லங்காசிறி FM
எங்களுக்கு முன் ஹமாஸ் காஸா தலைவரை கண்டுபிடித்து கொல்லுங்கள்., பாலஸ்தீன மக்களுக்கு இஸ்ரேல் அழைப்பு
ஹமாஸின் காஸா தலைவர் யாஹ்யா சின்வாரை (Yahya Sinwar) கண்டுபிடித்து கொல்ல காஸாவில் உள்ள பாலஸ்தீன மக்களுக்கு இஸ்ரேல் அழைப்பு விடுத்துள்ளது.
ஹமாஸ் காஸா தலைவர் யாஹ்யா சின்வாரை தங்கள் ராணுவம் வேட்டையாடி ஒழிக்கும் என்று இஸ்ரேல் பாதுகாப்பு அமைச்சர் யோவ் கேலன்ட் கூறினார். ஆனால், அதற்கு முன்னதாக காஸா மக்கள் அவரைக் கண்டுபிடிக்க முடிந்தால், அவர்கள் அவரைக் கொல்ல வேண்டும், அப்போது தான் போர் விரைவில் முடிவுக்கு வரும் என்று அவர் கூறினார்.
ஹமாஸ் பயங்கரவாதிகள் சுரங்கப்பாதைகளுக்குள் தப்பிச் செல்வதைத் தடுக்கவும், படைவீரர்களைத் தாக்க நிர்ப்பந்திக்கவும் இஸ்ரேலிய இராணுவம் காலாட்படை மற்றும் டாங்கிகளைப் பயன்படுத்தியபோது அவர் இந்தக் கருத்துக்களை வெளியிட்டார்.
இஸ்ரேலிய இராணுவம் ஹமாஸின் ஒவ்வொரு பட்டாலியனையும் அழித்து வருவதாகவும், வடக்கு மற்றும் தெற்கிலிருந்து காசா நகரில் உள்ள பயங்கரவாத மையங்களை தாக்குவதாகவும் கேலண்ட் கூறினார். யுத்தம் முடிவடையும் போது காஸாவில் இருந்து இஸ்ரேலுக்கு பாதுகாப்பு அச்சுறுத்தல் இருக்காது என இஸ்ரேல் அமைச்சர் தெரிவித்துள்ளார்.
'காஸாவில் இனி ஹமாஸ் இருக்காது, மேலும் காஸாவில் அச்சுறுத்தல்களுடன் தலை தூக்கும் எவருக்கும் எதிராக எந்தவொரு பாதுகாப்பு நடவடிக்கைகளையும் எடுக்க இஸ்ரேலுக்கு முற்றிலும் சுதந்திரம் உள்ளது' என்று அவர் கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Israel Defence Minister Yoav Gallant, Hamas Gaza chief Yahya Sinwar, Israel Hamas War Latest Updates, Israel Palestine War
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
