காசா கடற்கரையில் கடத்தப்பட்ட சுற்றுச்சூழல் ஆர்வலர் கிரேட்டா தன்பெர்க்! உறுதிப்படுத்திய இஸ்ரேல்

சமூக செயல்பாட்டாளர் கிரேட்டா தன்பெர்க் காசா கடற்கரையில் மடக்கி கடத்தப்பட்டதாக வெளியாகியுள்ள தகவல் பெரும் அதிர்ச்சியை ஏற்படுத்தியுள்ளது.

கடத்தப்பட்ட கிரேட்டா தன்பெர்க்

காசா நோக்கிச் சென்றபோது இஸ்ரேலியப் படைகளால் இடைமறிக்கப்பட்டு "கடத்தப்பட்ட" மட்லீனா என்ற நிவாரணக் கப்பலில் இருந்த 11 பேரில் தானும் ஒருவர் என்பதை சுற்றுச்சூழல் ஆர்வலர் கிரேட்டா தன்பெர்க், உறுதிப்படுத்தியுள்ளார்.

இதையடுத்து, இஸ்ரேல், கிரேட்டா தன்பெர்க் பாதுகாப்பாக இருப்பதாக தெரிவித்துள்ளது.

மனிதாபிமான உதவிகளை ஏற்றிச் சென்ற நிவாரணக் கப்பலான மட்லீனா, திங்கட்கிழமை அதிகாலையில் காசா நோக்கிப் பயணித்தபோது இஸ்ரேலியப் படைகளால் இடைமறிக்கப்பட்டது.

இந்தச் சம்பவம் தொடர்பாக வெளியான ஒரு வீடியோவில் பேசிய கிரேட்டா தன்பெர்க், "நீங்கள் இந்தப் படத்தைப் பார்த்தால், நாங்கள் சர்வதேச கடற்பரப்பில் தடுத்து நிறுத்தப்பட்டு கடத்தப்பட்டுள்ளோம். எங்களையும் மற்றவர்களையும் விரைவாக விடுவிக்க நீங்கள் அழுத்தம் கொடுக்க வேண்டும்," என்று வலியுறுத்தினார்.

ஐசிசி ஹால் ஆஃப் ஃபேமில் இணைந்த மகேந்திர சிங் தோனி!

இருப்பினும், சில மணிநேரங்களுக்குப் பிறகு, இஸ்ரேலின் வெளியுறவு அமைச்சகம் X சமூக வலைதளத்தில் கிரேட்டா தன்பெர்க்கின் புகைப்படத்தைப் பகிர்ந்து, "கிரேட்டா தன்பெர்க் தற்போது இஸ்ரேல் வழியாக பாதுகாப்பாகவும் நல்ல மனநிலையுடனும் சென்று கொண்டிருக்கிறார்" என்று உறுதிப்படுத்தியது.

மட்லீனா கப்பலில் இருந்த மற்ற சமூக ஆர்வலர்கள்

ரிமா ஹாசன் (பிரான்ஸ்), ரேவா வியார்ட் (பிரான்ஸ்), பாப்டிஸ்ட் ஆண்ட்ரே (பிரான்ஸ்), பாஸ்கல் ரேமண்ட் மௌரியராஸ் (பிரான்ஸ்), யானிஸ் மஹம்டி (பிரான்ஸ்), செர்ஜியோ டோரிபியோ (ஸ்பெயின்), மார்க் வான் ரென்னெஸ் (டென்மார்க்), ஹுசைன் சுவாய்ப் ஓர்டு (துருக்கி), யாசெமின் அகார் (ஜேர்மனி), தியாகோ அவிலா (பிரேசில்),

ஜூன் 1 ஆம் திகதி இத்தாலியில் இருந்து புறப்பட்ட மட்லீனா, காசாவில் நிலவும் கடுமையான உணவுப் பற்றாக்குறை குறித்து விழிப்புணர்வை ஏற்படுத்தும் நோக்கில் செயல்பட்டது.

ஐக்கிய நாடுகள் சபை காசாவை "பூமியில் மிகவும் பசியுள்ள இடம்" என்று விவரித்துள்ளதுடன், 21 மாத காலப் போருக்குப் பிறகு முழு மக்களும் பஞ்சத்தின் ஆபத்தில் இருப்பதாக எச்சரித்துள்ளது.

சர்வதேச கடற்பரப்பில் மட்லீனா கப்பல் இடைமறிக்கப்பட்டதை பல நாடுகள் கடுமையாகக் கண்டித்தன. துருக்கி இதை "கொடூரமான தாக்குதல்" என்று கண்டித்தது, அதே நேரத்தில் ஈரான் இதை "ஒரு வகையான கடற்கொள்ளை செயல்" என்று கண்டித்தது குறிப்பிடத்தக்கது.