ஐபிஎல் கோப்பையை வெல்லும் RCB? ஹேசல்வுட்டிற்கும் இறுதிப்போட்டிக்கு இப்படி ஒரு ராசியா?

 2025 ஐபிஎல் தொடரின் இறுதிபோட்டி வரும் ஜூன் 3 ஆம் திகதி குஜராத் நரேந்திர மோடி மைதானத்தில் நடைபெற்ற உள்ளது.

கோப்பையை வெல்லுமா RCB?

கடந்த 2016ஐபிஎல் தொடரில் இறுதிப்போட்டிக்கு சென்ற RCB அணி, 8 ஆண்டுகளுக்கு பிறகு மீண்டும் இறுதிப்போட்டிக்குள் நுழைந்துள்ளது. 

நாளை நடைபெற உள்ள மும்பை மற்றும் பஞ்சாப்க்கு இடையேயான போட்டியில் வெற்றி பெரும் அணியுடன், இறுதிப்போட்டியில் RCB மோதும்.

RCB அணி, இதுவரை ஒருமுறை கூட கோப்பை வெல்லாத நிலையில், இந்த முறை கோப்பையை வென்றே ஆக வேண்டும் என்ற முனைப்பில் உள்ளனர். 

ஐபிஎல் வரலாற்றில் முதல் இந்தியராக ரோஹித் சர்மா படைத்த சாதனை

ஆர்சிபி கோப்பை வென்றால், அதனை மாநில பொதுவிடுமுறையாக அறிவிக்க வேண்டும் என கர்நாடகா முதல்வர் சித்தராமையாவிற்கு ஆர்சிபி ரசிகர் ஒருவர் கைப்பட எழுதிய கடிதம் இணையத்தில் வைரலானது. 

RCB ரசிகர்களின் எதிர்பார்ப்பிற்கு ஏற்ற வகையில், அணியின் வேகப்பந்து வீச்சாளர் ஜோஷ் ஹேசல்வுட் குறித்த தகவல் ஒன்று இணையத்தில் பரவி வருகிறது.

ஹேசல்வுட்டின் இறுதிப்போட்டி ராசி

அதாவது அவுஸ்திரேலியா கிரிக்கெட் வீரர் ஜோஷ் ஹேசல்வுட், இதுவரை விளையாடிய அனைத்து இறுதிப்போட்டிகளிலும் அவர் இடம்பெற்றிருந்த அணி வெற்றி பெற்றுள்ளது. 

Josh Hazlewood has never lost a major final — winning all seven he’s played (excluding domestic tournaments). 🔥🤝

Can he make it eight in a row with RCB? 🏆🎯#IPL2025 #RCB #JoshHazlewood #Sportskeeda pic.twitter.com/EGSqPrUzCA

— Sportskeeda (@Sportskeeda) May 30, 2025

இதன்படி, 2021 ஐபிஎல் தொடரில், ஹேசல்வுட் CSK அணிக்காக விளையாடினார். அந்த தொடரில், CSK அணி கோப்பையை வென்றது. 2012 CLT20 தொடரில் ஹேசல்வுட் விளையாடிய சிட்னி சிக்ஸர்ஸ் அணி வெற்றி பெற்றது. 

மேலும், 2015 உலக கோப்பை, 2021 T20 உலககோப்பை, 2023 உலக கோப்பை ஆகியவற்றில் அவர் அவுஸ்திரேலியா அணிக்காக இறுதிப்போட்டிக்கு ஆடியதில் அந்த அணி வெற்றி பெற்றது.

இதனால், 2025 ஐபிஎல் இறுதிப்போட்டியில் ஹேசல்வுட் RCB அணிக்காக விளையாடி வருவதால் அந்த அணி கோப்பையை வெல்லும் என ரசிகர்கள் நம்பிக்கை தெரிவித்து வருகின்றனர்.       

2025 ஐபிஎல் தொடரில் 11 போட்டிகளில் விளையாடியுள்ள ஹேசல்வுட், 21 விக்கெட்களை கைப்பற்றி, 2025 ஐபிஎல் தொடரில் அதிக விக்கெட்களை வீழ்த்திய வரிசையில் 3வது இடத்தில் உள்ளார்.

25 விக்கெட்களுடன் குஜராத் வீரர் பிரசித் கிருஷ்ணா முதலிடத்திலும், 24 விக்கெட்களுடன் CSK வீரர் நூர் அகமது 2வது இடத்திலும் உள்ளனர்.