பிடிவாதமாக நினைத்ததை சாதித்த டொனால்ட் ட்ரம்ப்: பணிந்த சீனா

சீனாவுடனான வர்த்தகப் போரை முடிவுக்குக் கொண்டுவந்ததாக அறிவித்துள்ள ஜனாதிபதி ட்ரம்ப், இரு நாடுகளும் இறுதி ஒப்பந்தத்தை எட்டியுள்ளதாகவும் தெரிவித்துள்ளார்.

இறுதி ஒப்புதலுக்கு தயாராக

பல மாதங்களாக நீடித்த பதிலுக்கு பதில் வரி நாடகத்திற்கு பிறகு, சீன ஜனாதிபதி ஜி ஜின்பிங்குடனான தனது உறவு சிறப்பானது என்று ட்ரம்ப் குறிப்பிட்டுள்ளார்.

மேலும் Truth சமூக ஊடகத்தில் குறிப்பிட்டுள்ள ட்ரம்ப், சீனாவுடனான எங்கள் ஒப்பந்தம் முக்கிய கட்டத்தை எட்டியுள்ளது, ஜனாதிபதி ஜி மற்றும் எனது இறுதி ஒப்புதலுக்கு தயாராக உள்ளது என்றார்.

லண்டனில் அமெரிக்க கருவூல செயலாளர் ஸ்காட் பெசென்ட் மற்றும் சீன துணைப் பிரதமர் ஹீ லிஃபெங் இடையே இரண்டு நாட்கள் பேச்சுவார்த்தைகளுக்குப் பிறகு இந்த அறிவிப்பு வெளியாகியுள்ளது.

கழுத்தை நெரிக்கும் கடன் ஒரு பக்கம்... இந்தியாவால் பாகிஸ்தான் எடுத்த அதிரடி முடிவு

முழு காந்தமும், தேவையான அரிய பூமி தாதுக்களும், சீனாவால் முன்கூட்டியே வழங்கப்படும் என குறிப்பிட்டுள்ள ட்ரம்ப், பதிலுக்கு சீன மாணவர்களுக்கான விசா உட்பட ஒப்புக்கொண்ட அனைத்தும் வழங்கப்படும் என்றார்.

அத்துடன், சீனாவில் இருந்து இறக்குமதி செய்யப்படும் பொருட்களுக்கு 55 சதவீத வரியும் அமெரிக்காவில் இருந்து இறக்குமதி செய்யப்படும் பொருட்களுக்கு சீனா 10 சதவீத வரியும் விதிக்கும்.

அமெரிக்க நுகர்வோரை

இதனிடையே, ஒப்பந்தத்தின் முழு விதிமுறைகளும் வெளியிடப்படவில்லை என்றாலும், சீன மற்றும் அமெரிக்க அதிகாரிகள் மே மாதம் ஜெனீவாவில் எட்டப்பட்ட முந்தைய வர்த்தக ஒப்பந்தத்தின் விதிமுறைகளுக்கு உட்பட்டது என்று கூறினர்.

ஜனாதிபதி ட்ரம்ப் மிக விரைவில் சீனா பயணம் மேற்கொள்வார் என்ற தகவலும் கசிந்துள்ளது. Truth சமூக ஊடகத்தில் ட்ரம்ப் அதை உறுதி செய்துள்ளார். ஏப்ரல் 2 ஆம் திகதி உலகின் கிட்டத்தட்ட ஒவ்வொரு நாட்டிற்கும் 10% வரிகளை விதிப்பதாக அறிவித்து, ​​உலக பொருளாதாரத்தை ஒரே இரவில் ஆட்டம் காணும் நிலைக்கு ஜனாதிபதி ட்ரம்ப் தள்ளினார்.

மட்டுமின்றி குறிப்பிட்ட நாடுகள் மீது கடுமையான வரிகளை விதித்து தடுமாற வைத்தார். அமெரிக்க நுகர்வோரை பெருமளவு நம்பியிருக்கும் உலகின் மிகப்பெரிய உற்பத்தியாளரான சீனா, ட்ரம்பின் கண்மூடித்தனமான வரி விதிப்பால் கடுமையாக பாதிக்கப்பட்ட நாடுகளில் ஒன்று.

இஸ்ரேலிய அதிகாரிகளால் துஷ்பிரயோகம் செய்யப்பட்ட கிரேட்டா தன்பர்க்... பிரெஞ்சு மருத்துவர் சாட்சியம்

ஆனால், சீனாவும் அதிரடியாக அமெரிக்க இறக்குமதிகள் மீது வரிகளை உயர்த்தியது. இதில் கோபம் கொண்ட ட்ரம்ப் 145 சதவீத வரி விதிக்கும் முடிவுக்கு வந்தார்.

ஆனால் கடந்த மாதத்திலிருந்து, சீனா மீதான அமெரிக்க வரிகள் 30 சதவீதமாகக் குறைக்கப்பட்டுள்ளன, மேலும் சீனா அமெரிக்க இறக்குமதிகள் மீதான வரிகளை 125 சதவீதத்திலிருந்து 10 சதவீதமாகக் குறைத்துள்ளது குறிப்பிடத்தக்கது.