இந்தியா-சீனா நேரடி விமான சேவை 5 ஆண்டுகளுக்குப் பிறகு மீண்டும் தொடக்கம்

இந்தியா மற்றும் சீனாவிற்கு இடையிலான நேரடி விமான சேவைகள் 5 ஆண்டுகளுக்குப் பிறகு மீண்டும் தொடங்கியுள்ளன.

கொல்கத்தாவிலிருந்து குவாங்சௌவுக்கான (Guangzhou) முதல் விமானம் இன்று புறப்பட்டது.

இந்திய எல்லைக்கு அருகே புதிய வான் பாதுகாப்பு தளத்தை அமைத்துள்ள சீனா., வெளியான செயற்கைகோள் ஆதாரங்கள்

இது இரு நாடுகளுக்கிடையிலான வர்த்தகம், சுற்றுலா மற்றும் தூதரக உறவுகளை மீண்டும் கட்டமைக்கும் முக்கிய முன்னேற்றமாக கருதப்படுகிறது.

இந்த சேவை, COVID-19 பெருந்தொற்று மற்றும் 2020-ம் ஆண்டு ஜூன் மாதத்தில் நடந்த கல்வான் பள்ளத்தாக்கு மோதல் காரணமாக இடைநிறுத்தப்பட்டிருந்தது.

2024-ஆம் ஆண்டு அக்டோபரில், எல்லைப் பிரச்சனைகள் தொடர்பான ஒப்பந்தம் இரு நாடுகளும் மேற்கொண்டதன் பின்னர், உறவுகள் மெதுவாக சீரடைந்தன.

IndiGo நிறுவனம், கொல்கத்தா-குவாங்சௌ இடையே தினசரி விமான சேவையை A320neo விமானத்தின் மூலம் இன்று முதல் (அக்டோபர் 26) தொடங்கியுள்ளது.

நவம்பர் 9-ஆம் திகதி முதல் ஷாங்காய்-டெல்லி இடையே வாரத்திற்கு 3 விமானங்கள் இயக்கப்படும். மேலும், டெல்லி-குவாங்சௌ இடையே நேரடி சேவையை விரிவாக்கும் திட்டமும் உள்ளது.

சந்தை பதற்றநிலையிலும் வெற்றி பெற்ற தங்கம்., கிரிப்டோ தோல்வி

இந்த புதிய விமான சேவைகள், இரு நாடுகளுக்கிடையிலான வர்த்தக உறவுகளை வலுப்படுத்தும், சுற்றுலா வளர்ச்சியை ஊக்குவிக்கும், மற்றும் மக்களுக்கு இடையிலான தொடர்புகளை மேம்படுத்தும் என எதிர்பார்க்கப்படுகிறது. இது இந்தியா-சீனா உறவுகளில் புதிய அத்தியாயத்தைத் தொடங்குகிறது.

India China direct flights 2025, Kolkata Guangzhou flight IndiGo, Shanghai Delhi China Eastern, India China air connectivity, post-COVID flight resumption, Galwan clash flight suspension, India China diplomatic thaw, ASEAN summit flight deal, trade tourism flights India China, IndiGo China route expansion