சீனாவை எதிர்கொள்ள புதிய வர்த்தக கருவி - ஜேர்மனி, பிரான்ஸ் இணைந்த முன்முயற்சி

European Union China France Germany

By Ragavan Oct 05, 2026 05:47 PM GMT

Ragavan

in சர்வதேசம்

Report

Germany, France push EU trade tool vs China: சீனாவை எதிர்கொள்ள ஜேர்மனியும் பிரான்சும் புதிய திட்டத்தை ஐரோப்பிய ஒன்றியத்தில் முன்வைத்துள்ளன.

தினமும் 1 பில்லியன் யூரோ வர்த்தக பற்றாக்குறை

ஐரோப்பிய ஒன்றியத்தில் (EU) சீனாவுடன் உள்ள வர்த்தக உறவுகள் நாளுக்கு நாள் சிக்கலாகி வருகின்றன. 2025-ஆம் ஆண்டில், சீனாவுடன் ஐரோப்பிய ஒன்றியத்தின் வர்த்தக பற்றாக்குறை தினமும் சுமார் 1 பில்லியன் யூரோ அளவிற்கு உயர்ந்தது.

Germany-France-Push-EU-Trade-Tool-vs-China

Systemic reaction கருவி

இதனால், பிரான்ஸ் மற்றும் ஜேர்மனி இணைந்து, சீனாவின் சந்தை சீர்குலைவுகளை எதிர்கொள்ள புதிய systemic reaction கருவியை ஐரோப்பிய ஒன்றியத்திற்கு வழங்க வேண்டும் எனக் கோரிக்கை விடுத்துள்ளன.

இந்த கருவி, சந்தை அணுகலைக் கட்டுப்படுத்துதல், விநியோகங்களைப் பல்வேறு நாடுகளிலிருந்து பெறுதல், மற்றும் சீனாவின் பதிலடி நடவடிக்கைகளுக்கு தயாராக இருப்பது போன்ற அம்சங்களை கொண்டுள்ளது.

பிரான்ஸ் ஜனாதிபதி இம்மானுவேல் மேக்ரான் மற்றும் ஜேர்மன் சேன்சலர் ஃப்ரெட்ரிக் மெர்ஸ் ஆகியோர் கையெழுத்திட்ட கடிதத்தில், “சந்தை சீர்குலைவுகளை விரைவாக எதிர்கொள்ள ஐரோப்பிய ஒன்றியத்திற்கு புதிய சட்ட கருவிகள் தேவை” என வலியுறுத்தப்பட்டுள்ளது.

இந்த முன்முயற்சி, மருந்துகள், விண்வெளி, கார் உற்பத்தி, இயந்திரங்கள், இரசாயனங்கள் போன்ற முக்கிய துறைகளில் சீனாவின் ஆதிக்கம் காரணமாக ஏற்பட்டுள்ள “தொழில்துறை அதிர்ச்சி”யை சமாளிக்க உதவும்.

மேலும், ஐரோப்பிய ஒன்றியத்தின் முக்கிய ஆயுதமாக உள்ள ஒற்றை சந்தை (Single Market) அணுகலைக் கட்டுப்படுத்தும் அதிகாரத்தை வழங்கும்.

புதிய கருவி, சீனாவை மட்டும் அல்லாமல், எந்த நாட்டின் சந்தை சீர்குலைவுகளையும் எதிர்கொள்ளும் வகையில் வடிவமைக்கப்படும். இது சுங்க வரிகள், உரிமங்கள், அறிவுசார் சொத்து உரிமைகள் போன்றவற்றை கட்டுப்படுத்தும் அதிகாரத்தையும் ஐரோப்பிய ஒன்றியத்திற்கு வழங்கும்.

மேலும், ஐரோப்பிய ஒன்றியத்தில் உள்ள அனைத்து உறுப்புநாடுகளும் ஒருமித்தமாக செயல்பட வேண்டும் என்பதையும், சீனாவின் பதிலடி நடவடிக்கைகள் ஐரோப்பிய ஒன்றியத்தின் அரசியல் ஒற்றுமையை சோதிக்கும் என்பதையும் பிரான்ஸ்-ஜேர்மனி எச்சரித்துள்ளன.

இந்த முன்முயற்சி, அடுத்த வாரம் நடைபெறவுள்ள ஐரோப்பிய கவுன்சில் உச்சி மாநாட்டில் விவாதிக்கப்பட உள்ளது.