லங்காசிறி FM
ஹூண்டாயின் புதிய மின்சார வேன் - ஐரோப்பாவில் ஆர்டர் தொடக்கம்
Hyundai Staria Electric Van: ஹூண்டாய் நிறுவனம் தனது புதிய மின்சார வேன் Staria Electric க்கு ஆர்டர்களை ஐரோப்பாவில் தொடங்கியுள்ளது.
ஜேர்மனியில் இதன் ஆரம்ப விலை 57,450 யூரோ (சுமார் $66,500) ஆகும். இந்த மின்சார வேன், Kia PV5 மற்றும் Volkswagen ID. Buzz-ஐ விட பெரியதாகவும், 9 பயணிகள் வரை அமரக்கூடிய வசதியுடனும் வருகிறது.
Staria Electric, ஹூண்டாய் நிறுவனத்தின் பெட்ரோல் மாடலின் மின்சார பதிப்பாகும். 5,253 மில்லிமீட்டர் நீளம், 1,997 மில்லிமீட்டர் அகலம், 1,990 மில்லிமீட்டர் உயரம் கொண்ட இந்த வேன், IONIQ 9 SUV-ஐ விட சற்று நீளமாக உள்ளது.
வெளிப்புறத்தில் EV-க்கு ஏற்ற மூடிய கிரில், முழு நீள LED லைட் பார் போன்ற அம்சங்கள் உள்ளன.
உட்புற வடிவமைப்பு
இதில் 7 மற்றும் 9 சீட் அமைப்புகள், 1,303 லிட்டர் வரை லக்கேஜ் ஸ்பேஸ், 24 லிட்டர் முன்புற சேமிப்பு இடம் ஆகியவை வழங்கப்பட்டுள்ளன.
12.3 இன்ச் டிஜிட்டல் இன்ஸ்ட்ருமென்ட் கிளஸ்டர், இன்ஃபோடெயின்மென்ட் ஸ்கிரீன், Apple CarPlay, Android Auto ஆகியவை இணைக்கப்பட்டுள்ளன.
Hyundai Staria 2026 Electric pic.twitter.com/Ssy1f6gc4U
— g4far (@lekan897) August 4, 2026
பேட்டரி
84 kWh பேட்டரி மற்றும் 160 kW (218 hp) மின்மோட்டார் கொண்ட Staria Electric, WLTP தரத்தில் 430 கிமீ (267 மைல்) வரை பயணிக்க முடியும்.
800V சார்ஜிங் தொழில்நுட்பத்தால், 350 kW DC சார்ஜரில் 10 சதவீதம் முதல் 80 சதவீதம் வரை வெறும் 20 நிமிடங்களில் சார்ஜ் செய்யலாம்.
விலை
அடிப்படை Trend 9-seater மாடல் 57,450 யூரோ ($66,500) விலையில் கிடைக்கிறது. Prime மாடல் 63,350 யூரோ ($73,500) விலையில் கூடுதல் வசதிகளுடன் வருகிறது. Calligraphy 7-seater மாடல் 66,950 யூரோ ($77,800) விலையில், Bose சவுண்ட் சிஸ்டம், Nappa லெதர் சீட், LED ஹெட்லைட்ஸ் போன்ற பிரீமியம் அம்சங்களுடன் வழங்கப்படுகிறது.
இந்த மின்சார வேன், பெரிய குடும்பங்கள், ஹோட்டல் மற்றும் ஏர்போர்ட் ஷட்டில்கள், வணிக பயன்பாடுகளுக்கு சிறந்த தேர்வாக இருக்கும் என ஹூண்டாய் நம்புகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
