உலகமே வியக்கும்... இன்னொரு போருக்குத் தயாராகும் ஈரானின் தளபதிகள்

Iran’s commanders prepare for further war: ஈரானின் தளபதிகள் மேலும் ஒரு போருக்குத் தயாராகின்றனர்.

ஈரான், அமெரிக்காவுடன் மற்றொரு சுற்றுப் போருக்குத் தயாராகி வருவதற்கான அறிகுறிகளை வெளிப்படுத்தியுள்ளதுடன், அமெரிக்காவுக்கும் அதன் கூட்டாளிகளுக்கும் எதிராக பகிரங்கமாக அச்சுறுத்தல்களையும் விடுத்துள்ளது.

புதிய ஆயுதங்களின்

தற்போதைய மோதலை மீண்டும் தொடங்குவதிலிருந்து ஜனாதிபதி டொனால்ட் ட்ரம்பைத் தடுக்கும் முயற்சியாக இருக்கலாம் என்றும் கூறப்படுகிறது.

கடந்த ஒரு மாதமாக, ஈரானிய இராணுவத் தளபதிகள் பொதுவெளியில் தொடர்ச்சியான கருத்துகளை வெளியிட்டு வருகின்றனர். பிப்ரவரி மாதம் தொடங்கிய விரோதப் போக்குகளை அமெரிக்கா மீண்டும் தொடரும் பட்சத்தில், பிராந்தியத்திற்கு அப்பால் உள்ள இலக்குகளைத் தாக்குவதற்குத் தயாராக இருக்கும் வகையில், புதிய ஆயுதங்களின் பெரும் கையிருப்பை ஈரான் உருவாக்கியுள்ளதாக அவர்கள் அதில் குறிப்பிட்டுள்ளனர்.

மோதல் மீண்டும் தொடர்ந்தால், கடலடி இணையக் கேபிள்களைத் துண்டிப்பது, ஏஐ தரவு மையங்கள் மீது தாக்குதல் நடத்துவது, மற்றும் பிராந்திய எண்ணெய், எரிவாயு வசதிகள் மீது தாக்குதல் நடத்துவது உள்ளிட்ட இலக்குகளை விரிவுபடுத்துவோம் என ஈரான் அதிகாரிகள் எச்சரித்துள்ளனர்.

பிரான்சில் அமைதியின்மைக்கு அவர்களே காரணம்... புலம்பெயர்ந்தோர் மீது பழி போடும் ட்ரம்ப்

இந்த நிலையில், ஈரானின் புரட்சிகரக் காவலர் படையின் செய்தித் தொடர்பாளர் ஹொசைன் மொஹெப்பி கடந்த மாத இறுதியில் குறிப்பிடுகையில், தங்களின் புதிய நகர்வுகளால் உலகமே வியந்து போகும் என்று தெரிவித்தார்.

மேலும், இன்னும் தாக்கப்படாத புதிய இலக்குகளை நாங்கள் அடையாளப்படுத்தியுள்ளோம் என்றும் அவர் கூறியிருந்தார். மூன்றே நாட்களில் உக்ரைனை முடித்து விடுவதாக் கிளம்பிய ரஷ்யப் படைகள் நான்கு வருடங்களாக அங்கே போரிட்டு வருவதுபோன்று,

அமெரிக்காவும் இஸ்ரேலும் ஈரானுக்கு எதிராகப் போரைத் தொடங்கி ஏறக்குறைய ஒன்பது மாதங்கள் கடந்துள்ள நிலையில், இந்த மோதல் ஒரு தேக்கநிலையை எட்டியுள்ளது.

இதனால், ட்ரம்ப்பின் இறுதி இலக்கு என்ன என்பது குறித்து அனைவரும் நிச்சயமற்ற நிலையில் இருப்பதோடு, ஒட்டுமொத்த உலகமும் பொருளாதாரக் கொந்தளிப்பை எதிர்கொண்டு வருகிறது.

