இஸ்ரேலியர்கள் முற்றுகை... பாலஸ்தீனியர்கள் வீடுகளில் இருந்து வலுக்கட்டாயமாக வெளியேற்றம்

Israeli settlers besieged houses: இஸ்ரேலிய குடியேறிகள் முற்றுகையிட்ட கிராமத்தில், பாலஸ்தீனியர்கள் தங்கள் வீடுகளை விட்டு வெளியேறும்படி அறிவுறுத்தப்பட்டனர்.

ஆக்கிரமிக்கப்பட்ட மேற்குக் கரையில் உள்ள ஒரு கிராமத்தில், சுமார் ஒரு டசின் பாலஸ்தீனக் குடும்பங்கள் தங்கள் குடியிருப்புகளை விட்டு வெளியேறுமாறு அறிவுறுத்தப்பட்டன.

ராணுவப் பகுதியாக

இஸ்ரேலியக் குடியேறிகளை வெளியேற்றுவதற்கான இஸ்ரேலிய ராணுவ நடவடிக்கையின் ஒருபகுதி என்றே விளக்கமளிக்கப்பட்டுள்ளது. ஞாயிற்றுக்கிழமை முதல், அப்பகுதியில் உள்ள மூன்று வீடுகளில் வசிப்பவர்களைக் குடியேறிகள் முற்றுகையிட்டு, அவர்களின் மின்சாரம் மற்றும் குடிநீர் விநியோகத்தைத் துண்டித்திருந்தனர்.

குஸ்ரா மேயர் அப்தெல் அசிம் வாடி தெரிவிக்கையில், அவரது கிராமம் தடைசெய்யப்பட்ட ராணுவப் பகுதியாக அறிவிக்கப்பட்டுள்ளது என்றும், காலி செய்யப்பட்ட சில பாலஸ்தீனிய வீடுகளை இஸ்ரேலியப் படைகள் ராணுவத் தங்குமிடங்களாகப் பயன்படுத்தி வருவதாகவும் கூறியுள்ளார்.

ஆனால் குடிமக்களைப் பாதுகாப்பதே நோக்கம் என்று இஸ்ரேலிய ராணுவம் கூறியது. இந்த நிலையில், குடியேறிகளின் செயல் கண்டிக்கத்தக்கதும் ஏற்றுக்கொள்ள முடியாததும் ஆகும்; இதற்குப் பொறுப்பானவர்களை அரசு விசாரித்து கைது செய்யும் என இஸ்ரேல் செய்தித்தொடர்பாளர் தெரிவித்துள்ளார்.

தற்போதைய இஸ்ரேலிய அரசாங்கத்தின் கீழ் குடியேற்றங்கள் வேகமாக விரிவடைந்து வருவதால், குடியேறிகள் தைரியம் அடைந்துள்ளனர். இதன் விளைவாக, அவர்கள் பாலஸ்தீனியர்களை அவர்களின் நிலங்களிலிருந்து விரட்டியடிக்க முயற்சிப்பதால், குடியேறிகளின் வன்முறை வியத்தகு அளவில் அதிகரித்துள்ளது.

சர்வதேச சட்டத்தின் கீழ் அனைத்துக் குடியேற்றங்களும் சட்டவிரோதமானவை என அடையாளப்படுத்தப் பட்டாலும், இஸ்ரேல் அரசாங்கம் தொடர்ந்து ஊக்குவித்து வருகிறது.

சூறையாடப்பட்ட நிலை

கிராமத்தின் பிற பகுதிகளில், மேலும் 11 வீடுகளில் வசிப்பவர்களையும் வெளியேறுமாறு இஸ்ரேல் ராணுவம் அறிவுறுத்தியிருந்தது. பாலஸ்தீன மக்களை வீடுகளில் இருந்து வெளியேற்றும் ராணுவம், பின்னர் மொத்தமாக சூறையாடப்பட்ட நிலையிலேயே வீடுகளை மீண்டும் ஒப்படைப்பதாக கூறுகின்றனர்.

ஒருவர் தமது வீட்டில் இருந்த 1,500 டொலர் தொகை திருடு போனதையும் குறிப்பிட்டுள்ளார். ஆனால், இஸ்ரேல் ராணுவம் இந்தக் குற்றச்சாட்டுகளுக்கு விளக்கமளிக்க முன்வரவில்லை.

ஐ.நா.வின் புள்ளிவிவரங்களின்படி, இந்த ஆண்டு மேற்குக் கரையில் இஸ்ரேலியப் படைகளாலோ அல்லது குடியேறிகளாலோ 18 குழந்தைகள் உட்பட 76 பாலஸ்தீனியர்கள் கொல்லப்பட்டுள்ளனர்.

பிரித்தானியாவில் பதிவாகியுள்ள இந்த ஆண்டின் மிக வெப்பமான நாள்: அம்பர் எச்சரிக்கை விடுப்பு

அதே நேரத்தில், மேற்குக் கரையில் பாலஸ்தீனியர்களுடனான மோதல்களிலும், ஒரு பாலஸ்தீனியர் நடத்தியதாகக் கூறப்படும் வாகன மோதல் தாக்குதலிலும், மூன்று இஸ்ரேலியர்கள் கொல்லப்பட்டனர்.

2023 ஜனவரி முதல், மேற்குக் கரையில் உள்ள 127 பாலஸ்தீனிய சமூகங்கள் முழுமையாகவோ அல்லது பகுதியாகவோ இடம்பெயர்ந்துள்ளன; இதில் 47 சமூகங்கள் முற்றிலுமாக இடம்பெயர்ந்துள்ளன.

இதனால் 6,390-க்கும் மேற்பட்ட பாலஸ்தீனியர்கள் பாதிக்கப்பட்டுள்ளனர் என்று ஐ.நா. தெரிவிக்கிறது. குடியேற்றக்காரர்களின் வன்முறை, இடிப்புப் பணிகள் மற்றும் வெளியேற்றங்கள் காரணமாக, 2026-ஆம் ஆண்டில் சுமார் 3,800 பாலஸ்தீனியர்கள், அவர்களில் கிட்டத்தட்ட பாதி பேர் குழந்தைகள், இடம்பெயர்ந்துள்ளனர் என்று பதிவு செய்யப்பட்டுள்ளது.