லங்காசிறி FM
ரூ 21 லட்சம் சம்பளம்... மாணவர்களுக்கு வாய்ப்பளிக்கும் நாராயண மூர்த்தியின் இன்ஃபோசிஸ்
இந்தியாவின் முன்னணி தகவல் தொழில்நுட்ப நிறுவனங்களில் ஒன்றான இன்ஃபோசிஸ், சிறப்புத் தொழில்நுட்பப் பணிகளுக்குப் புதிதாகப் பணியில் சேருபவர்களுக்கு ஆண்டுக்கு 21 லட்சம் ரூபாய் வரை ஊதியம் வழங்க பரிசீலித்து வருகிறது.
மாணவர்களுக்கு முன்னுரிமை
இது 2026 ஆம் ஆண்டுக்கான அதன் வளாக வேலைவாய்ப்புத் திட்டத்தின் ஒரு பகுதியாக இருக்கும் என்றே குழுமத்தின் CHRO ஷாஜி மேத்யூ உறுதிப்படுத்தியுள்ளார்.
பொறியியல் மற்றும் கணினி அறிவியல் மாணவர்களுக்கு முன்னுரிமை வழங்க இருப்பதாகவும், வருடத்திற்கு ரூ 7 லட்சம் முதல் 21 லட்சம் வரையில் சம்பளம் வழங்க இருப்பதாகவும் ஷாஜி மேத்யூ தெரிவித்துள்ளார்.
மேத்யூ குறிப்பிடுகையில், எங்கள் வாடிக்கையாளர்களுக்காக நாங்கள் வடிவமைத்து வழங்கும் அனைத்திலும், செயற்கை நுண்ணறிவுக்கு முன்னுரிமை அளிக்கும் அணுகுமுறையை முன்னெடுத்துச் செல்வதில் இன்ஃபோசிஸ் தொடர்ந்து இந்தத் துறையில் முன்னணியில் உள்ளது.
இந்த இலக்கை அடைவதற்கு, எங்களது தற்போதைய பணியாளர்களுக்குத் திறன்களை மேம்படுத்துவது மட்டுமல்லாமல், ஆழமான நிபுணத்துவமும் அதிக கற்றல் திறனும் கொண்ட, டிஜிட்டல் தொழில்நுட்பத்தில் இயல்பான திறமையுடையவர்களை நிறுவனத்தில் இணைப்பதும் அவசியமாகும்.
புதிதாகப் பணியமர்த்தப்படும் இவர்களுக்கு, எங்கள் வாடிக்கையாளர்களுக்கான சிக்கலான பிரச்சனைகள், மேம்பட்ட தொழில்நுட்பங்கள் மற்றும் நிறுவன அளவிலான தளங்களில் பணியாற்றுவதற்காக வழிநடத்தப்பட்டு, வழிகாட்டுதலும் அளிக்கப்படுவார்கள்.
வருடத்திற்கு ரூ 21 லட்சம்
கடந்த ஆண்டுகளைப் போலவே, எங்கள் ஆரம்பக்காலப் பணியாளர் நியமன உத்தியானது, கணிக்கப்பட்ட திறமைத் தேவைகளைப் பூர்த்தி செய்வதற்கான வளாகத் தேர்வு மற்றும் உடனடித் தேவைகளை ஆதரிப்பதற்கான வளாகத்திற்கு வெளியேயான தேர்வு ஆகிய இரண்டையும் ஒருங்கிணைக்கிறது.
ஆரம்பகால தொழில் வல்லுநர்களுக்கு நாங்கள் எப்போதும் பல பதவிகளை வழங்கி வந்தாலும், நாங்கள் தற்போது சிறப்புத் திட்டமிடல் வல்லுநர் பிரிவில் உள்ள வாய்ப்புகளை விரிவுபடுத்தியுள்ளோம். வருடத்திற்கு ரூ 21 லட்சம் சம்பளம் உட்பட இது பொருந்தும்.
கணினி அறிவியல், தகவல் தொழில்நுட்பம் மற்றும் ECE, EEE போன்ற தெரிவு செய்யப்பட்ட மின்சுற்றுப் பொறியியல் துறைகளில் BE, B.Tech, ME, M.Tech, MCA மற்றும் ஒருங்கிணைந்த MSc பட்டம் பெற்ற பட்டதாரி மாணவர்கள் அணுகலாம்.
இன்ஃபோசிஸ் நிறுவனத்தின் தற்போதைய சந்தை மதிப்பு என்பது ரூ 6.86 லட்சம் கோடி என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
காரைநகர், யாழ்ப்பாணம், Richmond Hill, Canada, வெள்ளவத்தை
02 Feb, 2025
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
சுதுமலை, மருதனாமடம், வவுனியா, கொழும்பு, Ruislip Hillingdon, Middlesex, United Kingdom, Coventry, United Kingdom
22 Jan, 2025
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
நாரந்தனை, பிரான்ஸ், France, Mitcham, United Kingdom
06 Jan, 2026
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
வல்வெட்டி, தெல்லிப்பளை, வட்டுக்கோட்டை, கொழும்பு, Toronto, Canada
21 Dec, 2025
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
திருகோணமலை, Erlalai, புங்குடுதீவு, கட்டுவன், மட்டக்களப்பு, கனடா, Canada
20 Jan, 2016
