நடிகர் ஜெயம் ரவி-மனைவி ஆர்த்தி விவாகரத்து: ரசிகர்கள் அதிர்ச்சி!

தமிழ் திரைப்பட நடிகர் ஜெயம் ரவி தன்னுடைய மனைவி ஆர்த்தி உடனான விவாகரத்தை உறுதிப்படுத்தி அறிக்கை வெளியிட்டுள்ளார்.

ஜெயம் ரவி - ஆர்த்தி விவாகரத்து

தமிழ் திரைப்பட துறையின் முன்னணி நடிகர்களில் ஒருவரான ஜெயம் ரவி தன்னுடைய மனைவி ஆர்த்தி உடனான உறவு முறிவை உறுதிப்படுத்தியுள்ளார்.

சமீபத்தில் இருவரும் விரைவாக விவாகரத்து பெற உள்ளதாக தகவல்கள் வெளியாகி வந்தன.

இந்த தகவல்களை உறுதிப்படுத்தும் விதமாக நடிகர் ஜெயம் ரவி அதிகாரப்பூர்வமான அறிக்கை ஒன்றை வெளியிட்டுள்ளார்.

ஆப்பிளின் முதல் விளம்பரம்! iPhone 16 சீரிஸ் வெளியீட்டுக்கு சற்று முன்னதாக வைரலாகும் வீடியோ

ஜெயம் ரவி வெளியிட்ட அறிக்கை

"வாழ்க்கை என்பது பல்வேறு அத்தியாயங்களைக் கொண்ட ஒரு பயணம். ஒவ்வொன்றும் அதன் சொந்த சவால்கள் மற்றும் வாய்ப்புகளுடன் வருகிறது. என்னுடைய பயணத்தை திரைப்படங்கள் வாயிலாகவும், திரையல்லாத இடங்களிலும் தொடர்ந்து பார்த்து வருபவர்களுக்கும் திரை துறை நண்பர்கள், பத்திரிக்கை, ஊடக துறை மற்றும் சமுக ஊடக நண்பர்கள், என் ரசிகர்கள் என அனைவரிடமும் நேர்மையாகவும் வெளிப்படையாகவும் இருக்க முயற்சி செய்து வருகிறேன்.

Grateful for your love and understanding.

Jayam Ravi pic.twitter.com/FNRGf6OOo8

— Jayam Ravi (@actor_jayamravi) September 9, 2024

எனவே, மிகவும் நெஞ்சம் கசந்த ஒரு தனிப்பட்ட செய்தியை உங்களுடன் பகிர வேண்டிய கட்டாயத்தில் உள்ளேன். நீண்டகால யோசனை, மற்றும் பல பரிசீலனைக்குப் பிறகு ஆர்த்தி உடனான எனது திருமண வாழ்வில் இருந்து விலகுவது என மிகவும் கடினமான ஒரு முடிவை எடுத்துள்ளேன். இந்த முடிவு எளிதாக எடுக்கப்பட்டதல்ல. சார்ந்தவர்களின் நலனை கருத்தில் கொண்டும் அவர்களின் நல்வாழ்விற்காக எடுக்கப்பட்டது.

ஆசிய நாடுகளை தாக்கிய சக்திவாய்ந்த புயல்: 21க்கும் மேற்பட்டோர் உயிரிழப்பு

இந்த நேரத்தில் எனது தனியுரிமையையும் எனக்கு நெருக்கமானவர்களின் தனியுரிமைகளுக்கு மதிப்பளிக்கும் படியும் கேட்டுக்கொள்கிறேன். இந்த முடிவு எனது சொந்த முடிவாகும் இந்த விஷயம் என்னுடைய தனிப்பட்ட விஷயமாகவே இருக்க வேண்டும் என வேண்டிக்கொள்கிறேன்.

என்னுடைய முன்னுரிமை எப்போதும் எனது அழைப்பின் மூலம் எனது ரசிகர்கள் மற்றும் மக்களுக்கு மகிழ்ச்சி மற்றும் பொழுதுபோக்கு அளிக்க வேண்டும் என்பதே நான் என்றும், எப்போதும் உங்கள் ஜெயம் கவே இருக்க விரும்புகிறேன். நீங்கள் எனக்கு அளிக்கும் ஆதரவை நன்றியுடன் உணர்கிறேன் எனக்கு தொடர்ந்து ஆதரவு தந்தமைக்கு நன்றி" என்று அறிக்கையில் தெரிவித்துள்ளார்.