லங்காசிறி FM
U19 உலகக்கிண்ணம்: அதிரடி காட்டிய திரிஷா..இலங்கை அணியை வீழ்த்திய இந்தியா
Sivaraj
in கிரிக்கெட்
மகளிர் U19 உலகக்கிண்ணப் போட்டியில் இந்திய அணி 60 ஓட்டங்கள் வித்தியாசத்தில் இலங்கையை வீழ்த்தியது.
திரிஷா 49
கோலாலம்பூரில் நடந்த போட்டியில் இந்திய அணி முதலில் துடுப்பாடியது. கோன்கடி திரிஷா 44 பந்துகளில் 1 சிக்ஸர், 5 பவுண்டரிகளுடன் 49 ஓட்டங்கள் விளாசினார். மிதிலா 16 ஓட்டங்களும், ஜோஷிதா 14 ஓட்டங்களும் எடுத்தனர்.
இதன்மூலம் இந்திய அணி 9 விக்கெட்டுக்கு 118 ஓட்டங்கள் எடுத்தது. பிரமுதி மெத்சாரா, லிமன்சா மற்றும் அசேனி தலா 2 விக்கெட்டுகள் கைப்பற்றினர்.
இந்தியா வெற்றி
அடுத்து களமிறங்கிய இலங்கை அணி தொடர்ந்து விக்கெட்டுகளை இழந்தது. இந்திய வீராங்கனைகள் பந்துவீச்சை சமாளிக்க முடியாமல் இலங்கை அணி, 20 ஓவரில் 9 விக்கெட்டுக்கு 58 ஓட்டங்களே எடுத்தது.
இதன்மூலம் இந்திய அணி 60 ஓட்டங்கள் வித்தியாசத்தில் மிரட்டலாக வெற்றி பெற்றது. ஷப்னம், ஜோஷிதா மற்றும் ப்ரூனிகா தலா 2 விக்கெட்டுகளை வீழ்த்தினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
