முடங்கியது இணையம்... உலகம் முழுவதும் நூற்றுக்கணக்கான இணையதளங்கள் பாதிப்பு

Internet

By Balamanuvelan Jun 08, 2021 11:47 AM GMT

Balamanuvelan

in சர்வதேசம்

Report

இணையத்தில் ஏற்பட்டுள்ள ஒரு பிரச்சினை காரணமாக உலகம் முழுவதும் உள்ள நூற்றுக்கணக்கான இணையதளங்கள் முடங்கியுள்ளன.

நடந்தது என்ன? இணையம் முடங்கியதற்கான தெளிவான காரணம் தெரியவில்லை என்றாலும், இது Fastly என்னும் நிறுவனத்தால் ஏற்பட்டுள்ள பிரச்சினையாக இருக்கலாம் என கருதப்படுகிறது.

Fastly என்பது சேவை வழங்குவோருக்கும் பயனர்களுக்கும் இடையில் அமர்ந்து, அவர்கள் காண விரும்பும் தளத்தை விரைவாக காண உதவும் தொழில்நுட்பத்தை வழங்கும் ஒரு நிறுவனம் ஆகும்.

முடங்கியது இணையம்... உலகம் முழுவதும் நூற்றுக்கணக்கான இணையதளங்கள் பாதிப்பு | Hundreds Of Websites Around The World Are Affected

ஆக, அதன் சேவையில் பாதிப்பு ஏற்பட்டால், அந்த சேவைகளை பயன்படுத்தும் நிறுவனங்கள் மொத்தமாக இணையத்தில் எந்த வேலையும் செய்ய இயலாத ஒரு நிலை ஏற்படலாம். இதனால், தற்போது பிரித்தானிய அரசின் இணையதளம், அமேசான், ஸ்போட்டிஃபை முதலான அனைத்து தளங்களும் பாதிக்கப்பட்டுள்ளன.

உலகம் முழுவதும் நெட்ப்ளிக்ஸ், ட்விட்ச் முதல் பல தளங்கள் பாதிக்கப்பட்டுள்ளதால் மக்கள் தொடர்ந்து புகாரளித்தவண்ணம் உள்ளனர்.

பல செய்தி சேவை தளங்களும் பாதிக்கப்பட்டுள்ளன. பல சேவைகள் இந்த பிரச்சினையால் கடுமையாக பாதிக்கப்படும் என எதிர்பார்க்கப்படும் நிலையில், நிதி இழப்பும் ஏற்படலாம் என்ற அச்சமும் எழுந்துள்ளது.