லங்காசிறி FM
3 ஆண்டுகளில் ஜேர்மனி, ஜப்பானை விஞ்சும் இந்திய பொருளாதாரம்!
மூன்று ஆண்டுகளில் இந்தியா உலகின் 3-வது பாரிய பொருளாதாரமாக வளரும் என நிதி ஆயோக் தலைவர் உறுதியளித்துள்ளார்.
இந்திய பொருளாதாரம் அடுத்த மூன்று ஆண்டுகளில் ஜேர்மனி மற்றும் ஜப்பானை மிஞ்சி உலகின் மூன்றாவது பாரிய பொருளாதாரமாக மாறும் என்று நிதி ஆயோக் தலைமை நிர்வாக அதிகாரி பி.வி.ஆர். சுப்ரமணியம் தெரிவித்துள்ளார்.
தற்போது இந்தியா உலகின் ஐந்தாவது பாரிய பொருளாதாரமாக உள்ளது. "அடுத்த ஆண்டின் முடிவில் நான்காவது இடத்தை எட்டுவோம். அதற்கடுத்த ஆண்டில் மூன்றாவது இடத்திற்கு வரும்," என்று அவர் கூறியுள்ளார்.
IMF-இன் சமீபத்திய தரவுகளின்படி, தற்போது இந்திய பொருளாதாரத்தின் அளவு 4.3 டிரிலியன் டொலர் ஆகும். 2047-க்குள் இந்தியா 30 டிரிலியன் டொலர் அளவிலான இரண்டாவது பாரிய பொருளாதாரமாக மாறும் வாய்ப்பு உள்ளதாகவும் அவர் கூறினார்.
இந்தியா, உலகிற்கு கல்வி மையமாக மாறும் திறன் கொண்டதாகவும், இதற்கான மிகப்பாரிய பலமாக ஜனநாயகம் இருப்பதாகவும் சுப்ரமணியம் வலியுறுத்தினார்.
இந்நிலையில், இந்திய நிறுவனங்கள், குறிப்பாக சட்ட மற்றும் கணக்கியல் நிறுவனங்கள், உலகளவில் முன்னணியில் செல்ல வேண்டும் என அவர் கேட்டுக்கொண்டார்.
இதேபோல், தற்போது நடுநிலை வருமான நாடுகள் எதிர்கொள்ளும் சவால்கள், குறைந்த வருமான நாடுகளின் பிரச்சனைகளைவிட முற்றிலும் மாறுபட்டவையெனவும், இது உணவோ உடையோ குறைபாடு அல்ல, அறிவு அடிப்படையிலான பொருளாதாரமாக மாறுவது பற்றியது எனவும் அவர் கூறினார்.
மேலும், வேலைக்கால மக்களின் சர்வதேச ஆதாயமாக இந்தியா பயன்படும் என்றும், ஜப்பான், ஜேர்மனி போன்ற நாடுகள் இந்தியா போன்ற நாடுகளிலிருந்து சுகாதார பணியாளர்களை பெருமளவில் ஆள்கொண்டிருப்பதை சுட்டிக்காட்டினார்.
இது இந்தியாவின் மிகப்பாரிய பலமாக இருக்கும் என சுப்ரமணியம் நம்பிக்கை தெரிவித்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அளவெட்டி, London, United Kingdom, Wales, United Kingdom
19 Apr, 2023
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
