இந்தியர்களை ஈர்க்க ஜேர்மனி நடவடிக்கை., தொழிலாளர் பற்றாக்குறையால் அதிகரிக்கும் வேலைவாய்ப்பு

Immigration India Germany Migrant Workers Job Opportunity

By Ragavan Oct 17, 2024 01:51 PM GMT

Ragavan

in ஜெர்மனி

Report

ஜேர்மனியின் தொழிலாளர்கள் பற்றாக்குறையை சமாளிக்க, ஜேர்மன் சென்சலர் ஒலாஃப் ஷோல்ஸ் (Olaf Scholz) தலைமையிலான அமைச்சரவை புதன்கிழமை 30 முக்கிய நடவடிக்கைகளை அறிவித்துள்ளது.

பெரும்பாலும் தொழில் மற்றும் வெளிநாட்டு அமைச்சகங்கள் தயாரித்த இந்த முன்மொழிவுகள், இந்தியாவில் இருந்து திறமையான தொழிலாளர்களை அதிகளவில் ஈர்க்க திட்டமிடப்பட்டுள்ளன.

தொழிலாளர்கள் பற்றாக்குறையால் ஜேர்மனி சிரமம்

வேகமாக மாறிவரும் மக்கள்தொகையில் வயதானவகைகள் அதிகம் இருப்பதன் காரணமாக தொழிலாளர்கள் பற்றாக்குறையால் ஜேர்மனி சிரமம் அனுபவித்து வருகிறது.

இந்நிலையில், "சர்வதேச அளவில் திறமையான தொழிலாளர்கள் இல்லாவிட்டால் ஜேர்மனியின் பொருளாதாரம் தடைப்படும்," என்று தொழில்துறை அமைச்சர் ஹுபர்டஸ் ஹெய்ல் எச்சரித்துள்ளார்.

Germany takes steps to attract skilled Indian workers, Germany India, Job Oppertunities in Germany, Jobs in Germany for Indians

இந்தியா உலகின் மக்கள் தொகையில் முதன்மையான நாடு. அங்கு பெருமளவில் வேலைவாய்ப்புகளுக்கான இடமாற்றத்தை மக்கள் விரும்புகின்றனர். ஏனெனில் ஒவ்வொரு மாதமும் 10 லட்சம் பேர் இந்திய தொழில்சந்தைக்கு வருவதாக ஹெய்ல் குறிப்பிட்டார்.

இதனால், ஜேர்மனி தனது மருத்துவத் துறை, தகவல் தொழில்நுட்பம், கட்டுமானத் துறைகளில் உள்ள இடைவெளிகளை நிரப்ப இந்தியாவை முக்கியத் துணையாகக் கருதுகிறது.

இந்தியா வரும் ஜேர்மன் பிரதமர்

ஜேர்மன் பிரதமர் ஷோல்ஸ் மற்றும் அரசு பிரதிநிதிகள் அடுத்த வாரம் இந்தியா வரவுள்ளனர். இங்கே அவர்கள் ஜேர்மன் உணவகம் மற்றும் பள்ளிகள் போன்ற இடங்களைப் பார்வையிட்டு, இந்திய மாணவர்களுடன் எதிர்கால வேலைவாய்ப்புகள் குறித்து பேச திட்டமிட்டுள்ளனர்.

ஆனால், ஜேர்மனியின் கடினமான காகிதப்பணிகள் வெளிநாட்டவர்களுக்கு சிரமமாக உள்ளதால், 2024 இறுதிக்குள் Digital Visa நடைமுறை கொண்டுவரப்பட உள்ளது.

மேலும், வேலைவாய்ப்புக் கண்காட்சி மற்றும் ஜேர்மன் மொழிப்பாடங்கள் இந்தியாவில் ஏற்பாடு செய்யப்படும்.

Germany takes steps to attract skilled Indian workers, Germany India, Job Oppertunities in Germany, Jobs in Germany for Indians

இது வரை 137,000 இந்தியர்கள் ஜேர்மனியில் திறமையான வேலைகளில் பணிபுரிகின்றனர். 2015-ஆம் ஆண்டில் 23,000 பேர் மட்டுமே இந்த வகையில் வேலை பெற்றிருந்தனர்.

அதோடு, இந்தியர்களுக்கான வெலை இழப்பு விகிதம் 3.7% மட்டுமாக உள்ளதால், மொத்த நாடு அளவில் 7.1% வேலைவாய்ப்பு குறைவதைவிட சிறப்பாக உள்ளதாக ஆய்வுகள் தெரிவிக்கின்றன.

"இந்திய தொழிலாளர்கள் நம்முடைய நாட்டுக்கு வெற்றிக்கதையாக இருக்கிறார்கள்," என்று ஹெய்ல் மகிழ்ச்சியுடன் தெரிவித்துள்ளார்.