நியூசிலாந்தின் புதிய பிரதமராக ஓரின சேர்க்கையாளர் ஒருவர் தெரிவாகலாம்: கசிந்த புதிய தகவல்

நியூசிலாந்தின் பிரதமர் பொறுப்பில் இருந்து ஜெசிந்தா ஆர்டெர்ன் விலகியுள்ள நிலையில், அந்த பொறுப்புக்கு தற்போதைய துணை பிரதமர் உட்பட மூவரின் பெயர் பரிசீலிக்கப்பட்டு வருவதாக தகவல் வெளியாகியுள்ளது.

புதிய பிரதமர் பொறுப்புக்கு மூன்று பெயர்கள்

வியாழக்கிழமை ஊடகங்களை சந்தித்த பிரதமர் ஜெசிந்தா ஆர்டெர்ன், தாம் எதிர்வரும் பிப்ரவரி 7ம் திகதி பதவி விலக இருப்பதாகவும், கடந்த ஐந்தரை ஆண்டு காலம் அளித்த ஆதரவுக்கு நன்றி கூறுவதாகவும் தெரிவித்தார்.

@getty

இந்த நிலையில், நாட்டின் புதிய பிரதமர் பொறுப்புக்கு யார் வருவார்கள் என்ற கேள்வி எழுந்தது. ஆனால் தற்போது தொழில் கட்சியின் பிரபலமான மூன்று தலைவர்களின் பெயர்கள் பிரதமர் பொறுப்புக்கு வர வாய்ப்பிருப்பதாக தகவல் கசிந்துள்ளது.

தற்போதைய துணை பிரதமரும் நிதியமைச்சருமான கிராண்ட் ராபர்ட்சன், கல்வி அமைச்சரான கிறிஸ் ஹிப்கின்ஸ் மற்றும் பூர்வகுடி வம்சாவளியை சேர்ந்தவரும் வெளிவிவகார அமைச்சருமான நனையா மஹுதா ஆகியோரே அவர்கள்.

ஏற்கனவே தாம் பிரதமர் பொறுப்புக்கு வரும் வாய்ய்ப்புகள் இல்லை என கிராண்ட் ராபர்ட்சன் அறிவித்திருந்தாலும், அந்த முடிவை மாற்றிக்கொள்ள இன்னும் கால அவகாசம் இருப்பதாக அரசியல் நோக்கர்கள் கூறுகின்றனர்.

@getty

கிராண்ட் ராபர்ட்சன் பிரதமராக வேண்டும்

மேலும், தொழில் கட்சியில் அதிக செல்வாக்கு கொண்டவர்கள் ஜெசிந்தா மற்றும் கிராண்ட் ராபர்ட்சன் ஆகிய இருவரும். 2014ல் எடுத்த முடிவை கிராண்ட் ராபர்ட்சன் மாற்றிக்கொள்ள வேண்டிய தருணம் இது என குறிப்பிட்டுள்ள அரசியல் நோக்கர்கள், நியூசிலாந்துக்கு தற்போதைய சூழலில் கிராண்ட் ராபர்ட்சன் போன்ற ஒருவரே பிரதமராக வேண்டும் எனவும் சுட்டிக்காட்டியுள்ளனர்.

மேலும் நிதியமைச்சர் பொறுப்பை தற்போதை கல்வி அமைச்சரிடம் ஒப்படைக்கலாம் எனவும் தெரிவித்துள்ளனர். அல்லது தற்போதைய கல்வி அமைச்சரான கிறிஸ் ஹிப்கின்ஸ் பிரதமர் பொறுப்புக்கு வரவேண்டும், நிதியமைச்சராக கிராண்ட் ராபர்ட்சன் தொடரலாம் என்கிறார்கள்.

@getty

கிராண்ட் ராபர்ட்சன் தாம் ஒரு தன்பாலின ஈர்ப்பாளர் என்பதை வெளிப்படையாக அறிவித்துக்கொண்டவர். நவம்பர் 2020ல் இருந்தே நியூசிலாந்தின் துணை பிரதமராகவும் நிதியமைச்சராகவும் பொறுப்பில் இருக்கிறார்.

2014ல் National கட்சியின் ஆண்ட்ரூ லிட்டில் என்பவரிடம் மிக குறைந்த வாக்கு எண்ணிக்கையில் வெற்றி வாய்ப்பை இழந்த நிலையில், இனி தொழில் கட்சியின் பிரதமர் பொறுப்புக்கு வரும் எந்த முயற்சியும் முன்னெடுப்பதாக இல்லை என அறிவித்திருந்தார்.

அந்த முடிவை கிராண்ட் ராபர்ட்சன் தற்போது மாற்றிக்கொள்வார் என்றால், நியூசிலாந்தின் முதல் தன்பாலின ஈர்ப்பாளர் பிரதமர் என வரலாறு படைப்பார் என்பது குறிப்பிடத்தக்கது.

@EPA