ட்ரம்பின் முற்றுகை ஒரு பக்கம்... 34 எண்ணெய்க் கப்பல்களை சாமர்த்தியமாக வெளியேற்றிய ஈரான்

ஹார்முஸ் நீரிணையை அமெரிக்கா முழுமையாகக் கட்டுப்படுத்துவதாகவும், முற்றுகை நடவடிக்கை மாபெரும் வெற்றி என்றும், ஈரானுடன் ஒரு இறுதி ஒப்பந்தம் எட்டப்படும் வரை தடை நீக்கப்படாது என்றும் ட்ரம்ப் கூறி வருகிறார்.

34 எண்ணெய்க் கப்பல்கள்

வெளியான தரவுகளின் அடிப்படையில், ஈரானுடன் தொடர்புடைய குறைந்தது 34 எண்ணெய்க் கப்பல்கள் அமெரிக்க முற்றுகையைத் தாண்டி வெளியேறியுள்ளதாக தெரியவந்துள்ளது.

ஏப்ரல் 13 அன்று, கடல் வழியாக ஈரானுக்கு உள்ளேயும் வெளியேயும் நடைபெறும் பொருளாதார வர்த்தகத்தை முழுமையாக நிறுத்தும் வகையிலும், அமெரிக்காவிற்கும் இஸ்ரேலுக்கும் எதிரான போரில் ஈரான் பயன்படுத்தக்கூடிய பொருட்களை ஏற்றிச் செல்லும் கப்பல்களைத் தடுக்கும் வகையிலும், அமெரிக்கா ஒரு முற்றுகையை விதித்தது.

இதுவரை, ஓமன் வளைகுடாவில் ஒரே ஒரு சரக்குக் கப்பல் மட்டுமே அமெரிக்கப் படைகளால் சிறைபிடிக்கப்பட்டுள்ளது; மேலும், இந்தோ-பசிபிக் பிராந்தியத்தில் பொருளாதாரத் தடைக்கு உட்படுத்தப்பட்ட ஒரே ஒரு எண்ணெய் கப்பலில் மட்டுமே அமெரிக்க வீரர்களால் சோதனை நடத்தப்பட்டுள்ளது.

பாகிஸ்தானின் தைமூர் ஏவுகணை சோதனை வெற்றி., இந்தியாவிற்கு புதிய சவால்

இந்த நிலையில், முற்றுகை தொடங்கியதிலிருந்து 28 கப்பல்களைத் திரும்பிச் செல்லவோ அல்லது துறைமுகத்திற்குத் திரும்பவோ அமெரிக்கப் படைகள் உத்தரவிட்டுள்ளதாக அமெரிக்க மத்திய கட்டளை மையம் செவ்வாயன்று தெரிவித்தது.

10.7 மில்லியன் பீப்பாய்கள்

ஆனால் உண்மையில், ட்ரம்பின் முற்றுகையை அதிரடியாக உடைத்து, 34 கப்பல்களை ஈரான் சாமர்த்தியமாக வெளியேற்றியுள்ளது. முற்றுகையை மீறி வந்த 34 கப்பல்களில், குறைந்தது 19 கப்பல்கள் ஈரானுடன் தொடர்புடைய எண்ணெய்க் கப்பல்களாகும், அவை வளைகுடாவிலிருந்து வெளியேறிவிட்டன.

மற்ற 15 கப்பல்கள் அரபிக்கடலில் இருந்து வளைகுடாவிற்குள் நுழைந்து, ஈரானை நோக்கிச் செல்கின்றன. புறப்பட்டுச் சென்ற கப்பல்களில், குறைந்தது ஆறு கப்பல்கள் ஈரானிய கச்சா எண்ணெயை ஏற்றிச் சென்றதாக உறுதி செய்யப்பட்டுள்ளது; அவை மொத்தமாகச் சுமார் 10.7 மில்லியன் பீப்பாய்கள் என்றே தெரியவருகிறது.

சர்வதேசத் தடைகள் காரணமாக ஈரானிய எண்ணெய் பொதுவாக பிரென்ட் கச்சா எண்ணெயை விடக் குறைந்த விலையில் வர்த்தகம் ஆவதால், சந்தை விலையை விட ஒரு பீப்பாய்க்கு 10 டொலர் குறைவு என்ற குறைந்தபட்ச மதிப்பீட்டின்படி, இந்த ஏற்றுமதிகள் மூலமான மொத்த வருவாய் சுமார் 910 மில்லியன் டொலராக இருக்கும் என்றே தெரியவருகிறது.