இராணுவ, அணு தளங்களைப் பழுது பார்க்கும் ஈரான்- வெளியான ஆதாரம்

United States of America Israel Iran Iran Nuclear Sites

By Ragavan Feb 18, 2026 11:51 PM GMT

Ragavan

in சர்வதேசம்

Report

ஈரான் தனது முக்கியமான இராணுவ மற்றும் அணு தளங்களில் பழுது பார்த்து, பாதுகாப்பு நடவடிக்கைகளை மேற்கொண்டு வருவதை, சமீபத்தில் வெளியான செயற்கைக்கோள் படங்கள் வெளிப்படுத்துகின்றன.

2024-இல் இஸ்ரேல் தாக்கிய பார்சின் இராணுவத் தளத்தில், புதிய கட்டிடங்கள் எழுப்பப்பட்டு, அவை கான்கிரீட் மூடுபடலத்தால் மறைக்கப்பட்டுள்ளன.

இது “அணு ஆயுத பரிசோதனைகளுக்கான உயர் வெடிப்பு containment vessel” ஆக இருக்கக்கூடும் என நிபுணர்கள் கூறுகின்றனர்.

அதேபோல், இஸ்பஹான் அணு வளாகத்தில் உள்ள சுரங்க நுழைவுகள் அனைத்தும் மண்ணால் மூடப்பட்டுள்ளன. இது, விமானத் தாக்குதல்களைத் தடுக்கவும், சிறப்பு படையினர் நுழைவதை கடினமாக்கவும் உதவும் என ஆய்வாளர்கள் விளக்குகின்றனர்.

நடன்ஸ் அருகே உள்ள Pickaxe Mountain பகுதியில், சுரங்க நுழைவுகள் கான்கிரீட் மற்றும் கனரக உபகரணங்களால் வலுப்படுத்தப்பட்டுள்ளன. இது, ஈரான் தனது யூரேனியம் செறிவூட்டும் திட்டங்களை பாதுகாக்கும் முயற்சியாகக் கருதப்படுகிறது.

மேலும், ஷிராஸ் தெற்கு ஏவுகணை தளம் மற்றும் கோம் ஏவுகணை தளம் ஆகிய இடங்களில், கடந்த ஆண்டின் தாக்குதலால் சேதமடைந்த கட்டிடங்கள் பழுது பார்க்கப்பட்டு, புதிய கூரைகள் அமைக்கப்பட்டுள்ளன.

இந்த நடவடிக்கைகள், அமெரிக்கா-இஸ்ரேல் அழுத்தம் அதிகரிக்கும் சூழலில், ஈரான் தனது முக்கியமான இராணுவ மற்றும் அணு தளங்களை விமானத் தாக்குதல்களிலிருந்து பாதுகாக்கும் முயற்சியாக பார்க்கப்படுகின்றன.