லங்காசிறி FM
Google-ஐ விட்டு வெளியேறிய தமிழன்., இன்று மிகப்பாரிய அமெரிக்க நிறுவனத்தின் CEO
Google CEO சுந்தர் பிச்சையை போல, அமெரிக்காவின் மற்றொரு பாரிய நிறுவனத்தின் தலைமை நிர்வாக அதிகாரியாக தமிழர் ஒருவர் நியமிக்கப்பட்டுள்ளார்.
அமெரிக்காவைச் சேர்ந்த டேட்டா கிளவுட் நிறுவனமான Snowflake-ன் தலைமைச் செயல் அதிகாரி மற்றும் இயக்குநர்கள் குழுவின் உறுப்பினராக இந்திய வம்சாவளியைச் சேர்ந்த ஸ்ரீதர் ராமசாமி (Sridhar Ramaswamy) நியமிக்கப்பட்டுள்ளார்.
முன்னதாக ஸ்ரீதர் ராமசாமி Snowflake-ல் AI இன் மூத்த துணைத் தலைவராக பதவி வகித்தார்.
இப்போது அந்நிறுவனத்தின் தலைமை செயல் அதிகாரியாகவும், ஓய்வு பெற முடிவு செய்த Frank Slootman-க்குப் பதிலாக, வாரியத்தின் தலைவராகவும் பணியாற்றுவார் என தெரிவிக்கப்பட்டுள்ளது.
"கடந்த 12 ஆண்டுகளில், ஃபிராங்க் மற்றும் முழு குழுவும் ஸ்னோஃப்ளேக்கை முன்னணி கிளவுட் தரவு தளமாக நிறுவியுள்ளனர்.., வளர்ச்சியின் இந்த அடுத்த அத்தியாயத்தில் நிறுவனத்தை வழிநடத்த நான் தேர்ந்தெடுக்கப்பட்டதில் பெருமை அடைகிறேன்..." என ராமசாமி தனது அறிக்கையில் கூறியுள்ளார்.
யார் இந்த ஸ்ரீதர் ராமசாமி?
1967-ஆம் ஆண்டு தமிழ்நாட்டின் திருச்சி மாவட்டத்தில் பிறந்தார் ஸ்ரீதர் ராமசாமி.
IIT-Madras-ல் கணினி அறிவியலில் இளங்கலை படிப்பை முடித்த பிறகு, 1989-ல் அமெரிக்காவிற்கு குடிபெயர்ந்தார்.
அங்கு Brown பல்கலைக்கழகத்தில் கணினி அறிவியலில் முதுகலை மற்றும் முனைவர் பட்டத்தை முடித்தார்.
Google-ல் 15 ஆண்டுகள்...
பின்னர் சில நிறுவனங்களில் வேலைபார்த்த பார்த்த பிறகு, 2003-ல் Google நிறுவனத்தில் AdWords பிரிவில் பணியாற்றினார். பின்னர் 2013-ல் கூகுளில் விளம்பரம் மற்றும் வர்த்தகத்தின் மூத்த துணைத் தலைவராக பதவி உயர்வு பெற்றார்.
கூகுளின் விளம்பர வணிகத்தை $1.5 பில்லியனில் இருந்து $100 பில்லியனாக உயர்த்துவதில் அவர் ஒருங்கிணைந்த பகுதியாக இருந்தார்.
மொத்தம் 15 ஆண்டுகள் கூகுளில் வேலை செய்த பிறகு, 2018-ல் Greylock Partners-ல் பங்குதாரர் ஆனார்.
Neeva- Snowflake
2019-ஆம் ஆண்டு, Google போன்ற தேடுபொறி நிறுவனமாக Neeva-வை உருவாக்கினார்.
2021-ஆம் ஆணு அமெரிக்காவில் Neeva நிறுவனத்தை தொடங்கி, பின்னர் பிரித்தானியா, பிரான்ஸ், ஜேர்மனி ஆகிய நாடுகளில் விரிவடையச் செய்தார்.
ஆனால், கடந்த ஆண்டு (2023) Snowflake நிறுவனம் Neeva நிறுவனத்தை கையகப்படுத்தியது. இப்போது ஸ்ரீதர் ராமசாமி Snowflake நிறுவனத்தின் CEO-வாக உயர்ந்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Indian-origin Sridhar Ramaswamy, Who is Sridhar Ramaswamy, Snowflake CEO, Sridhar Ramaswamy Tamil Origin, Sridhar Ramaswamy Profile
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
