லங்காசிறி FM
ஹொங்ஹொங் தீ விபத்து: 146 பேர் உயிரிழப்பு, ஆயிரக்கணக்கானோர் அஞ்சலி
ஹொங்ஹொங் நகரின் தாய் போ மாவட்டத்தில் உள்ள வாங் ஃபுக் கோர்ட் எனும் உயர்மட்ட குடியிருப்பு வளாகத்தில் ஏற்பட்ட பேரழிவு தீ விபத்து, கடந்த 70 ஆண்டுகளில் நகரம் சந்தித்த மிகப்பெரிய தீ விபத்தாகக் கருதப்படுகிறது.
அதிகாரப்பூர்வ தகவலின்படி, இந்த விபத்தில் 146 பேர் உயிரிழந்துள்ளனர், மேலும் 150 பேர் காணாமல் போயுள்ளனர்.
தீ விபத்தின் தாக்கம்
8 குடியிருப்பு கோபுரங்களில் 7 கட்டிடங்கள் தீயில் சிக்கின.
79 பேர் காயமடைந்துள்ளனர், 12 தீயணைப்பு வீரர்கள் காயமடைந்தனர்.
40 மணி நேரம் நீடித்த இந்த தீயை, 2,000-க்கும் மேற்பட்ட தீயணைப்பு வீரர்கள் போராடி கட்டுப்படுத்தினர்.
தீ பரவுவதற்கு பிளாஸ்டிக் நெட்டிங், எரிபொருள் தன்மை கொண்ட பொருட்கள், மூங்கில் Scaffoldings காரணமாக இருந்ததாக அதிகாரிகள் தெரிவித்துள்ளனர்.
மீட்பு மற்றும் விசாரணை
உயிரிழந்தவர்களில் தீயணைப்பு வீரர் ஹோ வை-ஹோவும் ஒருவர்.
தீ அலாரம் செயல்படவில்லை என குடியிருப்பாளர்கள் குற்றம் சாட்டியுள்ளனர்.
8 பேர் ஊழல் குற்றச்சாட்டில் கைது செய்யப்பட்டுள்ளனர், 3 பேர் மனிதக் கொலை குற்றச்சாட்டில் கைது செய்யப்பட்டுள்ளனர்.
ஹொங்ஹொங் கட்டிடத் துறை, 30 தனியார் திட்டங்களில் பணிகளை தற்காலிகமாக நிறுத்தியுள்ளது.
இது குறித்த விசாரணை 3-4 வாரங்கள் நீடிக்கும் என அதிகாரிகள் தெரிவித்துள்ளனர்.
அஞ்சலி நிகழ்வுகள்
சீனா மற்றும் ஹொங்ஹொங் கொடிகள் அரை கம்பத்தில் பறக்கவிடப்பட்டுள்ளன.
ஆயிரக்கணக்கானோர் 2 கி.மீ நீள வரிசையில் மலர்கள், கைஎழுத்து குறிப்புகள் வைத்து அஞ்சலி செலுத்தினர்.
இந்தோனேஷியா மற்றும் பிலிப்பைன்ஸ் தூதரகங்கள், தங்கள் குடிமக்கள் உயிரிழந்ததை உறுதிப்படுத்தின.
1918-இல் ஹாப்பி வாலி பந்தய அரங்கில் 600 பேர் உயிரிழந்த தீ விபத்துக்கு பிறகு, ஹாங்காங் சந்தித்த மிகப்பெரிய பேரழிவாக இந்த தீ விபத்து பதிவாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
