ஜேர்மனியில் புதிய டிஜிட்டல் விசா முறை அறிமுகம்

ஜேர்மனியில் புதிய டிஜிட்டல் விசா முறை அறிமுகப்படுத்தப்பட்டுள்ளது.

ஜேர்மன் அரசாங்கம் அதன் Consular Services Portal-ஐ அறிமுகப்படுத்தியுள்ளது. இதன் மூலம் உலகம் முழுவதும் உள்ள விண்ணப்பதாரர்கள் விசா விண்ணப்பங்களை ஓன்லைனில் பதிவு செய்யலாம்.

இந்த புதிய டிஜிட்டல் விசா முறை ஜேர்மனியில் வேலை, கல்வி மற்றும் பயிற்சிக்கான விசாக்களை விரைவாக அனுமதிக்க உதவுகிறது.

கனடாவில் உணவுப் பொருட்களின் விலையில் மிகப்பெரிய மாற்றம்

ஜேர்மனியில் 400,000 தொழில்முறை பணியாளர்கள் தேவை

ஜேர்மனியில் தொழிலாளர்களுக்கான கடும் பற்றாக்குறை ஏற்பட்டுள்ளது. ஆண்டு ஒன்றுக்கு குறைந்தது 400,000 திறமையான பணியாளர்கள் தேவைப்படுவதாக வெளியுறவு அமைச்சர் அனலேனா பேயர்போக் கூறியுள்ளார்.

சமூக மற்றும் பொருளாதார வளர்ச்சியைத் தொடர்ந்து உறுதிப்படுத்துவதற்காக அதிக வெளிநாட்டுத் தொழிலாளர்கள் தேவைப்படுகின்றனர்.

2025-ஆம் ஆண்டில் அதிக தேவை உள்ள தொழில் துறைகள்

ஜேர்மனி பல்வேறு துறைகளில் உள்ள 28 விசா வகைகளுக்கான விண்ணப்பங்களை ஏற்கிறது:

• திறமையான வர்த்தகங்கள் & கைவினைப்பொருட்கள் - கட்டுமான தொழிலாளர்கள், எலக்ட்ரீஷியன்கள், பிளம்பர்கள், தச்சர்கள், மெக்கானிக்
• மருத்துவம் மற்றும் முதியோர் பராமரிப்பு - செவிலியர்கள், மருத்துவ உதவியாளர்கள், பராமரிப்பாளர்கள்
• தகவல் தொழில்நுட்பம் (IT) மற்றும் தொழில்நுட்பம் - மென்பொருள் பொறியாளர்கள், செயற்கை நுண்ணறிவு வல்லுநர்கள்
• தயாரிப்பு மற்றும் பொறியியல் - இயந்திரப் பொறியாளர்கள், தானியங்கி தொழிலாளர்கள்
• போக்குவரத்து மற்றும் லாஜிஸ்டிக்ஸ் - டீரக் சாரதிகள், கிடங்கு மேலாளர்கள்
• விருந்தினர் வரவேற்பு மற்றும் உணவகம் - சமையலர்கள், ஹோட்டல் மேலாளர்கள்  

ஜேர்மனியின் National Visa-வில் மாற்றங்கள் அறிவிப்பு., 2025-ல் புதிய விதிமுறைகள் அமுல்

புதிய டிஜிட்டல் விசா முறைமையின் சிறப்பம்சங்கள்

- 100% ஓன்லைன் விண்ணப்பம் - ஆவணங்களை ஓன்லைனில் பதிவு செய்து விண்ணப்பிக்கலாம்.

- நுழைவு நேரம் குறைவு - நேர்முகத் தேர்வுகளுக்கான காலதாமதம் இருக்காது.

- விரைவான அனுமதி - வேலை மற்றும் கல்வி விசாக்கள் குறுகிய காலத்தில் வழங்கப்படும்.

- 167 விசா அலுவலகங்களில் செயல்படும் - உலகம் முழுவதும் விண்ணப்பதாரர்கள் பயன்பெறலாம்.   

விசா விண்ணப்பிக்க வேண்டிய படிமுறைகள்

- ஜேர்மனி Consular Services Portal இணையதளத்திற்கு செல்லவும்.

- கணக்கு உருவாக்கி உங்கள் விவரங்களை பதிவு செய்யவும்.

-உங்கள் விசா வகையைத் தேர்வு செய்யவும் (வேலை, பயிற்சி, குடும்ப மீள்சேர்ப்பு).

- தேவையான ஆவணங்களை பதிவேற்றம் செய்யவும்

- அடையாள அட்டை, கல்விச்சான்றுகள், வேலை ஆணை (ஏற்கனவே இருந்தால்).

- நேர்முகத் தேர்வு தேவைப்பட்டால் பதிவு செய்யவும்.

- விண்ணப்பத்தை சமர்ப்பித்து கட்டணத்தை செலுத்தவும்.

- விசா நிலையை ஓன்லைனில் கண்காணிக்கவும்.

இந்த புதிய டிஜிட்டல் விசா முறைமை விரைவாகவும் எளிமையாகவும் உலகளாவிய திறமையான பணியாளர்களுக்கு ஜேர்மனியில் வேலை வாய்ப்புகளைத் தரும்.   

ஜேர்மனியின் கல்வி விசா விதிகளில் சில அப்டேட்ஸ் - நிதி தேவைகள் அதிகரிப்பு