லங்காசிறி FM
கூகுள் அறிமுகம் செய்யும் புதிய Googlebook லேப்டாப்
Google நிறுவனம் Googlebook என்ற புதிய வகை லேப்டாப்களை அறிமுகப்படுத்தியுள்ளது.
இது Gemini Intelligence அடிப்படையில் வடிவமைக்கப்பட்டு, Android மற்றும் ChromeOS தொழில்நுட்பங்களை ஒருங்கிணைக்கிறது.
Chromebook-க்கு பின், Googlebook லேப்டாப்கள் AI அடிப்படையிலான உதவிகளை வழங்கும். முக்கிய அம்சமாக Magic Pointer உள்ளது.
DeepMind குழுவுடன் இணைந்து உருவாக்கப்பட்ட இந்த அம்சம், கர்சரை அசைத்தவுடன் Gemini உதவிகளை வழங்கும்.
உதாரணமாக, மின்னஞ்சலில் உள்ள திகதியை கிளிக் செய்தால், உடனடியாக மீட்டிங் அமைக்கலாம். இரண்டு படங்களை தெரிவு செய்தால், அவற்றை ஒரே இடத்தில் காட்சிப்படுத்தலாம்.
மேலும், Create Your Widget வசதி மூலம், பயனர் Gmail, Calendar போன்ற Google பயன்பாடுகளை இணைத்து தனிப்பட்ட டாஷ்போர்டை உருவாக்கலாம். குடும்ப நிகழ்ச்சி திட்டமிடல், விமான/ஹோட்டல் தகவல்கள், உணவக முன்பதிவு, countdown போன்றவை ஒரே இடத்தில் காணலாம்.
Googlebook, Android ecosystem-இல் இயங்குவதால், மொபைல் மற்றும் லேப்டாப் இடையே எளிதாக இணைந்து செயல்பட முடியும். உதாரணமாக, லேப்டாப் பயன்படுத்தும் போது, மொபைல் செயலிகளை நேரடியாக அணுகி உணவு ஆர்டர் செய்யலாம் அல்லது Duolingo பாடத்தை முடிக்கலாம்.
மேலும், Quick Access மூலம், மொபைல் கோப்புகளை நேரடியாக லேப்டாப் file browser-இல் காணலாம்.
Google, Acer, ASUS, Dell, HP, Lenovo போன்ற நிறுவனங்களுடன் இணைந்து பிரீமியம் ஹார்ட்வேர் கொண்ட Googlebook-களை உருவாக்குகிறது. தனித்துவமான Glowbar design மூலம், Googlebook-ஐ எளிதில் அடையாளம் காணலாம்.
இந்த சாதனங்கள் 2026 இறுதியில் சந்தையில் கிடைக்கும் என Google அறிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
#Googlebook #GeminiIntelligence #AndroidLaptop #ChromebookNext #MagicPointer #AIComputing #TechNews #GoogleInnovation
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
