லங்காசிறி FM
இங்கிலாந்தை வீழ்த்திய இந்தியா - சாதனை படைத்த சுப்மன் கில், அக்சர் படேல்
இங்கிலாந்திற்கு எதிரான முதல் ODI போட்டியில் இந்திய அணி 6 விக்கெட் வித்தியாசத்தில் வெற்றி பெற்றது.
இங்கிலாந்தை வீழ்த்திய இந்தியா
இந்தியா மற்றும் இங்கிலாந்து இடையே பர்மிங்காமில் உள்ள எட்ஜ்பாஸ்டன் மைதானத்தில் முதல் ODI போட்டி நடைபெற்றது.
நாணய சுழற்சியில் வென்ற இங்கிலாந்து அணி, முதலில் துடுப்பாட்டதை தேர்வு செய்தது. 47.5 ஓவர்கள் முடிவில், 258 ஓட்டங்கள் குவித்து இங்கிலாந்து அணி ஆல் அவுட் ஆனது.
இங்கிலாந்து தரப்பில், அதிகபட்சமாக ஜோ ரூட் 76 ஓட்டங்களும், லியாம் டாசன் 68 ஓட்டங்களும் குவித்தனர்.
இந்தியா தரப்பில் அக்சர் படேல் 4 விக்கெட்களை கைப்பற்றினார்.
259 ஓட்டங்கள் என்று வெற்றி இலக்குடன் களமிறங்கிய இந்திய அணி, நட்சத்திர வீரர்களான ரோஹித் சர்மா 11 ஓட்டங்களுடனும், விராட் கோலி 5 ஓட்டங்களுடனும் ஆட்டமிழந்து ஏமாற்றமளித்தனர்.
அணித்தலைவர் சுப்மன் கில் 75 பந்துகளில் 80 ஓட்டங்கள் எடுத்த நிலையில், காயம் காரணமாக வெளியேறினார்.
தொடர்ந்து வந்த ஷ்ரேயஸ் ஐயர் 35 ஓட்டங்களும், வாஷிங்டன் சுந்தர் 52 ஓட்டங்களும், அக்சர் படேல் 57 ஓட்டங்களும் எடுத்து அணியை வெற்றிக்கு அழைத்து சென்றனர்.
45.2 ஓவர்களில் 4 விக்கெட்களை இழந்து 262 ஓட்டங்கள் எடுத்து, 6 விக்கெட் வித்தியாசத்தில் இந்திய அணி வெற்றி பெற்றது.
4 விக்கெட்கள் எடுத்து, 57 ஓட்டங்கள் குவித்த அக்சர் படேல் ஆட்ட நாயகன் விருது வென்றார்.
சாதனைகள்
40 ஓவர்களுக்கு பின்னர் பந்து வீச வந்து 4 விக்கெட்களை கைப்பற்றிய 2வது சுழற்பந்து வீச்சாளர் என்ற சாதனையை அக்சர் படேல் படைத்துள்ளார். முன்னதாக ஜடேஜா மட்டுமே இந்த சாதனையை படைத்திருந்தார்.
இந்த போட்டியில் சுப்மன் கில் அடித்த 80 ஓட்டங்கள் மூலம், எட்ஜ்பாஸ்டன் மைதானத்தில் அணித்தலைவராக 3 இன்னிங்ஸில் விளையாடி 2 சதம், ஒரு அரைசதம் உட்பட 510 ஓட்டங்கள் இதுவரை அடித்துள்ளார்.
இதன் மூலம், இங்கிலாந்தில் ஒரே மைதானத்தில் 500 ஓட்டங்கள் எடுத்த முதல் இந்திய அணித்தலைவர் என்ற சாதனையை படைத்தார்.
முன்னதாக, விராட் கோலி இந்த மைதானத்தில், 6 இன்னிங்ஸில் விளையாடி ஒரு சதம், 4 அரைசதம் உட்பட 469 ஓட்டங்கள் எடுத்ததே அதிகபட்சமாக இருந்தது.
இதை போட்டியில் ஆடியதன் மூலம், 200 ODI போட்டிகளில் விளையாடிய 2வது இங்கிலாந்து வீரர் என்ற சாதனையை ஜாஸ் பட்லர் படைத்துள்ளார். இயோன் மோர்கன் 225 ODI போட்டிகளில் விளையாடி முதலிடத்தில் உள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
