லங்காசிறி FM
ஹார்முஸ் நீரிணையில் மேலும் சில கப்பல்களை கருப்புப் பட்டியலில் சேர்த்த ஈரான்
Iran blacklists more ships in Hormuz Strait: ஹார்முஸ் நீரிணையில் மேலும் சில கப்பல்களை கருப்புப் பட்டியலில் ஈரான் சேர்த்துள்ளது.
மேலும் 11 கப்பல்கள்
ஈரான் அரசு, ஹார்முஸ் நீரிணையில் விதிகளை மீறி பயணம் செய்ய முயன்ற மேலும் 11 கப்பல்களை கருப்புப் பட்டியலில் சேர்த்துள்ளது. இதனால் மொத்தம் 56 கப்பல்கள் தற்போது ஈரானின் தடைக்கு உட்பட்டுள்ளன.
கருப்புப் பட்டியல்
ஈரான், ஆகஸ்ட் 24 அன்று 45 எண்ணெய் டாங்கர்களை விதிமீறலுக்காக கருப்புப் பட்டியலில் சேர்த்ததாக அறிவித்தது.
இப்போது புதிதாக சேர்க்கப்பட்ட கப்பல்களில் மிகப்பெரிய கச்சா எண்ணெய் கப்பல்கள், எல்.என்.ஜி (Liquefied Natural Gas) மற்றும் எல்.பி.ஜி (Liquefied Petroleum Gas) கப்பல்கள், சுத்திகரிக்கப்பட்ட எண்ணெய் பொருட்கள் ஏற்றிச் செல்லும் கப்பல்கள் ஆகியவை அடங்கும்.
ஈரான் அரசு, “கருப்புப் பட்டியலில் உள்ள கப்பல்களுடன் இணைந்து செயல்படும் எந்தக் கப்பலும் (எ.கா. STS oil transfers, transshipment) தானாகவே பட்டியலில் சேர்க்கப்படும்” என எச்சரித்துள்ளது.
பட்டியலில் இருந்து நீக்கப்பட விரும்பும் கப்பல்கள், அதிகாரப்பூர்வ விண்ணப்பம் மற்றும் காரணங்களை சமர்ப்பிக்க வேண்டும் எனவும் அறிவிக்கப்பட்டுள்ளது.
இந்த நடவடிக்கை, ஹார்முஸ் நீரிணையில் எண்ணெய் ஏற்றுமதி முயற்சிகளை மேலும் சிரமப்படுத்தும்.
உலகளாவிய எண்ணெய் மற்றும் எரிவாயு போக்குவரத்தின் சுமார் 20 சதவீதம் இந்த கடல்சாலையின் வழியாக நடந்தது. ஆனால் அமெரிக்கா மற்றும் இஸ்ரேல் தாக்குதல்களால் தொடங்கிய போரின் பின்னர், போக்குவரத்து பெருமளவில் குறைந்துள்ளது.
ஈரான் அமைத்துள்ள “Persian Gulf Strait Authority (PGSA)” மீது அமெரிக்கா மே மாதத்தில் தடைகள் விதித்துள்ளது. இதனால் அந்த அமைப்புடன் தொடர்பு கொள்ளும் எந்த நிறுவனமும் அமெரிக்க நிதியமைப்பின் சொத்து முடக்கம் போன்ற பிரச்சனைகளை சந்திக்க நேரிடும்.
இந்த புதிய நடவடிக்கை, உலக எரிசக்தி சந்தையில் மேலும் பதற்றத்தை ஏற்படுத்தும் என வல்லுநர்கள் எச்சரிக்கின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு 8ம் வட்டாரம், Büren an der Aare, Switzerland
29 Aug, 2026
