லங்காசிறி FM
இந்தியா நோக்கி புறப்பட்ட இஸ்ரேலிய சரக்கு கப்பல் ஹவுதி கிளர்ச்சியாளர்களால் சிறைபிடிப்பு
ஏமனின் ஈரான் ஆதரவு ஹவுதி போராளிகள் செங்கடலில் இஸ்ரேலிய சரக்கு கப்பலைக் கைப்பற்றியதாக தகவல் வெளியிட்டுள்ளனர்.
இஸ்ரேலின் கண்மூடித்தனமான
குறித்த கப்பல் தொடர்பில் இஸ்ரேல் உடனடியாக மறுப்பு தெரிவித்துள்ளது. காஸா மீதான இஸ்ரேலின் கண்மூடித்தனமான தாக்குதல் நீடித்து வரும் நிலையில், செங்கடலில் இஸ்ரேலிய கப்பல்களை குறிவைப்போம் என்று ஹவுதி போராளிகள் குழு மிரட்டல் விடுத்திருந்தது.
Credit: Shutterstock
இந்த நிலையில் ஹவுதி போராளிகள் தரப்பில் இருந்து வெளியான அறிக்கையில், நாங்கள் இஸ்ரேலிய சரக்குக் கப்பலை ஏமன் கடற்பகுதிக்கு கொண்டு சென்றுள்ளோம் என குறிப்பிட்டுள்ளனர்.
மட்டுமின்றி, மேலதிக தகவல்கள் பின்னர் அறிவிக்கப்படும் என்றும் குறிப்பிட்டுள்ளனர். வெளியான தரவுகளின் அடிப்படையில், ஹவுதி போராளிகள் கைப்பற்றியது சரக்கு கப்பல் என்றும், பல்வேறு நாடுகளைச் சேர்ந்த சுமார் 25 பணியாளர்கள் இருந்தனர் என்றும் தகவல் வெளியாகியுள்ளது.
அது இஸ்ரேலிய சரக்கு கப்பல் என ஹவுதி போராளிகள் தெரிவித்துள்ள நிலையில், இஸ்ரேல் தரப்பு முற்றாக மறுத்துள்ளது. மட்டுமின்றி, அந்த கப்பலில் இந்தியர்கள் எவரும் இல்லை என்றும் பிரதமர் நெதன்யாகு அலுவலகத்தில் இருந்து உறுதி செய்யப்பட்டுள்ளது.
ஏமன் ஹவுதி போராளிகளால்
மட்டுமின்றி, துருக்கி துறைமுகத்தில் இருந்து புறப்பட்ட அந்த கப்பலானது இந்தியா நோக்கி புறப்பட்டுள்ளது என்றும் கூறப்படுகிறது. மேலும், இஸ்ரேல் பிரதமர் அலுவலகம் வெளியிட்டுள்ள தகவலில்,
Credit: Alamy
பிரித்தானிய நிறுவனத்திற்கு சொந்தமான அந்த கப்பல் தற்போது ஜப்பானிய நிறுவனத்தால் இயக்கப்பட்டு வருகிறது என்றும், ஈரானின் வழிகாட்டுதலுடன் ஏமன் ஹவுதி போராளிகளால் கடத்தப்பட்டுள்ளது என்றும் குறிப்பிட்டுள்ளனர்.
ஆனால் அந்த கப்பலில் இஸ்ரேலிய தொழிலதிபர் ஆபிரகாம் உங்கருக்கும் பங்குள்ளதாக கூறப்படுகிறது. 2014ல் ஏமனின் தலைநகர் சனாவை கைப்பற்றிய ஹவுதிகள் நாட்டின் பெரும் பகுதிகளை தங்கள் கட்டுப்பாட்டில் வைத்திருந்தனர் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
