லங்காசிறி FM
மனைவி இறந்தது தெரியாமலே உயிரிழந்த பிரபல நடிகர்: வெளியாகியுள்ள துயரச் செய்தி
பிரபல சூப்பர்மேன் திரைப்பட நடிகர் மரணம் தொடர்பில் துயரச் செய்தி ஒன்று வெளியாகியுள்ளது.
மனைவி இறந்த துக்கம் தாளாமல்...
சூப்பர்மேன் திரைப்படம் உட்பட பல்வேறு திரைப்படங்களில் நடித்தவரும், இரண்டு ஆஸ்கர் விருதுகள் உட்பட பல்வேறு விருதுகள் பெற்றவருமான பிரபல ஹாலிவுட் நடிகர் ஜீன் ஹாக்மேன் எப்படி உயிரிழந்தார் என்பது குறித்த செய்திகள் வெளியாகியுள்ளன.
ஜீன் ஹாக்மேனும் (Gene Hackman, 93), அவரது மனைவியான பெற்சியும் (Betsy Arakawa, 63), அமெரிக்காவின் நியூ மெக்சிகோ மாகாணத்திலுள்ள Santa Fe என்னுமிடத்தில் வாழ்ந்துவந்த நிலையில், கடந்த மாதம், அவர்கள் இருவரும் தங்கள் வீட்டில் உயிரற்ற நிலையில் கண்டுபிடிக்கப்பட்ட விடயம் கடும் அதிர்ச்சியை உருவாக்கியது.
இந்நிலையில், உடற்கூறு ஆய்வாளர்கள் அவர்கள் இருவருடைய மரணம் குறித்து விளக்கியுள்ளார்கள்.
அதாவது, ஜீனின் மனைவியான பெற்சிதான் முதலில் உயிரிழந்துள்ளார். அவர் எலிகள் போன்ற விலங்குகள் மூலம் பரவும் ஒருவகை நுரையீரல் வைரஸ் தொற்றுநோயால் உயிரிழந்துள்ளார்.
அவர் பிப்ரவரி 11ஆம் திகதி உயிரிழக்க, தனது மனைவியின் உடலுடன் ஒரு வாரம் வாழ்ந்த ஜீன், பிப்ரவரி மாதம் 18ஆம் திகதி உயிரிழந்துள்ளதாக அவரது இதயத்தில் பொருத்தப்பட்டிருந்த பேஸ்மேக்கர் கருவி தரவுகள் மூலம் தெரியவந்துள்ளது.
ஜீனுக்கு அல்ஸீமர் நோய் இருந்துள்ளது, நோய் முற்றியிருந்த நிலையில், இதய பிரச்சினையும் சேர்ந்துகொள்ளவே, அதுவே அவர் உயிரிழக்கக் காரணமாக அமைந்திருக்கலாம் என உடற்கூறு ஆய்வாளர்கள் தெரிவித்துள்ளார்கள்.
விடயம் என்னவென்றால், அல்ஸீமர் நோய் முற்றியதால், ஜீனுக்கு தன் மனைவி மரணமடைந்ததே தெரியாமல் இருந்திருக்கலாம் என்றும் உடற்கூறு ஆய்வாளர்கள் தெரிவித்துள்ளார்கள்.
மிகப் பிரபலமான ஒரு நடிகர், அவ்வளவு வசதியாக வாழ்ந்துவந்த நிலையிலும், கடைசியில் யாரும் உதவிக்கு இல்லாத நிலையில், உயிரிழந்து, உடல் உலர்ந்த நிலையில் கண்டுபிடிக்கப்பட்ட விடயம் ஹாலிவுட் வட்டாரத்தில் கடும் சோகத்தை உருவாக்கியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
