தேர்தல் தோல்வியுடன்... ட்ரம்பின் மூக்குடைக்க அதிரடியாகக் காய் நகர்த்தும் ஈரான்

Iran aims to humiliate Trump: ட்ரம்பை அவமானப்படுத்துவதே ஈரானின் நோக்கம்.

ஹார்முஸ் நீரிணை வழியாகச் செல்லும் கப்பல்களைக் குறிவைப்பன் ஊடாக, டொனால்ட் ட்ரம்பை அவமானப்படுத்தவும், இடைக்காலத் தேர்தலில் அவரது தோல்வியை உறுதி செய்யவும் ஈரான் காய் நகர்த்துவதாக தகவல் வெளியாகியுள்ளது.

மில்லியன் கணக்கான

நவம்பர் 3 ஆம் திகதிக்கு முன்னதாக, ஈரான் அரசு எண்ணெய் விலைகளை உயர்வாக வைத்திருக்க முயற்சித்து வருகிறது.

அன்று, பிரதிநிதிகள் சபை மற்றும் செனட் சபையின் கட்டுப்பாட்டையும், அத்துடன் 36 மாகாணங்களின் ஆளுநர் பதவிகளையும் தீர்மானிப்பதற்காக மில்லியன் கணக்கான அமெரிக்கர்கள் வாக்களிக்க உள்ளனர்.

பிப்ரவரி 28 அன்று அமெரிக்காவும் இஸ்ரேலும் ஈரான் மீது தாக்குதல்களைத் தொடங்கியதிலிருந்து, ஈரான் ஹார்முஸ் நீரிணையின் மீது தனது கட்டுப்பாட்டை நிலைநாட்ட முயன்று வருகிறது.

மட்டுமின்றி, அச்சுறுத்தல்களும் தாக்குதல்களும் அந்த நீரிணை வழியாகச் செல்லும் போக்குவரத்தை வெகுவாகக் குறைத்து, கச்சா எண்ணெய் விலையை உயர்த்தியுள்ளன; இருப்பினும், ஒரு குறிப்பிட்ட அளவு எண்ணெய் தொடர்ந்து அப்பகுதி வழியாக வெளியேறி வருகிறது.

போர் வெறியுடன் இஸ்ரேல்... நெதன்யாகுவுக்கு சவுதி பட்டத்து இளவரசரின் பதில்

இந்த நிலையில், தனது கட்டுப்பாடுகளை மீறுவதாகக் கருதிய கப்பல்களுக்கு எதிராக, ஈரான் சுமார் 10 நாட்களுக்கு முன்பு பல்வேறு தாக்குதல் உத்திகளைப் பயன்படுத்தத் தொடங்கியதாகவும், இது அத்தகைய கப்பல்கள் மீதான தாக்குதல்கள் அதிகரிக்க வழிவகுத்ததாகவும் தெரிவிக்கப்பட்டுள்ளது.

அமெரிக்கத் தேர்தலின் முடிவில் தாக்கத்தை ஏற்படுத்துவதை ஒரு நோக்கமாகக் கொண்டு, தாக்குதல்களின் வகையிலும் வேகத்திலும் மாற்றத்தை ஏற்படுத்துவது ஈரானின் புதிய உத்தியில் அடங்கும் என்றே கூறுகின்றனர்.

உலக எண்ணெய் விலையைக் குறைக்க அமெரிக்கா மற்றும் அதன் நட்பு நாடுகளின் முயற்சிகளை முறியடிப்பதே இதன் நோக்கம் எனவும் ஈரான் தரப்பு அதிகாரிகளில் ஒருவர் ராய்ட்டர்ஸிடம் தெரிவித்துள்ளார்.

ட்ரம்பிற்கு எதிரான இந்தப் புதிய உத்தியைக் கையாள்வதற்கான முடிவு ஈரானின் உயர்மட்டத் தலைமையால் எடுக்கப்பட்டது என்றும், நாட்டின் ஆளும் கட்டமைப்பு முழுவதும் அது முழுமையாக ஒருங்கிணைக்கப்பட்டது என்றும் அதிகாரிகள் தெரிவித்துள்ளனர்.

ஈரான் தனது உத்திகளில் ஒரு முக்கிய மாற்றத்தைச் செய்துள்ளதை அமெரிக்க ராணுவ அதிகாரி ஒருவரும் உறுதிப்படுத்தியுள்ளார். அமெரிக்கா ஈரானின் ரேடார் திறன்களில் பெரும்பகுதியை அழித்த பிறகு, அமெரிக்கக் கடற்படைக் கப்பல்கள் உள்ளிட்ட சாத்தியமான இலக்குகளை அடையாளம் காண, ஈரானின் இஸ்லாமிய புரட்சிகரப் படை (IRGC) சிறிய படகுகளில் ஆயுதமற்ற கண்காணிப்பாளர்களப் பயன்படுத்தத் தொடங்கியுள்ளது.

அடுத்தகட்ட நடவடிக்கை

கடந்த வாரம், ஈரானிய உளவுப்படை ஒரு படகில் இருந்துகொண்டு, ஐ.ஆர்.ஜி.சி-க்கு இலக்குகளைத் தகவல் தெரிவித்து வந்ததை அமெரிக்க இராணுவம் கண்டறிந்தது.

மாதம் 3 பில்லியன் டொலர் செலவை ஏற்படுத்தும் இப்போர் நவம்பரில் நடைபெறவுள்ள இடைக்காலத் தேர்தல்களுக்கான அமெரிக்கப் பிரச்சாரத்தில் ஒரு முக்கிய விவகாரமாக மாறியுள்ளது; இத்தேர்தல்களே நாடாளுமன்றத்தின் (காங்கிரஸின்) கட்டுப்பாட்டைத் தீர்மானிக்கவுள்ளன.

ஈரான் விவகாரத்தில் அடுத்தகட்ட நடவடிக்கைகள் குறித்து அமெரிக்க ஜனாதிபதி பரிசீலித்து வருகிறார்; ஆனால், வாக்கெடுப்புக்கு முன்னதாக மீண்டும் தாக்குதல் நடத்தப்போவதில்லை என்று அவர் கூறியுள்ளார்.

இதற்கிடையில், மோதலை முடிவுக்குக் கொண்டுவருவதற்கான ஒப்பந்தத்தை எட்ட ஈரான் மீது பொருளாதார அழுத்தத்தை அதிகரிக்கும் முயற்சியாக, ஈரான் துறைமுகங்கள் மீதான தனது சொந்தக் கடற்படை முற்றுகையை அமெரிக்கா தீவிரப்படுத்தி வருவதுடன், தடைகளையும் விரிவுபடுத்தி வருகிறது.