ஒரு ஐபிஎல் போட்டியை நடத்த எத்தனை கோடிகள் செலவு ஆகும் என தெரியுமா?

2026 ஐபிஎல் தொடர் மார்ச் 26 ஆம் திகதி தொடங்கிய நிலையில், 9 லீக் போட்டிகள் முடிவடைந்துள்ளது.

இன்று 2 போட்டிகள் நடைபெற உள்ள நிலையில், 3;30 மணிக்கு தொடங்கும் போட்டியில் SRH மற்றும் LSG அணிகளும், 7;30 தொடங்கும் போட்டியில் CSK மற்றும் RCB அணிகளும் மோத உள்ளது. 

2008 ஆம் ஆண்டு தொடங்கப்பட்ட ஐபிஎல் தொடர், வெறும் விளையாட்டாக மட்டும் இல்லாமல், பல ஆயிரம் கோடிகள் புழங்கும் வணிகமாகவும் உள்ளது.

BCCI நடத்தி வரும் இந்த ஐபிஎல் தொடர், லீக் கிரிக்கெட்டில் உலக அளவில் அதிக வருமானம் ஈட்டும் தொடராக உள்ளது. 

ஐபிஎல் 2026 - முதல் 4 போட்டிகளிலும் ஒரே நிகழ்வு நடந்த அதிசயம்

பல கோடிகள் வருமானம் ஈட்டி தரும் இந்த ஐபிஎல் தொடரில் ஒரு போட்டியை நடத்த எவ்வளவு செலவாகும் என்பது குறித்து காணலாம்.

ஒரு ஐபிஎல் போட்டி நடத்த ஆகும் செலவு

போட்டி நடத்துவதற்கான மைதானத்திற்கு, அமைந்துள்ள நகரம், இருக்கைகளின் எண்ணிக்கை, உட்கட்டமைப்பு வசதிகள் ஆகியவற்றை பொறுத்து ரூ.50 லட்சம் முதல் ரூ.1 கோடி வரை வாடகையாக செலுத்தப்படும். 

மேலும், இம்பாக்ட் பிளேயர் உட்பட ஒரு அணிக்கு 12 வீரர்கள் இடம்பெறுவார்கள். இவர்களுக்கான போட்டி கட்டணம் என்ற கணக்கில் ஒரு வீரருக்கு ஒரு போட்டிக்கு ரூ.7.5 லட்சம் வழங்கப்படுகிறது. இதன்படி ஒரு அணிக்கு மட்டும் ரூ.90 லட்சம் செலவாகிறது.  

இது தவிர்த்து அணியின் தலைமை பயிற்சியாளர்கள், துடுப்பாட்ட, பந்துவீச்சு, பீல்டிங் பயிற்சியாளர்கள், மருத்துவ குழு மற்றும் பிற உதவி பணியாளர்களுக்கும் ஊதியம் வழங்கப்படுகிறது. மேலும், கள நடுவர்கள், ரெப்பரி மற்றும் பிற அதிகாரிகளுக்கும் கணிசமான தொகை ஊதியமாக வழங்கப்படுகிறது. 

13 நகரங்களில் போட்டி நடைபெறுவதால், அணிகள் செல்வதற்கான விமான கட்டணம், வீரர்கள் தங்குவதற்கான விடுதிக் கட்டணம் உட்பட ஒரு போட்டிக்கு ரூ.7 லட்சம் செலவாகுவதாக கூறப்படுகிறது.

ஒளிபரப்பு செய்வதற்கான செலவுகளை சேர்க்காமல், ​​ஒரு ஐபிஎல் போட்டியை நடத்துவதற்கு சுமார் ரூ15 கோடி செலவாகுவதாக மதிப்பிடப்படுகிறது.