மெக்கா பிராந்தியம் மீது ஹவுதிகள் ட்ரோன் தாக்குதல்: சவுதி அரேபியா பதிலடி

Saudi coalition says it downed Houthi drone in Mecca region: மெக்கா பகுதியில் ஹவுதிகளின் ட்ரோன் தாக்குதலை முறியடித்ததாக சவுதி கூட்டணி தெரிவித்துள்ளது.

மெக்கா பிராந்தியத்தின் மீது ஹவுதிகள் ஏவிய ட்ரோன் ஒன்றை இடைமறித்து அழித்ததாக சவுதி தலைமையிலான கூட்டணி அறிவித்த நிலையில், எந்தத் தாக்குதலையும் நடத்தவில்லை என்று ஹவுதிகள் மறுத்துள்ளனர்.

கூற்று பொய்யானது

ஹவுதிகளின் இராணுவ செய்தித் தொடர்பாளர் யஹ்யா, சமூக ஊடகத்தில் வெளியிட்ட ஒரு பதிவில், சவுதி கூட்டணியின் கூற்று பொய்யானது என நிராகரித்தார்.

மேலும், தங்கள் குழு சவுதி பிரதேசத்தை நோக்கி எந்தவொரு நடவடிக்கையையும் மேற்கொள்ளவில்லை என்றும் அவர் கூறினார். தங்களது நடவடிக்கைகள் சவுதி எண்ணெய் வசதிகள் மற்றும் இராணுவத் தளங்களையே குறிவைக்கின்றன என்றும் அவர் தெரிவித்தார்.

ஹவுதிகள் இதுவரை சவுதி அரேபியாவின் இராணுவத் தளங்கள், விமான நிலையங்கள் மற்றும் எரிசக்தி உள்கட்டமைப்புகளைக் குறிவைத்து, தொடர்ச்சியான எல்லை தாண்டிய தாக்குதல்களை நடத்தியுள்ளனர்.

போருக்காக வேலை செய்ய முடியாது... 22 நாடுகளில் போராட்டத்தில் குதித்த துறைமுகத் தொழிலாளர்கள்

இஸ்லாமியர்களின் இரு புனித நகரங்களான மெக்கா மற்றும் மதீனாவை இலக்கு வைத்துள்ளதாக வெளியானத் தகவல்களை அக்குழு தொடர்ச்சியாக மறுத்துள்ளதுடன், அந்நகரங்களை நோக்கி ட்ரோன்களை ஏவியதாக சவுதி தலைமையிலான கூட்டணி முன்பு சுமத்திய குற்றச்சாட்டுகளையும் நிராகரித்துள்ளது.

ஆனால், இதுவரை அந்த ட்ரோன்கள் தொடர்பில், அது எந்த நாட்டில் தயாரிக்கப்பட்டது என்பது தொடர்பான விசாரணை அறிக்கைகளை சவுதி அரேபியா வெளியிடவில்லை.

இதனிடையே, இந்த வாரத் தொடக்கத்தில் தெஹ்ரானில் சவுதி மற்றும் ஈரானிய மூத்த அதிகாரிகள் அரிதாகச் சந்தித்து, பிராந்தியத்தில் உள்ள கருத்து வேறுபாடுகளைப் பேச்சுவார்த்தை மூலம் தீர்க்க இரு தரப்பினரும் ஒப்புக்கொண்ட போதிலும், சவுதி அரேபியா முழுவதும் உள்ள விமான நிலையங்கள் மற்றும் எண்ணெய் வசதிகள் மீது மொத்தம் ஆறு தாக்குதல்களை நடத்தியதாக ஹவுதிகள் பொறுப்பேற்றுள்ளனர்.

சவுதி ஆதரவுப் படைகள்

சவுதி அரேபியா, துருக்கி மற்றும் பாக்கிஸ்தான் ஆகிய நாடுகள் கூட்டத்திற்கு உயர்மட்ட பிரதிநிதிகளை அனுப்பியுள்ளன, ஆனால் நேர்மறையான தகவல்கள் வெளியானபோதிலும், ஹவுதிகள் ஏமனில் உள்ள சவுதி மற்றும் சவுதி ஆதரவுப் படைகள் மீது ஏவுகணைகள் மற்றும் ட்ரோன்களால் தொடர்ந்து தாக்குதல் நடத்தி வருகின்றன.

இதனிடையே, சவுதி அரேபியாவின் கிழக்கு மற்றும் மேற்கு கடற்கரைகள் முதல் ரியாத் மற்றும் தெற்கு நஜ்ரான் பகுதி வரை பரவியிருந்த முக்கிய வர்த்தக மற்றும் இராணுவ உள்கட்டமைப்புகளை இந்தத் தாக்குதல்கள் குறிவைத்ததாக, ஹவுதி செய்தித் தொடர்பாளர் யஹ்யா சமூக ஊடகப் பக்கத்தில் வெளியிட்ட அறிக்கை ஒன்றில் தெரிவித்துள்ளார்.