லங்காசிறி FM
தன்னை காப்பாற்றிய ராணுவ வீரரையே திருமணம் செய்த சீனப் பெண் - சுவாரஸ்ய தகவல்
2008ஆம் ஆண்டு வென்சுவான் மாகாணத்தில் நிலநடுக்கம் ஏற்பட்டபோது, அப்போது 22 வயதான லியாங், அவசரகால மீட்பு நடவடிக்கைகளில் பணிபுரியும் ஒரு ராணுவ வீரராக இருந்தார்.
சுவாரஸ்ய காதல் கதை
அந்த நிலநடுக்கத்தில் இடிந்து விழுந்த ஒரு கட்டிடத்தின் இரண்டாவது மாடியில் லியு என்ற பெண் சிக்கிக்கொண்டார். 4 மணி நேர போராட்டத்திற்குப் பிறகு, லியாங்கும், அவரது குழுவினரும் லியுவை இடிபாடுகளிலிருந்து மீட்டு மருத்துவமனைக்கு அழைத்துச் சென்றனர்.
அப்போது லியுவுக்கு வயது 10. குணமடைந்த பிறகு, லியுவும், அவரது குடும்பத்தினரும் ஹுனானின் சுசோவுக்குத் திரும்பினர். தொடர்ந்து 2020ஆம் ஆண்டில், அப்போது 22 வயதான லியு, சாங்ஷாவில் தனது பெற்றோருடன் இரவு உணவு சாப்பிட்டுக் கொண்டிருந்தார்.
அப்போது அருகில் அமர்ந்திருந்த ஒருவரைக் கவனித்த லியுவின் தாயார், அவர் 2008இல் லியுவின் உயிரைக் காப்பாற்றிய சிப்பாயைப் போலவே இருப்பதாகக் கூறினார். பின்னர் லியு அந்த நபரிடம் அதைப் பற்றிக் கேட்டார். அதற்கு அவர் ஆமாம் என்று பதிலளித்தார்.
பின் அவர்கள் மொபைல் நம்பர்களை பரிமாறிக் கொண்டு பேச தொடங்கினர். நாளடைவில் இந்த பழக்கம் காதலாக மாறியது. இதனையடுத்து இருவரும் கடந்த நவம்பர் 29ஆம் தேதி அன்று ஹுனான் மாகாணத்தின் சாங்ஷாவில் நடைபெற்ற வருடாந்திர 'ஹான் ஸ்டைல் கூட்டு திருமண விழாவில்' திருமணம் செய்து கொண்டனர்.
இதுகுறித்து லியு கூறுகையில், "நான் நன்றியுணர்வுக்காக லியாங்கை காதலிக்கவில்லை. மாறாக, அவருடன் ஒன்றாக நேரத்தைச் செலவிட்டபோது, என் வாழ்க்கையில் என்றென்றும் நான் நம்பக்கூடிய நபர் இவர்தான் என்பதை எனக்கு உணர்த்தியது" என தெரிவித்துள்ளார்.
மேலும் லியாங் இதுபற்றி பேசுகையில், அப்போது, அவரை காப்பாற்றுவது என் கடமையாக இருந்தது. ஆனால், இப்போது நான் அவரை உண்மையிலேயே நேசிக்கிறேன். இவை இரண்டும் வெவ்வேறு விஷயங்கள். விதி உண்மையிலேயே அற்புதமானது.
லியு என் வாழ்க்கையில் ஒரு ஒளிக்கதிர். நான் சோர்வாக உணரும் போதெல்லாம், அவளுடைய நேர்மறை எண்ணம் என்னை உற்சாகப்படுத்துகிறது. மேலும், வாழ்க்கை இன்னும் நம்பிக்கையால் நிறைந்துள்ளது என்பதை நினைவூட்டுகிறது" என்றார்.
இந்த ஜோடி தற்போது மகிழ்ச்சியான திருமண வாழ்க்கையை வாழ்ந்து வருகின்றனர்.
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
தொண்டைமானாறு, காங்கேசன்துறை, London, United Kingdom
23 Nov, 2024
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
நெடுந்தீவு, ஆனைக்கோட்டை, மானிப்பாய், London, United Kingdom
04 Dec, 2025
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
புங்குடுதீவு 8ம் வட்டாரம், முள்ளியவளை
11 Dec, 2021
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
