வெளியேற முடியாத மனிதாபிமான நகரம்... மொத்த காஸா மக்களையும்: இஸ்ரேலின் பகீர் திட்டம்

காஸாவில் உள்ள மொத்த பாலஸ்தீனியர்களையும் கட்டாயப்படுத்தி உருக்குலைந்துள்ள ரஃபா நகரில் அமைக்கப்படும் ஒரு முகாமில் தங்க வைக்க இஸ்ரேலின் பாதுகாப்பு அமைச்சர் திட்டம் வகுத்துள்ளார்.

வெளியேற அனுமதிக்கப்பட மாட்டார்கள்

குறித்த திட்டமானது மனிதகுலத்திற்கு எதிரான குற்றங்களுக்கான ஒரு வரைபடமாக சட்ட வல்லுநர்களும் கல்வியாளர்களும் விவரிக்கின்றனர். மனிதாபிமான நகரம் என்ற பெயரில் ஒரு முகாமை நிறுவுவதற்குத் தயாராகும்படி இஸ்ரேல் இராணுவத்திற்கு உத்தரவிட்டுள்ளதாக அமைச்சர் இஸ்ரேல் காட்ஸ் தெரிவித்துள்ளார்.

பாலஸ்தீனியர்கள் அந்த முகாம் உள்ளே நுழைவதற்கு முன்பு பாதுகாப்பு சோதனைக்கு உட்படுத்தப்படுவார்கள், உள்ளே நுழைந்ததும் வெளியேற அனுமதிக்கப்பட மாட்டார்கள் என்று காட்ஸ் கூறினார்.

இஸ்ரேலியப் படைகள் அந்த இடத்தின் சுற்றளவைக் கட்டுப்படுத்தி, ஆரம்பத்தில் 600,000 பாலஸ்தீனியர்களை அந்தப் பகுதிக்குள் நகர்த்த திட்டமிட்டுள்ளனர். இறுதியில் காஸாவின் மொத்த மக்களும் அங்கு தங்க வைக்கப்படுவார்கள், மேலும் இஸ்ரேல் குடியேற்றத் திட்டத்தை செயல்படுத்துவதை நோக்கமாகக் கொண்டுள்ளது.

இந்த ஆண்டின் தொடக்கத்தில் ஜனாதிபதி ட்ரம்ப், காஸா பகுதியை சுத்தப்படுத்த அங்கே எஞ்சியுள்ள பாலஸ்தீனியர்கள் காஸாவை விட்டு வெளியேற வேண்டும் என்று பரிந்துரைத்ததிலிருந்து, பிரதமர் பெஞ்சமின் நெதன்யாகு உள்ளிட்ட இஸ்ரேலிய அரசியல்வாதிகள் கட்டாய நாடுகடத்தலை உற்சாகமாக ஊக்குவித்து வந்துள்ளனர்.

ஒருமித்த கருத்தாகக் கருத முடியாது

அமைச்சர் காட்ஸ் முன்வைக்கும் இந்த திட்டம் சர்வதேச சட்டத்திற்கு எதிரானது என்றே இஸ்ரேலின் முன்னணி மனித உரிமை சட்டத்தரணிகளில் ஒருவர் குறிப்பிட்டுள்ளார்.

காஸாவில் உள்ள மக்கள் பல கட்டாய நடவடிக்கைகளுக்கு உள்ளாகியுள்ளனர், அந்த பகுதியிலிருந்து எந்த விலகலையும் சட்டப்பூர்வமாக ஒருமித்த கருத்தாகக் கருத முடியாது. 

மேலும், பாலஸ்தீனியர்களை ஏற்றுக்கொள்ள விரும்பும் நாடுகளைக் கண்டறியும் முயற்சிகளுக்கு நெதன்யாகு தலைமை தாங்குகிறார். மட்டுமின்றி, இராணுவ நெருக்கடிகளால், பாலஸ்தீனியர்களை இடம்பெயரச் செய்யும் இஸ்ரேலின் திட்டங்கள் குறித்த கவலைகள் முன்னர் எழுப்பப்பட்டன.

தற்போது காஸாவின் இன அழிப்புக்கான தெளிவான திட்டங்களை பாதுகாப்பு அமைச்சர் வகுத்துள்ளார் என்றே பரவலாக குற்றச்சாட்டுகள் எழுந்துள்ளன.