Post Office RD -ல் மாதம் 5K, 10K, 15K என முதலீடு செய்தால்.., 5 வருடங்களில் திரும்ப கிடைக்கும் தொகை எவ்வளவு?

தபால் நிலையத்தின் சிறு சேமிப்பு திட்டங்களில் ஒன்றான ரெக்கரிங் டெபாசிட் (Post Office Recurring Deposit) திட்டத்தில் மாதம் தோறும் குறிப்பிட்ட தொகையை முதலீடு செய்தால் 5 வருடங்களில் திரும்ப கிடைக்கும் தொகையை பற்றி பார்க்கலாம்.

Post Office Recurring Deposit

தபால் நிலையத்தின் திட்டங்களில் சிறந்த வருமானத்தை தரும் திட்டங்களில் ஒன்று தான் ரெக்கரிங் டெபாசிட் (Post Office Recurring Deposit) சேமிப்பு திட்டம். இந்த திட்டத்தில் நீங்கள் மிக குறைந்த தொகையில் இருந்தே சேமிப்பை தொடங்கலாம்.

முக்கியமாக, இந்த திட்டத்தில் உங்களது பணம் பாதுகாப்பாக இருக்கும். இந்த திட்டத்தில் ரூ.100 மற்றும் அதற்கு மேல் (ரூ. 10 இன் மடங்குகளில்) மாதாந்திர முதலீடுகளை செலுத்தலாம்.

Recurring Deposit கணக்குக்கான கால வரம்பு 5 ஆண்டுகள் ஆகும். ஒவ்வொரு காலாண்டு முடியும் போது கூட்டு வட்டியுடன் உங்களது கணக்கில் சேர்க்கப்படும். இந்த திட்டத்தில் 6.7% வட்டி (Interest) வழங்கப்படுகிறது.

மாதம் ரூ.5000 முதலீடு

தபால் அலுவலக RD -ல் ஐந்து ஆண்டுகளுக்கு (60 மாதங்கள்) மாதம் ரூ.5,000 முதலீடு செய்தால், மொத்த வைப்புத்தொகை ரூ.3,00,000 ஆகவும், பெறப்பட்ட வட்டி ரூ.56,830 ஆகவும் இருக்கும். இதன்படி, உங்கள் மொத்த முதிர்வுத் தொகை ரூ.3,56,830 ஆக கிடைக்கும்.

மாதம் ரூ.10,000 முதலீடு

தபால் அலுவலக RD -ல் ஐந்து ஆண்டுகளுக்கு (60 மாதங்கள்) மாதம் ரூ.10,000 முதலீடு செய்தால், மொத்த வைப்புத்தொகை ரூ.6,00,000 ஆகவும், பெறப்பட்ட வட்டி ரூ.1,13,659 ஆகவும் இருக்கும். இதன்படி, உங்கள் மொத்த முதிர்வுத் தொகை ரூ.7,13,659 ஆக கிடைக்கும்.

SBI வங்கியில் ரூ.30 லட்சத்திற்கு Home Loan வாங்கினால்.., 30 ஆண்டுகளுக்கு மாத EMI எவ்வளவு?

மாதம் ரூ.15,000 முதலீடு

தபால் அலுவலக RD -ல் ஐந்து ஆண்டுகளுக்கு (60 மாதங்கள்) மாதம் ரூ.15,000 முதலீடு செய்தால், மொத்த வைப்புத்தொகை ரூ.9,00,000 ஆகவும், பெறப்பட்ட வட்டி ரூ.1,70,492 ஆகவும் இருக்கும். இதன்படி, உங்கள் மொத்த முதிர்வுத் தொகை ரூ.10,70,492 ஆக கிடைக்கும்.