லங்காசிறி FM
50,000-ஐ கடந்த பலி எண்ணிக்கை: காசாவில் மருத்துவமனையை குறிவைத்து தாக்கிய இஸ்ரேல்
இஸ்ரேல்-ஹமாஸ் மோதலில் 50,000க்கும் அதிகமானோர் பலியாகி இருப்பது பெரும் கவலையை ஏற்படுத்தியுள்ளது.
50,000-ஐ கடந்த பலி எண்ணிக்கை
காசாவில் இஸ்ரேல்-ஹமாஸ் மோதல் தீவிரமடைந்துள்ள நிலையில், பலி எண்ணிக்கை 50,000ஐ தாண்டியுள்ளது.
மேலும், 113,000க்கும் அதிகமானோர் காயமடைந்துள்ளனர்.
காசா சுகாதார அமைச்சகம் வெளியிட்டுள்ள அறிக்கையின்படி, இந்த உயிரிழப்புகளில் பொதுமக்கள் மற்றும் போராளிகள் இருவருமே அடங்குவர் என தெரியவந்துள்ளது.
மேலும், உயிரிழந்தவர்களில் கணிசமான எண்ணிக்கையில் பெண்கள் மற்றும் குழந்தைகளும் உள்ளனர் என்பது வேதனையளிக்கிறது.// போர் நிறுத்த ஒப்பந்தம் முறிந்ததிலிருந்து மட்டும் 673 பேர் உயிரிழந்துள்ளனர் என்பது குறிப்பிடத்தக்கது.
நாசர் மருத்துவமனை மீது தாக்குதல்
தெற்கு காசாவில் உள்ள மிகப்பெரிய மருத்துவமனையான நாசர் மருத்துவமனை மீது இஸ்ரேல் நடத்திய தாக்குதல், நிலைமையை மேலும் மோசமாக்கியுள்ளது.
இந்த தாக்குதலில் ஹமாஸ் அரசியல் குழு உறுப்பினர் இஸ்மாயில் பர்ஹூம் உட்பட ஐந்து பேர் உயிரிழந்தனர்.
பர்ஹூம் முந்தைய தாக்குதலில் காயமடைந்து சிகிச்சை பெற்று வந்ததாக கூறப்படுகிறது. இந்த தாக்குதலை இஸ்ரேல் பாதுகாப்பு அமைச்சர் இஸ்ரேல் காட்ஸ் உறுதிப்படுத்தியுள்ளார்.
இஸ்ரேல் இராணுவத்தின் குற்றச்சாட்டுகள்
ஹமாஸ் மருத்துவமனைகள், பள்ளிகள் மற்றும் தங்குமிடங்கள் போன்ற சிவிலியன் உள்கட்டமைப்பை தங்களின் செயல்பாடுகளுக்கு பயன்படுத்துவதாக இஸ்ரேல் இராணுவம் (IDF) குற்றம் சாட்டுகிறது.
ஆனால், ஹமாஸ் இந்த குற்றச்சாட்டை மறுக்கிறது. அதே சமயம் குறைந்தபட்ச பாதிப்புடன் துல்லியமான தாக்குதல் நடத்தப்பட்டதாக IDF கூறுகிறது.
நாசர் மருத்துவமனை ஏற்கனவே முந்தைய தாக்குதல்களால் கடுமையாக பாதிக்கப்பட்டு, காயமடைந்தவர்களால் நிரம்பி வழிவதாக தகவல்கள் தெரிவிக்கின்றன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
திருநெல்வேலி கிழக்கு, ஆவரங்கால், Montreal, Canada, Ottawa, Canada
24 Mar, 2025
நெடுந்தீவு மேற்கு, உருத்திரபுரம், மல்லாவி, England, United Kingdom, Toronto, Canada
23 Feb, 2025
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
