லங்காசிறி FM
2027 உலக கிண்ணம்; இந்தியா - பாகிஸ்தான் 3 முறை நேருக்கு நேர் மோத வாய்ப்பு
india, pakistan can face 3 times in 2027 icc odi worldcup: ஐசிசி 2027 உலக கிண்ணத்தில், இந்தியாமற்றும் பாகிஸ்தான் 3 முறை நேருக்கு நேர் மோத வாய்ப்புள்ளது.
2027 உலக கிண்ணம்
4 ஆண்டுகளுக்கு ஒருமுறை ஐசிசி ஆடவர் கிரிக்கெட் உலக கிண்ணம், 2027 ஆம் ஆண்டு அக்டோபர் 2 ஆம் திகதி தொடங்கி நவம்பர் 21 வரை நடைபெற உள்ளது.
தென் ஆப்பிரிக்கா, ஜிம்பாப்வே, நமீபியா ஆகிய 3 நாடுகள் இணைந்து இந்த தொடரை நடத்த உள்ளன.
12 அணிகள் பங்குபெற உள்ள இந்த தொடர், A மற்றும் B என இரு பிரிவுகளாக பிரிக்கப்பட்டுள்ளது.
குரூப் A பிரிவில் இந்தியா, நடப்பு சாம்பியன் அவுஸ்திரேலியா, பாகிஸ்தான், ஆப்கானிஸ்தான், ஜிம்பாப்வே ஆகிய அணிகள் இடம் பெற்றுள்ளது. தகுதிச் சுற்று மூலம் மேலும் ஒரு அணி இந்தப் பிரிவில் இணையும்.
𝙈𝘼𝙍𝙆 𝙔𝙊𝙐𝙍 𝘾𝘼𝙇𝙀𝙉𝘿𝘼𝙍𝙎 🗓️
— ICC (@ICC) October 1, 2026
The ICC Men’s #CWC27 fixtures have been unveiled 🏆
Access the ticket ballot 🎫 https://t.co/MSLEQzcObb pic.twitter.com/dpTE4TEjO7
குரூப் B பிரிவில்,இலங்கை, இங்கிலாந்து, நியூசிலாந்து, தென்னாப்பிரிக்கா, வங்கதேசம் ஆகிய அணிகளுடன் தகுதிச் சுற்று மூலம் தேர்வாகும் மற்றொரு அணியும் இந்தப் பிரிவில் இணையும்.
இதில், 12 அணிகள் மொத்தமாக 30 போட்டிகளில் விளையாடும். இரு பிரிவிலும் முதல் 3 இடங்களைப் பிடிக்கும் அணிகள் மற்றும் 2 பிரிவுகளிலும் சேர்த்து அடுத்த சிறந்த இடத்தைப் பிடிக்கும் ஒரு அணி என மொத்தம் 7 அணிகள் சூப்பர் 7 சுற்றுக்கு தகுதி பெறும்.
சூப்பர் 7 சுற்றில் நடைபெறும் 21 போட்டிகளில் புள்ளிப் பட்டியலில் முதல் 4 இடங்களைப் பிடிக்கும் அணிகள் அரையிறுதிக்கு முன்னேறும். அரையிறுதி போட்டிகளில் வெற்றி பெறும் அணிகள் இறுதிப் போட்டியில் மோதும்.
இந்தியா - பாகிஸ்தான் போட்டிகள்
அக்டோபர் 7 ஆம் திகதி இந்தியா தனது முதல் போட்டியில், அவுஸ்திரேலியாவை எதிர்கொள்ள உள்ளது.
அக்டோபர் 10 ஆம் திகதி ஜோகன்னஸ்பர்க் வாண்டரர்ஸ் மைதானத்தில் நடைபெறும் போட்டியில் இந்தியா பாகிஸ்தான் மோத உள்ளது.
தொடரின் புதிய வடிவத்தின்படி, இரு அணிகளும் சூப்பர் 7 சுற்றுக்கு முன்னேறினால் சூப்பர் 7 சுற்றில் 2வது முறையாக நேருக்கு நேர் மோதலாம்.
இரு அணிகளும் இறுதிப் போட்டிக்கு தகுதி பெற்றால், இறுதி போட்டியில் 3வது முறையாக நேருக்கு நேர் மோதலாம்.
இரு அணிகளும் ஒரே பிரிவில் இடம் பெற்றுள்ளதால், 3 முறை நேருக்கு நேர் மோத வாய்ப்பு அமைந்துள்ளது.
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
