லங்காசிறி FM
புடின் புடினே அல்ல... உக்ரைனில் புதிதாக பதவியேற்றிருக்கும் உளவுத்துறைத் தலைவர் பரபரப்பு தகவல்
ஈரானுக்குச் சென்ற புடின் புடினே அல்ல என்று கூறி பரபரப்பை ஏற்படுத்தியுள்ளார் உக்ரைனில் புதிதாக பதவியேற்றிருக்கும் உளவுத்துறைத் தலைவர்.
இந்த வாரம் உக்ரைனில் புதிதாக உளவுத்துறைத் தலைவராக பதவியேற்றுள்ள மேஜர் ஜெனரல் Kyrylo Budanov, சமீப காலமாக பொது நிகழ்ச்சிகளில் பங்கேற்கும் புடினுடைய தோற்றத்தில் வித்தியாசங்கள் தெரிவதாக குறிப்பிட்டுள்ளார்.
குறிப்பாக புடினுடைய உயரம் மற்றும் காதுகளின் தோற்றத்தில் வித்தியாசம் தெரிவதாக Budanov குறிப்பிட்டுள்ளார்.
காதுகள் கைரேகை போன்றவை என்று கூறும் Budanov, புடினுடைய புகைப்படங்களை கவனித்துப்பார்த்தால், சில படங்களில் அவரது காது சிறியதாகவும், வேறு சில படங்களில் அவரது காது பெரியதாகவும் இருப்பதைக் காணலாம் என்கிறார்.
Credit: Getty
அத்துடன், புடின் சமீபத்தில் ஈரானுக்குச் சென்றபோது, விமானத்திலிருந்து வெளியே வரும் புடினைக் கொஞ்சம் கவனியுங்கள், அது புடின் தானா என்கிறார் Budanov.
நடக்கவே தடுமாறும் புடின் வேகமாக மிடுக்காக துள்ளிக் குதித்து வருவதை அந்தக் காட்சியில் காணலாம்.
Credit: Reuters
ஆக, அது புடினே அல்ல என்று கூறும் Budanov, உண்மையான புடின் மோசமான வகையில் நோய்வாய்ப்பட்டிருப்பதாகவும், பொது நிகழ்ச்சிகளில் புடினுக்கு பதிலாக அவரது டூப் பங்கேற்பதாகவும் தான் நம்புவதாக தெரிவித்துள்ளார்.
ஏற்கனவே 2018ஆம் ஆண்டு, புடினைப் போலவே தோற்றம் கொண்ட போலி புடின்கள் மூன்று பேர் வரை இருப்பதாக English Russia என்ற நபர் IB Times என்ற ஊடகத்தில் தெரிவித்த விடயம் பரபரப்பை ஏற்படுத்தியது குறிப்பிடத்தக்கது.
Credit: Getty
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
