ஈரானின் ராணுவம் பலம்... குவித்து வைத்திருக்கும் ஆயுதங்கள்: இஸ்ரேலை முந்துமா?
இஸ்ரேல் மற்றும் ஈரான் இடையேயான போர்ச் சூழல் அதிகரித்துவரும் நிலையில் அந்த இரு நாடுகளின் ராணுவம் பலம் குறித்து விவாதிக்கப்பட்டு வருகிறது.
இதுவே முதல் முறை
சிரியாவின் டமாஸ்கஸ் நகரில் துணைத் தூதரகம் மீது வான் தாக்குதல் முன்னெடுக்கப்பட்டதை அடுத்து, 12 நாட்கள் பொறுத்திருந்த ஈரான் சனிக்கிழமை திடீரென்று இஸ்ரேல் மீது பலத்த தாக்குதலை தொடுத்தது.
எதிரி நாடு மீது ஈரான் நேரடியாக தாக்குதல் தொடுப்பது இதுவே முதல் முறை. ஆனால் பதிலடிக்கு முயன்றால் 10 மடங்கு பலத்துடன் திருப்பி அடிப்போம் என்றும் இஸ்ரேலுக்கு ஈரான் மிரட்டல் விடுத்துள்ளது.
பழி தீர்ப்பது உறுதி என இஸ்ரேல் கூறி வந்தாலும், அமெரிக்காவுக்கு இதில் உடன்பாடில்லை என்பதால், இஸ்ரேல் அடக்கி வாசிப்பதாகவே கூறப்படுகிறது. இந்த நிலையில் இரு நாடுகலின் தற்போதைய ராணுவ பலம் குறித்து விவாதிக்கப்பட்டு வருகிறது.
ஈரான் ஒவ்வொரு ஆண்டும் சுமார் 10 பில்லியன் டொலர் தொகையை பாதுகாப்புக்கு என செலவிடுகிறது. இஸ்ரேல் சுமார் 24 பில்லியன் டொலர் தொகையை செலவிடுகிறது.
பாதுகாப்பு அச்சுறுத்தல்
ஈரானிடம் இருக்கும் போர் விமானங்கள் எண்ணிக்கை 551. இஸ்ரேலிடம் 612 உள்ளது. செயற்படும் ராணுவ வீரர்கள் எண்ணிக்கை ஈரானிடம் 575,000 என்றும் இருப்பில் 350,000 எண்ணிக்கையில் வீரர்கள் உள்ளனர்.
ஆனால் இஸ்ரேலிடம் செயற்படும் வீரர்கள் 173,000 என்றும் இருப்பில் 465,000 வீரர்கள் என்றும் கூறப்படுகிறது. ஈரானிடம் இருக்கும் ராணுவ டாங்கிகள் எண்ணிக்கை 4,071, இஸ்ரேலிடம் 2,200.
ஆயுதம்தாங்கி வாகனங்கள் எண்ணிக்கை ஈரானிடம் 65,000, இஸ்ரேலிடம் 43,000. ஈரானிடம் இருக்கும் போர் கப்பல்கள் 101, இஸ்ரேலிடம் 67 என்றே தெரிய வருகிறது.
ஆனால் இஸ்ரேலுக்கு உதவி தேவை என்றால் பிரித்தானியா, அமெரிக்கா போன்ற நாடுகள் களத்தில் இறங்கும் என்பதால், அந்த நாட்டிற்கு பாதுகாப்பு அச்சுறுத்தல் என்பது குறைவு தான். சனிக்கிழமை ஈரான் தொடுத்த தாக்குதலை முறியடிக்க, பிரித்தானிய போர் விமானங்களும் களமிறங்கின என்பது குறிப்பிடத்தக்கது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |