இந்தியாவின் மூன்றாவது பெரிய எண்ணெய் ஏற்றுமதியாளராக மாறியுள்ள நாடு

தென்னமெரிக்க நாடொன்று இந்தியாவின் மூன்றாவது பெரிய எண்ணெய் ஏற்றுமதியாளராக உருவெடுத்துள்ளது.

இந்தியாவின் என்னை சந்தையில் புதிய மாற்றம் ஏற்பட்டுள்ளது. மே மாதத்தில், இந்தியாவின் மூன்றாவது பெரிய கச்ச எண்ணெய் வழங்குநராக வெனிசுலா இடம்பெற்றுள்ளது. இதனால், அமெரிக்கா மற்றும் சவுதி அரேபியா பின்தங்கியுள்ளன.

கெப்லர் (Kpler) தரவுகளின்படி, வெனிசுலா மே மாதத்தில் இந்தியாவிற்கு தினசரி சுமார் 4.17 லட்சம் பீப்பாய் கச்சா எண்ணெய் வழங்கியுள்ளது.

ஏப்ரல் மாதத்தில் இது 2.83 லட்சம் பீப்பாய் மட்டுமே இருந்தது. கடந்த 9 மாதங்களாக வெனிசுலா இந்தியாவிற்கு எண்ணெய் வழங்கவில்லை என்பதும் குறிப்பிடத்தக்கது.

மேற்கு ஆசியாவில் நடைபெற்றுவரும் போர், ஹார்முஸ் நீரிணையில் ஏற்பட்டுள்ள போக்குவரத்து தடைகள் மற்றும் உலகளாவிய எண்ணெய் விலை உயர்வு காரணமாக இந்தியா தனது எண்ணெய் இறக்குமதி மூலங்களை மாற்றி அமைத்துள்ளது.

சவுதி அரேபியாவின் எண்ணெய் விலை அதிகமாக இருந்ததால், இந்தியா மலிவான வெனிசுலா எண்ணையை அதிகம் வாங்க தொடங்கியுள்ளது.

ரிலையன்ஸ் நிறுவனத்தின் ஜாம்நகர் சுத்திகரிப்பு நிலையம் போன்ற நவீன தொழில்நுட்பம் கொண்ட நிறுவங்களுக்கு வெனிசுலாவின் கனமான, அதிக சல்பர் கொண்ட எண்ணெய் மிகவும் பொருத்தமாக உள்ளது. இதனால் ரிலையன்ஸ் மிகப்பெரிய பயனாளராக உள்ளது.

இந்தியாவின் மொத்த எண்ணெய் இறக்குமதி மே மாதத்தில் 8 சதவீதம் அதிகரித்து 4.9 மில்லியன் பீப்பாயாக உயர்ந்துள்ளது. ஆனால், பிப்ரவரி மாதத்தில் இருந்த 5.2 மில்லியன் பீப்பாயை விட குறைவாகவே உள்ளது.

ஈராக் மற்றும் ஈரான் போன்ற நாடுகளிலிருந்து எண்ணெய் வரத்து குறைந்ததால், வெனிசுலா மற்றும் ஐக்கிய அரபு அமீரகம் போன்ற நாடுகள் இந்தியாவிற்கு முக்கியமான புதிய ஆதாரங்களாக மாறியுள்ளன.

இந்த மாற்றம், உலகளாவிய அரசியல் பதற்றம் மற்றும் எண்ணெய் விலை உயர்வால் இந்தியா தனது எரிபொருள் தேவைகளை பூர்த்தி செய்ய புதிய வழிகளை தேடவேண்டிய நிலை ஏற்பட்டுள்ளது.

India oil imports 2026, Venezuela crude supplier India, Saudi Arabia oil exports India, Reliance Jamnagar refinery crude, Strait of Hormuz oil disruption, Cheap Venezuelan crude India, India energy crisis 2026 #IndiaOil #Venezuela #SaudiArabia #CrudeOil #EnergyCrisis #Reliance #OilImports #GlobalMarkets #Hormuz #PetrolDiesel