20 ஆண்டுகள் இணைந்து வாழ்ந்த ஓரினச்சேர்க்கை தம்பதி., கணவனை கொன்று நாடகமாடும் ஜேர்மன் தூதர்!

பெல்ஜியத்தில் தனது ஓரினச்சேர்க்கை கணவனை கொலை செய்து நாடகமாடுவதாக ஜேர்மன் தூதர் கைது செய்யப்பட்டுள்ளார்.

பெல்ஜியம் நாட்டைச் சேர்ந்த தனது கணவரைக் கொன்று, குற்றத்தை மறைக்க முயன்றதாகக் கூறி, ஜேர்மன் தூதர் ஒருவர் சனிக்கிழமை ரியோ டி ஜெனிரோவில் பொலிஸாரால் கைது செய்யப்பட்டார்.

பொலிஸ் அறிக்கையின்படி, உவே ஹெர்பர்ட் ஹான் (Uwe Herbert Hahn) ஜேர்மன் தூதரகத்தில் பணிபுரிகிறார், மேலும் அவரது கணவர் வெள்ளிக்கிழமை மர்மமான சூழ்நிலையில் இறந்துவிட்டார் என்று புகார் அளித்தார்.

அவரது கணவர் வால்டர் ஹென்றி மாக்சிமிலியன் பயோட் (Walter Henri Maximilien Biot) சரிந்து விழுந்து தலையில் அடிபட்டதாக ஹான் கூறினார்.

ஆனால், பாதிக்கப்பட்டவரின் உடலையும், ஐபனேமாவில் உள்ள வீட்டையும் பகுப்பாய்வு செய்ததில், அவர் கடுமையாக தாக்கப்பட்டதாகவும், அதுவே அவரது மரணத்திற்கு காரணமானதாகவும் பொலிஸார் தெரிவித்தனர்.

பயோட் கீழே விழுந்து அடிபட்டார் என்று ஹான் வழங்கியா தகவல்கள், தடயவியல் அறிக்கையின் முடிவுகளுடன் பொருந்தவில்லை என்று பொலிஸ் அதிகாரி கமிலா லூரென்கோ தெரிவித்தார்.

மேலும், பயோட்டின் உடற்பகுதி உட்பட பல்வேறு காயங்களைக் கண்டறிந்தது, மிதிப்பதன் மூலம் ஏற்படும் காயங்களுடன் இணக்கமாகவும், அத்துடன் உருளையான கருவியின் தாக்குதலுக்கு இணங்கக்கூடிய புண்களும் இருந்ததாக அவர் கூறினார்.

சடலம் அதன் மரணத்தின் சூழ்நிலைகளை பகிரங்கமாக வெளிப்படுத்துகிறது என்றும் அவர் கூறினார்.

ரியோ டி ஜெனிரோவின் 14-வது பொலிஸ் வளாகத்தால் வெளியிடப்பட்ட படங்கள் அடுக்குமாடி குடியிருப்பின் தரை மற்றும் சுவர்களில் இரத்தத்தைக் காட்டியது, மேலும் ஹானுக்கு எந்த diplomatic immunity-யும் இருக்காது என்றும் அவர்கள் தெரிவித்தனர்.

Diplomatic Immunity என்பது தூதரக அதிகாரிகளுக்கு பாதுகாப்பான வழி வழங்கப்படுவதை உறுதிசெய்கிறது. அதாவது, அந்த இந்த சக்தியை கொண்ட துத்தர் அவர் வேலைபார்க்கும் நாட்டின் சட்டங்களின் கீழ் வழக்கு அல்லது விசாரணைக்கு ஆளாக மாட்டார்கள். இந்த வழக்கில் ஜேர்மன் தூதரான ஹானுக்கு அப்படி எந் சக்தியும் இல்லை என தெரிவிக்கப்பட்டுள்ளது.

ஹானும் பயோட்டும் 20 வருடங்களுக்கு முன் திருமணம் செய்து கொண்டனர். பயோட் பற்றி அதிக தகவல்கள் வெளியிடப்படவில்லை என்றாலும், அவர் 53 வயதை எட்டுவதற்கு இன்னும் ஒரு வாரம் உள்ளதாக ஊடக அறிக்கைகள் கூறுகின்றன.

பொலிசார் தற்போது வழக்கில் உள்ள அனைத்து ஆதாரங்களையும் விசாரித்து வருகின்றனர், மேலும் பாதிக்கப்பட்டவர் குடிபோதையில் விழுந்ததாக ஹான் கூறிய போதிலும், காவல்துறைக்கு எந்த ஆதாரமும் கிடைக்கவில்லை என்று அவர்கள் நம்புகிறார்கள்.

இந்நிலையில், இந்த வழக்கில் முழு கவனமும் ஹான் மீது திரும்பியுள்ளது. அவரே அடித்து கொலை செய்திருக்கலாம் என சந்தேகிக்கப்படும் நிலையில், அவர் இப்போது கைது செய்யப்பட்டிக்கு விசாரணையில் உள்ளார்.