இந்திய பிரதமர் மோடிக்கு உயரிய விருது வழங்கி பிரான்ஸ் கவுரவிப்பு

பிரான்ஸ் நாட்டிற்கு சுற்றுப்பயணம் மேற்கொண்டுள்ள இந்திய பிரதமர் நரேந்திர மோடிக்கு ஜனாதிபதி இம்மானுவேல் மக்ரோன் உயரிய விருது வழங்கி கவுரவித்துள்ளார்.

பிரான்ஸ் நாட்டிற்கு மோடி சுற்றுப்பயணம்

பிரான்ஸ் நாட்டின் தேசிய தின கொண்டாட்டத்தில் கலந்து கொள்வதற்காக இந்திய பிரதமர் நரேந்திர மோடி பிரான்ஸுக்கு இரண்டு நாள் சுற்றுப்பயணம் மேற்கொண்டுள்ளார்.

பிரான்ஸ் பிரதமர் எலிசபெத் போர்ன் பாரிஸ் விமான நிலையத்திற்கு நேரில் வந்து இந்திய பிரதமர் நரேந்திர மோடிக்கு உற்சாக வரவேற்பு வழங்கினார்.

இந்திய வம்சாவளியினரின் நிகழ்ச்சியில் மோடி உரை

இதையடுத்து ஓட்டலுக்கு சென்ற பிரதமர் மோடிக்கு இந்திய வம்சாவளியினர் உற்சாகமான வரவேற்பு வழங்கினர்.

இதனை தொடர்ந்து இரவு 11 மணியளவில் இந்திய வம்சாவளியினர் சார்பில் நடத்தப்பட்ட நிகழ்ச்சியில் கலந்து கொண்டு பிரதமர் மோடி சிறப்பான உரையை வழங்கினார்.

Glimpses from a memorable community programme in Paris. Gratitude to all those who joined us. We are very proud of the accomplishments of our diaspora. pic.twitter.com/LYgCAQCYJl

— Narendra Modi (@narendramodi) July 13, 2023

அப்போது நீங்கள் பாரத் மாதா கீ ஜே என்று நீங்கள் கோஷமிடுவது எனக்கு இந்தியாவில் கேட்பது போல் உள்ளது, நான் பல முறை பிரான்ஸ் நாட்டிற்கு வந்துள்ளோன், ஆனால் இந்த முறை என்னுடைய வருகை சிறப்பானது.

என்னை  அழைத்த பிரான்ஸ் மக்களுக்கு நன்றி, பிரான்ஸ் தினத்தை கொண்டாடும் அனைவரும் என்னுடைய வாழ்த்துக்கள், நாளை நடைபெறும் எனது தேசிய தின அணிவகுப்பில் நண்பர் இம்மானுவேல் மக்ரோன் உடன் இணைந்து கலந்து கொள்வேன் என பிரதமர் மோடி தன்னுடைய உரையில் கூறினார்.

I thank President @EmmanuelMacron and Mrs. Macron for hosting me at the Élysée Palace this evening. pic.twitter.com/OMhydyleph

— Narendra Modi (@narendramodi) July 13, 2023

மேலும் எந்தவொரு வாய்ப்பையும் நாங்கள் நழுவ விடுவது இல்லை, ஒரு நிமிடத்தை கூட வீணாக்கி விடமாட்டோம் என இந்தியா முடிவு எடுத்துள்ளது, இந்த நிகழ்வு இந்தியா பிரான்ஸ் இடையே ஆழமான நட்புறவை எடுத்துக் காட்டுகிறது என்றும் இந்திய பிரதமர் மோடி பேசினார்.

விருது வழங்கி கவுரவிப்பு

இந்நிலையில் பிரான்ஸ் எலிசி அரண்மனைக்குச் சென்ற பிரதமர் மோடிக்கு ஜனாதிபதி இம்மானுவேல் மக்ரோன் மற்றும் அவரது மனைவி பிரிகர் மக்ரோன் இணைந்து உற்சாக வரவேற்பு வழங்கினர். அங்கு பிரதமர் மோடிக்கு விருந்து வழங்கப்பட்டது.

It is with great humility that I accept the Grand Cross of the Legion of Honor. This is an honour for the 140 crore people of India. I thank President @EmmanuelMacron, the French Government and people for this gesture. It shows their deep affection towards India and resolve for… pic.twitter.com/Nw7V1JVgpb

— Narendra Modi (@narendramodi) July 14, 2023

இதனை தொடர்ந்து இந்திய பிரதமர் நரேந்திர மோடிக்கு “கிராண்ட் கிராஸ் ஆப் தி லீஜியன் ஆப் ஹானர்” என்ற விருதை ஜனாதிபதி இம்மானுவேல் மக்ரோன் வழங்கி சிறப்பித்தார். இது ராணுவ மற்றும் சிவிலியன் கட்டளைகளில் பிரான்ஸ் அரசின் மிக உயர்ந்த கவுரமாக பார்க்கப்படுகிறது.

இந்த விருதினை பெறும் முதல் இந்திய பிரதமர் என்ற பெருமையை நரேந்திர மோடி பெற்றுள்ளார் என்பது குறிப்பிடத்தக்கது.