வியர்வை நாற்றத்தை செலவே இல்லாமல் எப்படி விரட்டலாம்?

வெயிற்காலங்களில் நமது உடலில் அதிகளவு வியர்வை சுரக்கப்படும், இதனால் ஏற்படும் உடல் நாற்றம் நெருங்கிய நண்பர்களையும் கூட நம் அருகில் நெருங்கவிடச் செய்யாது.

கொழுப்பு, புரதங்களுடன் கெட்ட பாக்டீரியாக்கள் இணைவதால், வியர்வையில் நாற்றம் ஏற்படுகிறது. குறிப்பாக, காற்று உட்புகாத ஈரப்பதமான உறுப்புகளில் வியர்வை, மிகுந்த துர்நாற்றத்துடன் இருக்கும்.

இதற்காக பலர் டியோடரண்ட்டுகள் மற்றும் பெர்ஃயூம்களை வாங்கிப் பயன்படுத்துவார்கள். இதனால் தற்காலிகமாகத் தான் தீர்வு கிடைக்குமே தவிர, பிரச்சனையைத் தடுக்க முடியாது.

அந்தவகையில் வியர்வை நாற்றத்தை போக்கும் சில எளிய வழிமுறைகளை என்ன என்பதை இங்கு பார்ப்போம்.

1. ஒரு காட்டன் துணியை எடுத்துக் கொள்ளுங்கள். இந்த காட்டன் துணியில் சிறிதளவு வினிகரை ஊற்றி வியர்வை ஏற்படும் இடங்களில் அப்ளை செய்து கொள்ளுங்கள். வினிகர் சருமத்தில் உள்ள pH அளவை சமப்படுத்த உதவுகிறது. மேலும் இது நமது உடலில் துர்நாற்றத்தை உருவாக்கும் பாக்டீரியாவை கொல்லும் ஆற்றல் வாய்ந்தது.
2. ஒரு எலுமிச்சையை பாதியாக வெட்டி உங்கள் அடி வயிற்றுப் பகுதியில் தடவவும். நீங்கள் வெளியே செல்லும் சமயங்களில் இதுபோன்று செய்யலாம். இதை பேஸ்ட் போல் செய்ய 2 டீஸ்பூன் சோள மாவை எலுமிச்சையுடன் சேர்த்து கொள்ளலாம். இந்த பேஸ்ட்டை அக்குள் மீது தடவி 10 நிமிடங்கள் கழித்து சுத்தமாக கழுவிக் கொள்ள வேண்டும்.
3. ஒரு பாத்திரத்தில் தண்ணீரை நன்றாக கொதிக்கவைத்து, அதில் கிரீன் டீயை சேர்த்துக் கொதிக்கவிடவும். இந்த நீரை ஆறவைத்து ஒரு காட்டன் துணியில் நனைத்து வியர்வை ஏற்படும் இடங்களில் தடவவும். இந்த தேநீர் சருமத்தை வறட்சியின்றி மற்றும் துர்நாற்றம் இல்லாமல் வைக்க உதவுகிறது.
4. ஒரு வாளித் தண்ணீரில் தக்காளி சாற்றை சேர்த்து 20 அல்லது 30 நிமிடங்கள் ஊறவைத்து இந்த நீரில் குளிக்கவும். இந்த தக்காளியில் நிறைந்துள்ள ஆன்டிசெப்டிக் பண்புகள் வியர்வையினால் ஏற்படும் துர்நாற்றத்தை உருவாக்கும் பாக்டீரியாவை அழிக்க உதவுகிறது.
5. பேக்கிங் சோடாவை நாம் சாதாரணமாக பயன்படுத்தும் டால்கம் பவுடர் போல் பயன்படுத்தலாம். அல்லது இதை கால் விரல்களுக்கு இடையில் வைக்கலாம். செருப்பில் இருந்து வரும் வாசனைகளை தவிர்க்க இரவில் அதை நன்றாக காய வைக்கலாம்.
6. இரண்டு தேக்கரண்டி பேக்கிங் சோடாவை ஒரு கப் தண்ணீரில் கலந்து கொள்ளுங்கள். இதை ஒரு பாட்டிலில் நிரப்பி உங்கள் அடிவயிற்றில் தினமும் தேய்த்துக் கொள்ளவும். ஆடைகளை அணிவதற்கு முன்பு ஆடைகளில் கறை ஏற்படாமல் இருப்பதற்கு இந்த தண்ணீர் உலர்ந்து இருப்பதை உறுதி செய்து கொள்ளுங்கள்.