12 வயதில் மகாராஜாவாக அரியணை... இன்று ரூ 20,000 கோடி சொத்துக்களுக்கு வாரிசு

புகழ்பூத்த ஜெய்ப்பூர் அரச குடும்பம் ராஜஸ்தான் மாநிலத்தின் அடையாளத்திற்காக மறுக்க முடியாத பல நன்கொடைகளை வழங்கியுள்ளது.

மகாராஜா சவாய் பத்மநாப் சிங்

பிங்க் சிட்டியில் அமைந்துள்ள அரண்மனைகள் மற்றும் கோட்டைகள் உலகம் முழுவதிலுமுள்ள பார்வையாளர்களை ஈர்க்கும் வகையில் அதன் வீரம் மற்றும் அரச சிறப்பின் கதைகளை வெளிப்படுத்துகிறது.

இந்த மரபின் வழித்தோன்றலான ஒரு இளம் வாரிசு, மகாராஜா சவாய் பத்மநாப் சிங், நவீனத்துடன் பாரம்பரியத்தையும் சிரமமின்றி ஒருங்கிணைக்கிறார். உண்மையில் எந்த அரச பட்டங்களும் தற்போது இந்தியாவில் அமுலில் இல்லை, ஆனால் நடைமுறை நோக்கங்களுக்காக பின்பற்றப்படுகிறது.

தற்போது 26 வயதாகும் பத்நாப சிங் ஜெய்ப்பூர் சிம்மாசனத்தின் அதிகாரப்பூர்வமற்ற மன்னராக உள்ளார். தாத்தா பவானி சிங் காலமான பிறகு 12 வயதில் பத்நாப சிங் மகாராஜாவாக முடிசூட்டப்பட்டார்.

டெல்லியில் அரசியல்வாதியான தியா குமாரி மற்றும் நரேந்திர சிங் ஆகியோருக்கு 1998 ஜூலை 2ம் திகதி மகனாகப் பிறந்தார். ஆரம்பக் கல்வியை இந்தியாவின் மாயோ கல்லூரியிலும் பின்னர் இங்கிலாந்தில் உள்ள மில்ஃபீல்டிலும் முடித்தார்.

மரணத்தின் விளிம்பில் 2,500 சிறார்கள்... அவசர உதவி கோரிய ஐ.நா தலைவர்

303 வது வம்சாவளி

அத்துடன் போலோ விளையாட்டிலும் தமது ஆர்வத்தை அவர் வெளிப்படுத்தி வருகிறார். 2015ல் தொடங்கி, சர்வதேச அரங்கில் தமது திறமையை நிரூபித்து, 2017ல் ஹர்லிங்ஹாம் பூங்காவில் இந்திய தேசிய அணிக்கு கேப்டனாகவும் இருந்தார்.

போலோ விளையாட்டைத் தவிர்த்தால், பத்மநாப் தனது தனித்துவம் மற்றும் வசீகரத்தால் உலகம் முழுவதும் இதயங்களை வென்று வருகிறார். ஃபேஷன் பிரியரான பத்மநாப், உலக அரங்கில் தடம் பதித்து, நவீனத்துவத்துடன் பாரம்பரியம் கலந்த ஒரு அழகை வெளிக்கொண்டுவந்தார்.

30 வயதுக்கு உட்பட்ட கோடீஸ்வரர்களின் ஃபோர்ப்ஸ் பட்டியலில் 2018ல் இடம் பெற்றார். மேலும், இவர் ஜெய்ப்பூர் அரச குடும்பத்தின் 303 வது வம்சாவளி ஆவார். அத்துடன், சுமார் 20,000 கோடி சொத்துக்களுக்கும் இவர் வாரிசாக உள்ளார்.

மன்னர் முறை மற்றும் ஆட்சி எதுவும் இல்லை என்றாலும், பத்மநாப் சிங் குடும்பத்தின் தற்போதைய சொத்து மதிப்பு 697 மில்லியன் டொலர் முதல் 2.8 பில்லியன் அமெரிக்க டொலராக இருக்கலாம் என்றே நம்பப்படுகிறது.