இரு தரப்பினரும் தாங்களே வெற்றி பெற்றதாகக் கூறிக்கொண்டுள்ளனர்; ஈரான் தாங்கள் பிழைத்திருப்பதைச் சுட்டிக்காட்ட, அமெரிக்காவோ ஈரானிய ஆட்சிக்கு ஏற்படுத்தப்பட்ட சேதத்தைச் சுட்டிக்காட்டுகிறது.

போரின் நேரடி விளைவு

இதற்கிடையில், ட்ரம்ப் நிர்வாகம் ஈரானை சரணடைய கட்டாயப்படுத்த புதிய பொருளாதார மற்றும் இராணுவ நடவடிக்கைகளை தொடர்ந்து சோதித்து வருகிறது, அதை ஈரான் பிடிவாதமாக எதிர்த்து வருகிறது.

ஈரானின் தளபதிகள் வலிமையையும் தயார்நிலையையும் வெளிப்படுத்திக்கொண்டிருக்கும் வேளையில், நீண்டகாலமாக மோதல்களாலும் பொருளாதார நிச்சயமற்ற தன்மையாலும் அவதிப்பட்டு வரும் சாதாரண ஈரானிய மக்கள், போரின் நேரடி விளைவுகளை எதிர்கொள்ள மீண்டும் தங்களைத் தயார்படுத்திக்கொள்கின்றனர்.

இந்த நிலையில், இஸ்ரேல் தேர்தல் பின்னணியில், கடந்த சில வாரங்களாக, ஈரானுக்கான பல்வேறு திட்டங்களைப் பற்றி விவாதிக்க வெள்ளை மாளிகையின் ஆலோசகர்கள் கூட்டங்களை நடத்தினர்.

நவம்பரில் இடைத்தேர்தலுக்கு முன்பு புதிய போர் நடவடிக்கைகள் எதுவும் எடுக்கப் போவதில்லை என ட்ரம்ப் பகிரங்கமாக அறிவித்தபோதிலும், ட்ரம்பின் கருத்துகள் எந்த நேரத்திலும் மாறக் கூடியவை என்றே கூறுகின்றனர்.

ஈரானின் எரிசக்தி உள்கட்டமைப்பு மற்றும் அணுசக்தி தளங்களை உக்கிரமாகத் தாக்கும் திட்டங்களை அமெரிக்க இராணுவம் வகுத்து வருகிறது. அப்படியான ஒரு நகர்வுக்கு ட்ரம்ப் அனுமதி அளித்தால், அது மிகப்பெரிய அதிர்வலைகளை மத்திய கிழக்கில் உருவாக்கும் என்றே அஞ்சப்படுகிறது.

ஈரான் ஒரு புதிய, அதிக ஆக்ரோஷமான ராணுவக் கோட்பாட்டைச் சுட்டிக்காட்டியுள்ளது; இதன்படி, தம்மீது தாக்குதல் நடத்தப்படும் வரை காத்திருக்காமல், முன்கூட்டியே தாக்குதல்களை (pre-emptive strikes) மேற்கொள்ளவும் ஈரான் தயங்காது என்று தெரிகிறது.

ஈரானிய தளபதிகள், தவிர்க்க முடியாதது எனக் கருதும் போர் மீண்டும் தொடங்குவதற்குத் தயாராகி வரும் அதே வேளையில், ஓர் தாக்குதலின் விளைவுகளை முன்னிலைப்படுத்துவதன் மூலம் அமெரிக்காவைத் தடுக்கவும் முயற்சிக்கின்றனர்.

மட்டுமின்றி, அடுத்த கட்ட மோதல் மிகவும் பரந்த களத்தில், குறைவான கட்டுப்பாடுகளுடன், மேலும் அதிக உயிரிழப்புகளை ஏற்படுத்தக்கூடிய விளைவுகளுடன் அமையும் என்பதையும் ஈரான் தெளிவுபடுத்த விரும்புகிறது.