ஆளிவிதை பால் கேள்விப்பட்டிருக்கீங்களா? இதை தினந்தோறும் குடிச்சா இந்த நோயெல்லாம் உங்களை நெருங்க விடாதாம்!

ஆளி விதைகள் என்பது சிறிய அளவில், ப்ரௌன் நிறத்தில் இருக்கும். இந்த ஆளி விதை ஆசியா, அமெரிக்க, ஆப்ரிக்காவில் பாரம்பரிய உணவுகளில் அதிகம் சேர்க்கப்படும் ஒரு ஆரோக்கியமான மற்றும் ஏராளமான ஊட்டச்சத்துக்களை தன்னுள் கொண்ட உணவாகும். அதிலும் ஆளி விதைகளில் இருந்து பெறப்படும் பால் மிகவும் சத்தான ஒன்று. ஏனெனில் இதில் ஆல்பா-லினோலெனிக் அமிலம் (ALA), பூஜ்ஜிய கொழுப்பு மற்றும் லாக்டோஸுடன் காணப்படுகிறது. எனவே தினந்தோறும் சாதாரண பாலுக்கு மாற்றாக ஆளி விதைகளில் இருந்து பெறப்படும் பாலை எடுத்துக் கொள்ளலாம். இதில் பல நன்மைகள் உள்ளது. தற்போது அவை என்னென்ன என்பதை பார்ப்போம்.

தேவையான பொருட்கள்

1. 1/3 பங்கு கப் ஆளி விதைகள்
2. 4-4.5 கப் தண்ணீர்
3. வடிகட்டி
4. தேன்
5. வெணிலா எசென்ஸ் (தேவைக்கேற்ப)

செய்முறை

1. ஆளி விதைகளை மிக்ஸியில் போட்டு 3 கப் தண்ணீர் சேர்த்து அரைக்கவும். ஒரு க்ரீமி பேஸ்ட்டை உருவாக்கி கொள்ளுங்கள்.
2. சல்லடையைக் கொண்டு அதை வடிகட்டி கொள்ளுங்கள்.
3. அதில் ஒன்றரை கப் தண்ணீர் சேர்த்து பாலை நன்றாக கலக்கவும். அதனுடன் தேன், வெண்ணிலா எசென்ஸ் சேர்த்து நன்றாக கலக்கவும். ஒரு மணி நேரம் குளிர்வியுங்கள்.
4. ஆளிப்பால் ஜெல் வடிவத்தில் இருப்பதால் அதை வடிகட்டுவது கடினம். 10 நிமிடங்கள் வடியும் வரை காத்திருக்கவும். ஒரு ஸ்பூனைக் கொண்டு கசடை நீக்கி வடிகட்டுங்கள்.
5. பசுவின் பாலுக்கு ஒவ்வாமை இருப்பவர்கள் இந்த பாலை பயன்படுத்தலாம். ஏகப்பட்ட நன்மைகளை அளிக்க கூடியது.

நன்மைகள்

1. ஆளி பால் 95 சதவிகிதம் செகோயோசோலரிசைர்சினோல் டிக்ளுகோசைடு, லிக்னான்கள் எனப்படும் சக்திவாய்ந்த பைட்டோ ஈஸ்ட்ரோஜனால் ஆனது.இது உடல் எடை மற்றும் கொழுப்பை குறைக்க பயன்படுகிறது. இதனால் எடை இழப்பை நீங்கள் பெற முடியும்.
2. ஆளிப் பாலில் எல்.டி.எல் கொழுப்பின் அளவைக் குறைக்கவும் உடலில் எச்.டி.எல் அளவை அதிகரிக்கவும் உதவுகிறது. பாலில் உள்ள நார்ச்சத்து இரத்தத்தில் உள்ள கொழுப்பை உறிஞ்சுவதைக் குறைக்க உதவுகிறது.
3. ஆளி பால் புற்றுநோய் கட்டிகளுக்கு எதிராக செயல்படுகிறது .இந்த கலவைகள் புற்றுநோய் உயிரணுக்களின் வளர்ச்சியைத் தடுக்க உதவும், குறிப்பாக மார்பக மற்றும் கருப்பை புற்றுநோய்களை தடுக்கிறது.
4. ஆளிப் பாலில் லிக்னான்கள் மற்றும் நார்ச்சத்துக்கள் இருப்பதால் ஹைப்பர் கிளைசமிக் என்ற எதிர்ப்பு விளைவை கொண்டுள்ளது. ஆளிப் பால் உட்கொள்வது குளுக்கோஸ் அளவைக் குறைக்கவும் நீரிழிவு நோயை நிர்வகிக்கவும் உதவும்.
5. ஆளி பால் பெண்களுக்கு ஏற்படும் வெள்ளைப்படுதல் போன்ற பிரச்சினைகளை சரி செய்ய உதவுகிறது.
6. மாதவிடாய் காலத்தில் ஈஸ்ட்ரோஜன் குறைபாடு பொதுவானது. ஆளிப் பாலில் உள்ள லிக்னான்கள் பைட்டோ ஈஸ்ட்ரோஜன்கள் ஆகும், அவை உடலில் ஈஸ்ட்ரோஜனின் அளவை சமப்படுத்தவும், மாதவிடாய் அறிகுறிகளை உணவின் மூலம் சிகிச்சையளிக்கவும் உதவுகிறது.
7. ஆளிப் பாலில் அதிக அளவு புரோஇன்ஃப்ளமேட்டரி ஆக்ஸிலிபின்கள் அழற்சி காரணிகளைக் குறைக்கவும் சருமம் சீக்கிரம் வயதாகுவதை குறைக்கிறது.
8. ஆளி பால் ஒமேகா 3 கொழுப்பு அமிலங்களின் வளமான ஆதாரமாக உள்ளது. இவை இதய நோய்களுக்கு சாதாரண விளைவை உண்டாக்குகிறது. மாரடைப்பு, கால்சிஃபைட் அதிரோஸ்கெரோடிக் தகடு, பக்கவாதம் மற்றும் பல இதய நோய்களைத் தடுக்க உதவும்.
9. ஆளிவிதை பால் நல்ல நினைவகம், கற்றல் திறன் மற்றும் இடஞ்சார்ந்த பணிகளுடன் மூளை வளர்ச்சியை மேம்படுத்த உதவும்.
10. ஆளி பால் ஒரு மலமிளக்கியாக செயல்படுகிறது. இது மலத்தை அதிகரிப்பதன் மூலமும், குடல் போக்குவரத்து நேரத்தை குறைப்பதன் மூலமும் மலச்சிக்கலைத் தடுக்கிறது.
11. ஆளிப் பால் முடி மற்றும் பொடுகு போன்ற பல முடி பிரச்சினைகளை எதிர்த்துப் போராடுகிறது. இந்த முக்கிய ஊட்டச்சத்து முடிகளின் வேர்களுக்கு ஊட்டச்சத்தை வழங்கவும், அவற்றை வலுவாகவும் ஆரோக்கியமாகவும் மாற்ற உதவுகிறது.