எடையை குறைக்கும் பாதாம்! எப்படி சாப்பிடலாம்? கட்டாயம் தெரிஞ்சிகோங்க
பாதாம் அனைவரும் சாப்பிடும் ஒரு நட்ஸ் வகையை சேர்ந்தாகும். இதில் புரதச்சத்துக்கள் உள்ளிட்ட பல்வேறு ஊட்டச்சத்துக்கள் இருக்கின்றன.
குறிப்பாக உடலுக்குத் தேவையான நல்ல கொழுப்பு அமிலங்கள் அதிக அளவில் நிறைந்திருக்கின்றன.
இதனை தினமும் எடுத்து கொள்வது பல ஆரோக்கிய நன்மைகளை நமது உடலுக்கு அள்ளித்தருகின்றது. எல்லாவற்றையும் விட முக்கியமாக எடையை குறைக்க உதவுகின்றது.
அந்தவகையில் பாதாமை எப்படி உடல் எடையை குறைக்க உதவுகின்றது. இதனை எப்படி எடுத்து கொள்ளலாம் என்பதை பார்ப்போம்.
எடையை பாதாம் எப்படி குறைக்கிறது?
தினமும் உணவில் பாதாமை சேர்க்கும்போது மிகக் குறைந்த கலோரியில் அதிக ஊட்டச்சத்துக்களும் பசியைக் கட்டுப்படுத்துகிற நார்ச்சத்துக்களும் அதிகமாக கிடைக்கின்றன. அதனால் ஏற்கனவே உடலில் தேங்கியிருக்கும் கொழுப்புகள் ஆற்றலாக மாற்றப்பட்டு கலோரிகள் எரிக்கப்படுகின்றன. இதனால் மிக வேகமாக எடையைக் குறைக்க முடிகிறது.
எப்படி எடுத்து கொள்ளலாம்?
- பச்சையாகவோ அல்லது வறுத்த (dry roasted) பாதாமையோ சாப்பிடலாம். ஒரு நாளைக்கு 20 - 25 பாதாம் வரையிலும் ஸ்நாக்ஸாக சாப்பிடலாம்.
- இரவு முழுவதும் பாதாம் ஊறவைத்து சாப்பிடலாம். இது போதிய ஆற்றலை தரும். எடையும் ஆரோக்கியமான முறையில் குறைக்க உதவும்.
- பாதாமை பொடி செய்து இதனை தினசரி ஓட்ஸ் போன்ற கஞ்சிகளில் அல்லது நீங்கள் மிக விரும்பி சாப்பிடும் தோசை, இட்லி, ரொட்டி போன்றவற்றை செய்யும் போது அந்த மாவுடன் பாதாம் பொடியையும் சேர்த்து கலந்து பயன்படுத்தலாம்.
- ஸ்மூத்திகளில் பாதாமையும் சேர்த்து கொள்ளலாம். இது கூடுதலான சுவையைக் கொடுப்பதோடு மட்டுமின்றி எளிதாக வயிறு நிரம்பிய உணர்வைக் கொடுக்கும்.
- பாதாமை ஊறவைத்து அரைத்து பால் எடுக்க வேண்டும். இதை அப்படியே குடிக்கவோ அல்லது ஸ்மூத்திகள் செய்யும்போதும் பயன்படுத்திக் கொள்ளலாம்.
பாதாம் சாப்பிட சிறந்த நேரம் எது?
முதல் நாள் இரவே 10 பாதாமை தண்ணீரில் ஊறவைத்து விட்டு அதை காலை வெறும் வயிற்றில் சாப்பிடலாம்.
உணவு இடைவெளிகளுக்கு நடுவில் லேசாக பசியெடுக்கும். அந்த சமயம்பாதம் சாப்பிடுவதற்கு சரியான நேரம் ஆகும்.