லங்காசிறி FM
பிரித்தானியாவின் பணக்கார குடும்பம்., இந்திய வம்சாவளியினர் முதலிடம்
பிரித்தானியாவின் பணக்கார குடும்பமாக இந்திய வம்சாவளியினர் முதலிடம் பிடித்துள்ளனர்.
இந்திய வம்சாவளியைச் சேர்ந்த ஹிந்துஜா குடும்பம், 2026-ஆம் ஆண்டுக்கான Sunday Times Rich List-ல் மீண்டும் பிரித்தானியாவின் மிகச் செல்வந்த குடும்பமாக அறிவிக்கப்பட்டுள்ளது.
கடந்த ஆண்டு மறைந்த கோபிச்சந்த் ஹிந்துஜாவின் இடத்தை அவரது மகன்கள் சஞ்சய் (62) மற்றும் தீரஜ் (54) ஏற்றுக்கொண்டுள்ளனர்.
இவர்களின் தலைமையில், குடும்பத்தின் மொத்த செல்வம் 38 பில்லியன் பவுண்டுகளாக உயர்ந்துள்ளது.
இதன்மூலம் தொடர்ந்து ஐந்தாவது ஆண்டாக ஹிந்துஜா குடும்பம் முதலிடத்தை பிடித்துள்ளது.
ஹிந்துஜா குழுமம் உலகம் முழுவதும் 38 நாடுகளில் செயல்பட்டு வருகிறது. மொபிலிட்டி, டிஜிட்டல் தொழில்நுட்பம், வங்கி மற்றும் நிதி சேவைகள், ஊடகம், எரிசக்தி, நிலம், சுகாதாரம் உள்ளிட்ட பல துறைகளில் முதலீடுகள் உள்ளன.
சஞ்சய் ஹிந்துஜா Gulf Oil International நிறுவனத்தின் தலைவராக உள்ளார். தீரஜ் ஹிந்துஜா Ashok Leyland நிறுவனத்தை முன்னெடுத்து வருகிறார்.
குறிப்பாக, இந்தியாவில் மின்சார வாகனங்களுக்கு அதிக தேவை ஏற்பட்டதால், அஷோக் லேலண்ட் பங்குகள் 40 சதவீதம் உயர்ந்துள்ளன. அதேபோல், IndusInd Bank பங்குகள் 14 சதவீதம் உயர்ந்துள்ளன.
இந்திய வம்சாவளியைச் சேர்ந்த மற்றொரு குடும்பமான டேவிட் மற்றும் சைமன் ரூபன் இரண்டாவது இடத்தில் 27.97 பில்லியன் பவுண்டு செல்வத்துடன் உள்ளனர்.
இந்த ஆண்டின் பட்டியலில், பிரித்தானியாவின் 350 செல்வந்த குடும்பங்களின் மொத்த செல்வம் 784 பில்லியன் பவுண்டுகளாகும். ஆனால், புதிய வரி விதிமுறைகளால், லட்சுமி மிட்டல் உள்ளிட்ட 15 வெளிநாட்டு வணிகர்கள் பட்டியலில் இருந்து விலகியுள்ளனர்.
இந்த சாதனை, இந்திய வம்சாவளியைச் சேர்ந்த குடும்பங்கள் பிரித்தானியாவின் பொருளாதாரத்தில் மிகப்பெரிய பங்கு வகிப்பதை மீண்டும் உறுதிப்படுத்துகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Hinduja family UK Rich List 2026, Sanjay Dheeraj Hinduja wealth, Britain richest family 2026, Ashok Leyland share rise, IndusInd Bank growth 2026, Reuben brothers UK wealth, Indian-origin billionaires UK #HindujaFamily #UKRichList #SanjayHinduja #DheerajHinduja #BritainRichest #IndianBillionaires #AshokLeyland #IndusIndBank
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
