்களைக் குறிப்பிட்டதற்கு கண்டனம் எழுந்துள்ளது.

போராட்டக்காரர்களைக் கலைக்கத் தொடர்ந்து கண்ணீர்ப்புகைக் குண்டுகளை வீசியதன் மூலம், காவல்துறையினர் அளவுக்கு அதிகமான பலப்பிரயோகத்தைப் பயன்படுத்தியதாகவும் காயங்களை ஏற்படுத்தியதாகவும் மாணவர்கள் குற்றம் சாட்டியுள்ளனர்.

வெள்ளிக்கிழமை காலை பாரிஸில், நகரின் தெற்கில் உள்ள லியோனார்ட் டா வின்சி மற்றும் தென்கிழக்கில் உள்ள காஸ்டன்-பாஷ்லார்ட் ஆகிய இரண்டு உயர்நிலைப் பள்ளிகளின் நுழைவாயில்கள் தீயினால் சேதமடைந்தன.

போராட்டங்களில் பல மாணவர்கள் காயமடைந்துள்ள நிலையில், 40 பள்ளி முதல்வர்கள் உட்பட 65 கல்விப் பணியாளர்கள் காயமடைந்ததாக கல்வி அமைச்சகம் தெரிவித்துள்ளது.

வால் டி'ஓய்ஸ் பகுதியில் 14 வயது சிறுவனை காவல்துறையினர் தாக்கியதாகவும், ஒருவகை ரப்பர் தோட்டாவால் சுட்டதாகவும் கூறப்பட்டதைத் தொடர்ந்து, அவனது வாய் மற்றும் தாடையில் பலத்த காயங்கள் ஏற்பட்ட சம்பவம் குறித்து விசாரணை நடைபெற்று வருகிறது.

Le Pen-க்கு எதிரான

வெள்ளிக்கிழமை அன்று, லைசி வோல்டேர் பள்ளிக்கு வெளியே நூற்றுக்கணக்கான சிறார்கள் நடத்திய அமைதியான ஆர்ப்பாட்டத்திற்கு மத்தியில், கலவரத் தடுப்புப் பொலிசார் பாதுகாப்புப் பணியில் ஈடுபட்டிருந்தனர்.

இன்னும் கிழக்கே, 'லிசே ஹெலன் பூஷர்' (Lycée Hélène Boucher) பள்ளிக்கு வெளியே அமைக்கப்பட்டிருந்த தடுப்பு அரணில், மாணவர்கள் காஸா மக்களுக்கு ஆதரவான வாசகங்கள் அடங்கிய அட்டைகளையும்,

கருத்துக்கணிப்புகளில் முன்னிலையில் இருக்கும் தீவிர வலதுசாரி ஜனாதிபதி வேட்பாளர் Marine Le Pen-க்கு எதிரான பதாகைகளையும் ஏந்தியவாறு பாடல்களைப் பாடிக்கொண்டிருந்தனர்.

இதனிடையே, இலக்கியம் பயின்று வரும் 19 வயதான சோஃபியான், பொருளாதார நெருக்கடியில் உள்ள மாணவர்களுக்கான சிறப்பு 1 யூரோ உணவுத் திட்டத்தை அரசு ரத்து செய்துவிடுமோ என்றும், வீட்டு வசதிக்கான நலத்திட்ட உதவிகளைக் குறைத்துவிடுமோ என்றும் மாணவர்கள் அஞ்சுவதாகக் கூறினார்.